கடந்த ஆண்டு குழந்தை.. இந்தாண்டு திருமணம்.. ரகசியமாக காதலியை மணந்தார் போரிஸ் ஜான்சன்!
லண்டன்: இங்கிலாந்து பிரதமர் போரிஸ் ஜான்சனுக்கும் அவரது காதலி ஹேரி சைமண்ட்ஸுக்கும் இடையே இன்று ரகசிய திருமணம் நடைபெற்றது.
இங்கிலாந்து பிரதமராக உள்ளவர் போரிஸ் ஜான்சன் (56). இவர் தனது காதலியான ஹேரி சைமண்ட்ஸ் (33). இருவரும் கடந்த 2019ஆம் ஆண்டு முதல் திருமணம் செய்யாமலேயே ஒன்றாக வாழ்ந்து வந்தனர்.
இந்த தம்பதிக்கு கடந்த ஆண்டு வில்பிரட் லாரி நிகோலஸ் ஜான்சன் என்ற ஆண் குழந்தை ஒன்று பிறந்தது. இதனைத் தொடர்ந்து இருவரும் திருமணம் செய்து கொள்ளவிருப்பதாக அறிவித்தனர். இந்த நிலையில் இருவரும் இன்று ரகசிய திருமணம் செய்து கொண்டதாக தகவல்கள் வெளியாகியுள்ளன.
வெஸ்ட்மின்ஸ்டர்
லண்டன் வெஸ்ட்மின்ஸ்டரில் உள்ள ஒரு சர்ச்சில் இவர்களது திருமணம் நடந்தது. இருவரும் சர்ச்சிற்கு வருவதற்கு அரை மணி நேரத்திற்கு முன்பு சர்ச் பூட்டப்பட்டது. பின்னர் பொதுமக்கள் வெளியேறிய பிறகு இருவரும் திருமணம் செய்து கொண்டனர். இந்த நிகழ்வில் மிகச் சிறிய எண்ணிக்கையிலான நபர்கள் மட்டுமே பங்கேற்றுள்ளனர். போரிஸ் ஜான்சனுக்கு ஏற்கெனவே 2 முறை திருமணம் நடந்து விவாகரத்தும் ஆகியுள்ளது.
இரண்டாது
எனவே ஹேரியுடன் நடந்த திருமணம் போரிஸுக்கு மூன்றாவது திருமணம் ஆகும். போரிஸ் ஜான்சனுக்கு ஏராளமானோர் வாழ்த்து தெரிவித்து வருகிறார்கள். போரிஸின் தனிப்பட்ட வாழ்வில் ஏகப்பட்ட சிக்கல்கள் இருக்கின்றன. இதனால் அவரை பாங்கிங் போரிஸ் என்றே ஊடகங்கள் அழைத்தன.
நீக்கம்
இந்த நிலையில் திருமணத்திற்கு மீறிய உறவை வைத்திருந்ததால் அவரது கன்சர்வேட்டிவ் கட்சி எதிர்க்கட்சியாக இருந்த போது நீக்கப்பட்டார். அவர் இரு முறை விவாகரத்து செய்தாலும் அவருக்கு எத்தனை குழந்தைகள் உள்ளன என்பதை அவர் சொல்ல மறுத்துவிட்டார்.
திருமணத்திற்கு முன்பே
போரிஸ் கடைசியாக மேரினா வீலர் என்ற வழக்கறிஞரை மணந்தார். அவர்களுக்கு 4 குழந்தைகள் இருவரும் கடந்த 2018இல் பிரிந்துவிட்டதாக அறிவித்தனர். தற்போது திருமணம் செய்து கொண்ட காதலியுடன் திருமணத்திற்கு முன்பே குழந்தை பெற்றுக் கொண்டார் போரிஸ்.
Click it and Unblock the Notifications
Sign in with Google