உ.பி.யில் முதல் முறை வாக்களிக்கும் இளைஞர்கள் ஆர்வத்தோடு வருகை.. வளர்ச்சிக்காக வாக்களித்ததாக பேட்டி

லக்னோ: உத்தரப்பிரதேச முதல்கட்ட தேர்தலில் முதல்முறை வாக்காளர்கள் உற்சாகத்துடன் வாக்களித்து வருகின்றனர்.

உத்தரப்பிரதேச சட்டசபைத் தேர்தலுக்கான முதற்கட்ட தேர்தல் இன்று காலை முதல் நடைபெற்று வருகிறது. இதற்கான ஏற்பாடுகளை தேர்தல் ஆணையம் செய்து வருகிறது.

உத்தரப்பிரதேசத்தில் உள்ள 403 தொகுதிகளுக்கும் 7 கட்டங்களாக தேர்தல் நடக்கிறது. இன்று முதற்கட்ட தேர்தலில் 58 தொகுதிகளுக்கு தேர்தல் நடைபெற்று வருகிறது.

இதில் காலை முதல் அனைத்து வாக்காளர்களும் நீண்ட வரிசையில் நின்று வாக்களித்து வருகிறார்கள். இந்த தேர்தலில் முதற்கட்ட வாக்காளர்கள் ஆர்வத்துடன் வாக்களிப்பதாக தெரிவித்து வருகின்றனர்.

உத்தரப்பிரதேச லோனி தொகுதியில் வாக்களித்துவிட்டு வெளியே வந்த முதல்தலைமுறை வாக்காளர்களை செய்தியாளர்கள் சந்தித்தனர். அப்போது அவர்கள், ''முதல் முறை வாக்களித்தது மகிழ்ச்சியாக இருந்தது. உத்தரப்பிரதேசத்தின் வளர்ச்சிக்காக வாக்களித்ததாக தெரிவித்தனர்.

கைரானா தொகுதியில் குடும்பத்துடன் வாக்களித்த ஸிக்ரா என்ற முதல்முறை வாக்காளர் கூறுகையில், ''வாக்களிப்பது மிக முக்கியம். நான் வாக்களித்த பிறகு மகிழ்ச்சியாக உணர்கிறேன்'' என்று தெரிவித்துள்ளார்.

கடந்த தேர்தலைவிட இந்தத் தேர்தலில் 1.32% முதல்முறை வாக்காளர்கள் அதிகரித்துள்ளனர். 2022 உத்தரப்பிரதேச தேர்தலில் இருபது லட்சம் வாக்காளர்கள் வாக்களிக்க உள்ளதாக தேர்தல் ஆணையம் தெரிவித்துள்ளது. உத்தரப்பிரதேசத்தில் மொத்தம் உள்ள‌15 கோடி வாக்காளர்களில், இந்தமுறை 52.8 லட்சம் வாக்காளர்கள் புதிதாக பதிவு செய்துள்ளார்கள்.

இந்த முறை முதல் முறை வாக்காளர்கள் பெரும்பாலும் டிகிரி அல்லது டிப்ளமோ படிப்பு முடித்தவர்கள் வாக்களிக்கவுள்ளனர்.

அப்ஹா சௌத்ரிஉத்தரப்பிரதேசத்தில் உள்ள 403 சட்டசபைத் தேர்தலுக்கான முதற்கட்ட வாக்குபதிவு நடக்கிறது. 11 மாவட்டங்களில் உள்ள 58 தொகுதிகளில் 620க்கும் அதிமானோர் முதற்கட்டத் தேர்தலில் போட்டியிடுகின்றனர்.

உத்தரப்பிரதேசத்தில் பாஜக, சமாஜ்வாதி, பகுஜன் சமாஜ், காங்கிரஸ் என நான்கு முனை போட்டி நடக்கிறது. நாளை முதற்கட்ட தேர்தல் நடைபெறவுள்ள 58 தொகுதிகளில் போட்டியிடும் வேட்பாளர்களின் விபரங்கள்:

English summary

First time Voters in Uttar Pradesh are voting enthusiastically for the first phase of elections.