என்ன நடக்குது உ.பியில்? காரில் பாதுகாப்பின்றி கிடந்த இவிஎம் எந்திரம்.. தேர்தல் ஆணையம் ஆக்சன்

Updated: Sunday, February 20, 2022, 12:17 [IST]

Subscribe to Oneindia Tamil

லக்னோ: உத்தர பிரதேசத்தில் கார் ஒன்றில் மின்னணு வாக்குப்பதிவு எந்திரம் பாதுகாப்பு இன்று கண்டுபிடிக்கப்பட்ட சம்பவம் பெரிய பரபரப்பை எற்படுத்தி உள்ளது.

பெரும் எதிர்பார்ப்பிற்கு இடையில் இன்று உத்தரப்பிரதேச சட்டசபை தேர்தலில் 3-வது கட்டமாக 59 தொகுதிகளில் வாக்குப்பதிவு தொடங்கி நடந்து வருகிறது. இந்த நிலையில் உத்தர பிரதேசத்தில் மின்னணு வாக்கு பதிவு எந்திரங்களை பாதுகாப்பாக கையாளவில்லை என்று தொடர் புகார்கள் வைக்கப்பட்டு வருகின்றனர்.

முக்கியமாக அங்கு வாக்கு பதிவு எந்திரங்களை எடுத்து செல்லும் தேர்தல் பணியாளர்களுக்கு போலீஸ் பாதுகாப்புகள் கொடுக்கப்படவில்லை.

புகார்

சாலையில் நடந்தபடி பலர் மின்னனு வாக்கு பதிவு எந்திரங்களை எடுத்து செல்வதாக புகார் வைக்கப்பட்டுள்ளது. இந்த நிலையில்தான் கடத்த பிப்ரவரி 10ம் தேதி உத்தர பிரதேசத்தில் மின்னனு வாக்கு பதிவு எந்திரம் ஒன்று பாதுகாப்பு இன்றி கார் ஒன்றில் கண்டுபிடிக்கப்பட்டது. உத்தர பிரதேசத்தின் கைரானா தொகுதியில் இந்த மின்னனு வாக்கு பதிவு எந்திரம் கண்டுபிடிக்கப்பட்டது. கைரானா தொகுதி உத்தர பிரதேசத்தில் முதல்கட்ட வாக்கு பதிவின் போது தேர்தலை சந்தித்த தொகுதியாகும்.

என்ன நடந்தது?

இந்த நிலையில் தேர்தல் முடிந்த பின் அங்கு மண்டல தேர்தல் ஆணைய மேஜிஸ்டிரேட் காரில் மின்னனு வாக்கு பதிவு எந்திரம் ஒன்று கண்டுபிடிக்கப்பட்டது. சமாஜ்வாதி கட்சியினர் இந்த மின்னனு வாக்கு பதிவு எந்திரத்தை கண்டுபிடித்தனர். தேர்தல் முடிந்த பின் அந்த மின்னனு வாக்கு பதிவு எந்திரம் பாதுகாப்பான அறையில் பூட்டி வைக்கப்பட்டு இருக்க வேண்டும். ஆனால் மின்னனு வாக்கு பதிவு எந்திரம் அப்படி பூட்டப்படவில்லை.

காரில் இவிஎம்

மாறாக வெளியே கார் ஒன்றின் பின் பக்கம் இருந்துள்ளது. அதோடு அங்கு ஒரு போலீஸ் கூட பாதுகாப்பிற்கு இல்லை என்றும் புகார் வைக்கப்பட்டு உள்ளது. பின்னர் அங்கு வந்த மாவட்ட மேஜிஸ்டிரேட் மின்னனு வாக்கு பதிவு எந்திரம் பாதுகாப்பு இன்றி இருந்ததை பார்த்து புகாரினை பதிவு செய்தார். அம்மாவட்ட எஸ்பி மீதும் போதிய பாதுகாப்பு வழங்காத காரணத்திற்காக புகார் பதிவு செய்தார். அதேபோல் மண்டல தேர்தல் அதிகாரி மீதும் புகார் பதிவு செய்துள்ளார்.

நடவடிக்கை தேவை

இந்த நிலையில்தான் மண்டல தேர்தல் அதிகாரி மீது நடவடிக்கை எடுக்க வேண்டும். அவர் தேர்தல் விதிகளை மீறிவிட்டார் என்று மாவட்ட மேஜிஸ்டிரேட் மாநில தேர்தல் ஆணையத்திற்கு பரிந்துரை செய்துள்ளார். மின்னனு வாக்கு பதிவு எந்திரம் பாதுகாப்பிற்கு தேர்தலுக்கு பின் இப்படி கார் ஒன்றில் கண்டுபிடிக்கப்பட்டது உத்தர பிரதேசத்தில் பரபரப்பை ஏற்படுத்தி உள்ளது. இந்த சம்பவம் வீடியோவாக வெளியாகி வைரலாகி உள்ளது.