டிரம்ப் காருக்கு கீழே உட்கார்ந்து கொண்டு "டேக்கா" காட்டிய குட்டி பூனை!
அதிபர் டிரம்ப்பின் காருக்கு அடியில் 'ரெஸ்ட்' எடுத்த பூனை
லண்டன்: அமெரிக்க அதிபர் டிரம்ப்தான் முரண்டு பிடித்தவர் என்றால்.. அவரைப் போலவே ஒரு பூனையும் முரண்டு பிடித்து களேபரப்படுத்தி விட்டது.
அமெரிக்க அதிபர் டொனால்ட் டிரம்ப் பயணிக்கவிருந்த சொகுசு காருக்குக் கீழே போய் உட்கார்ந்து கொண்ட லேரி என்ற பூனை வெளியே வராமல் முரண்டு பிடித்ததால் சலசலப்பு ஏற்பட்டது. இந்தப் பூனை காருக்குக் கீழே உட்கார்ந்து கொண்டிருந்த படம் இப்போது வைரலாகி விட்டது.
வித்தியாசமான ஹேர் ஸ்டைலுடன் டிரம்ப் இங்கிலாந்துக்கு 3 நாள் சுற்றுப் பயணம் வந்துள்ளார். வந்த இடத்தில் ராணி எலிசபெத்தின் முதுகில் தட்டிக் கொடுத்து பரபரப்பை ஏற்படுத்தி விட்டார். இந்த நிலையில் ஒரு பூனை பரபரப்பைக் கிளப்பியுள்ளது.
காத்திருந்தனர்
அது இங்கிலாந்து பிரதமர் தெரசா மே வசித்து வரும் அதிகாரப்பூர்வ இல்லமான 10, டவுனிங் தெரு வீடு. அந்த வீட்டுக்கு முன்பு டிரம்ப் பயணிக்க வேண்டிய லிமோசின் சொகுசுக் கார் நின்றிருந்தது. டிரம்ப் வர வேண்டிய நேரம். அத்தனை பேரும் காத்திருந்தனர்.
செல்ல பூனை
அப்போதுதான் காருக்குக் கீழே ஏதோ ஒன்று அசைவதை பாதுகாவலர்கள் பார்த்தனர். என்னவென்று பார்த்தால் ஒரு பூனை உட்கார்ந்திருந்தது. அதன் பெயர் லேரி என்பதாகும். அந்தப் பூனை டவுனிங் தெருவில் நடமாடி வரும் ஒரு செல்லப் பூனையாகும். பிரதமர் வீட்டையே சுற்றிச் சுற்றி வரக் கூடியதாகும்.
|
பரபரப்பு
முன்பொருமுறை பில் கிளின்டன் அமெரிக்க அதிபராக இருந்தபோது இங்கு வந்திருந்தார். அப்போது அவரது சாக்ஸுக்குள் போய் உட்கார்ந்து கொண்டது. இதனால் பெரும் பரபரப்பும், கலகலப்பும் ஏற்பட்டது. இந்த நிலையில் நேற்று டிரம்ப் காருக்குக் கீழே போய் உட்கார்ந்து கொண்டது. வெளியில் லேசான மழை பெய்து கொண்டிருந்ததால் லேரி, காருக்குக் கீழ் போய் விட்டதாக சொல்லப்படுகிறது.
பயணம்
ரொம்ப நேரமாக பூனையை வெளியே கொண்டு வர முயற்சித்துப் பார்த்தனர். ஆனால் லேரி வரவே இல்லை. இருப்பினும் லேரியால் டிரம்ப்பின் பயணம் பாதிக்கப்பட்டதாக தெரியவில்லை. லேரி எப்போது வெளியே போனது என்ற விவரமும் வெளியாகவில்லை. ஒரு வேளை டிரம்ப்பே வெளியே வந்து குணிந்து பார்த்து லேரியை வெளியேற்றினாரா என்பதும் தெரியவில்லை.
பூனை படம் வைரல்
டிரம்ப் காருக்குக் கீழே பூனை போய் ஒளிந்து கொண்ட செயல் சமூக வலைதளங்களில் இப்போது வைரலாகியுள்ளது. டிரம்ப்பே வைரலாகத்தான் போய்க் கொண்டிருக்கிறார். இதில் இந்த பூனை வேறயா.
Click it and Unblock the Notifications
Sign in with Google