அடடே.. பிரதமர் நரேந்திர மோடியின் போன் நம்பர் இது தானா? மெயில் ஐடியையும் அவரே சொல்லிட்டாரா?

லக்னோ: லோக்சபா தேர்தல் 2024ல் வாரணாசி தொகுதியில் போட்டியிடும் பிரதமர் நரேந்திர மோடி தனது வேட்பு மனுவில் தனது தொலைபேசி எண் மற்றும் ஈ-மெயில் ஐடி குறித்த விவரங்களை பகிர்ந்துள்ள நிலையில் அது இணையத்தில் வைரலாகி வருகிறது.

மக்களவைத் தேர்தல் களம் இடைவேளையை சந்தித்து தற்போது கிளைமாக்ஸ் நோக்கி பயணித்து வரும் நிலையில் இறுதிக்கட்ட தேர்தல் ஜூன் ஒன்றாம் தேதி நடைபெற இருக்கிறது.

ஏழாவது மற்றும் இறுதி கட்டத் தேர்தலில் பிரதமர் நரேந்திர மோடி உத்திரபிரதேச மாநிலம் வாரணாசியில் களம் இறங்குகிறார். இதையடுத்து செவ்வாய்க்கிழமை வாரணாசி மாவட்ட ஆட்சியர் அலுவலகத்தில் தேர்தல் நடத்தும் அலுவலரிடம் தனது வேட்பு மனுவை தாக்கல் செய்தார்.

பிரதமர் நரேந்திர மோடி: அவருடன் மத்திய அமைச்சர் அமித்ஷா, உத்தரபிரதேச முதலமைச்சர் யோகி ஆதித்யநாத் ஆகிய கட்சியின் முக்கிய பிரமுகர்களும், தேசிய ஜனநாயக கூட்டணியின் கட்சித் தலைவர்களும் பங்கேற்றனர். பிரதமர் நரேந்திர மோடியின் வேட்பு மனுவை கணேஷ்வர் சாஸ்திரி, பைஜ்நாத் படேல், லால்சந்த் குஷ்வாஹா மற்றும் சஞ்சய் சோன்கர் ஆகியோர் பரிந்துரைத்தனர்.

பிரமாண பத்திரம்: தேர்தல் ஆணைய விதிப்படி பிரமாண பத்திரத்தில் சொத்து மதிப்பு கல்வி தகுதி தனிப்பட்ட விவரங்களை பிரதமர் மோடி சமர்ப்பித்து இருந்தார். அந்த தகவல்கள் தான் தற்போது இணைய தளத்தில் வைரலாகி வருகிறது. குறிப்பாக பிரதமர் நரேந்திர மோடியின் தொலைபேசி, ஈ-மெயில் ஐடி குறித்த தகவல்களை இணையத்தில் அதிகமாக தேடி வருகின்றனர் பாஜகவினர்.

தொடர்பு விவரங்கள்: இந்நிலையில் "எனது தொடர்பு தொலைபேசி எண் 8980809224 மற்றும் எனது மின்னஞ்சல் ஐடி [email protected]" என்று பிரதமர் மோடியின் பிரமாணப் பத்திரத்தில் அவர் குறிப்பிட்டுள்ளதாக எகனாமிக் டைம்ஸ் தெரிவித்துள்ளது. பெயர் மற்றும் தொலைபேசி எண்ணை தெரிந்து கொள்ள மக்கள் அதிகம் பயன்படுத்தும் ட்ரூகாலர் அப்ளிகேஷனில் இந்த தொலைபேசி எண்ணை டைப் செய்து தேடியபோது பிரதமர் நரேந்திர மோடி ஜி என காட்டுகிறது.

சொத்து மதிப்பு: தொலைபேசி மற்றும் இமெயில் விவரங்களை தேர்தல் அலுவலகத்தில் இருந்து யாரும் கசிய விட்டார்களா அல்லது போலியான தகவலா என்பதை உறுதிப்படுத்தவில்லை. மேலும் பிரதமர் மோடியின் பிரமாணப் பத்திரத்தின்படி, அவருக்கு ரூ. 3.02 கோடி மதிப்புள்ள அசையும் சொத்துகள் இருப்பதாகவும், ரூ. 52,920 ரொக்கமாக இருப்பதாகவும் தெரிவிக்கப்பட்டுள்ளது. பிரதமர் எஸ்பிஐ கணக்கில் ரூ.2,85,60,338 நிரந்த வைப்புத்தொகையுடன், நான்கு தங்க மோதிரங்களுடன் ரூ.2,67,750 இருப்பதாக குறிப்பிடப்பட்டுள்ளது.

English summary

Prime Minister Narendra Modi, who is contesting from Varanasi constituency in Lok Sabha elections 2024, has shared his phone number and e-mail ID details in his nomination papers, which is going viral on the internet.