பொருளாதார வளர்ச்சியை துரிதப்படுத்த அதிரடி திட்டம்! உத்தர பிரதேச முதல்வர் யோகி ஆதித்யநாத் அறிவித்தார்
லக்னோ: உத்தரப் பிரதேசத்தில் ஒரு டிரில்லியன் டாலர் பொருளாதார வளர்ச்சியை சாத்தியப்படுத்த மாநில அரசு பல்வேறு முயற்சிகளை செய்து வருகிறது. இந்நிலையில், தொழில்முனைவோரின் நண்பர்களுக்கான 14 நாள் அடிப்படை நோக்குநிலை திட்டத்தை யோகி ஆதித்யநாத் தலைமையிலான பாஜக அரசு தொடங்கியுள்ளது.
தேசிய அளவில் வேகமாக வளர்ந்து வரும் மாநிலங்களில் உத்தரப் பிரதேசம் முதன்மையானதாக இருக்கிறது. கடந்த 6 ஆண்டுகளில் இம்மாநிலத்தில் ஒரேயொரு விவசாயி கூட தற்கொலை செய்துகொள்ளவில்லை. அதேபோல பல புதிய திட்டங்கள் அறிவிக்கப்பட்டு செயல்படுத்தப்பட்டு வருகின்றன. இந்நிலையில் இந்த ஆண்டு தொடக்கத்தில் உத்தரப் பிரதேச மாநிலத்தில் உலக முதலீட்டாளர்கள் மாநாடு நடைபெற்றது. வழக்கமாக மும்பை, டெல்லி போன்ற பெருநகரங்களில் நடைபெறும் இந்த மாநாட்டை முதன் முதலாக லக்னோவில் நடத்தி காட்டியுள்ளார் யோகி ஆதித்யநாத்.
இந்த மாநாட்டின் மூலம் சுமார் ரூ.33 லட்சம் கோடி ரூபாய் முதலீடுகளுக்கு ஒப்பந்தங்கள் கையெழுத்தாகியுள்ளன. இந்நிலையில் இது குறித்து பேசிய யோகி ஆதித்யநாத், "உத்தரப் பிரதேசத்தில் ஒரு டிரில்லியன் டாலர் பொருளாதார வளர்ச்சியை சாத்தியப்படுத்த மாநில அரசு பல்வேறு முயற்சிகளை செய்து வருகிறது. அதன் ஒரு பகுதியாக தொழில்முனைவோரின் நண்பர்களுக்கான 14 நாள் அடிப்படை நோக்குநிலை திட்டம் தற்போது தொடங்கப்பட்டுள்ளது.
இதில் மொத்தம் 26 பயிற்சி அமர்வுகள் நடத்தப்படும். முதலீட்டு சார்ந்த கொள்கைகள், விதிகள், எளிதாக வணிகம் செய்வது மற்றும் பல்வேறு இணையதளங்கள் மற்றும் தொழில்துறை பகுதிகளுக்கான வருகைகள் ஆகியவை குறித்து விரிவாக விவரிக்கப்படும். இந்த திட்டத்தில் பங்கேற்கும் நபர்கள் முதலமைச்சரின் உத்யமி மித்ரா யோஜனாவின் கீழ் தேர்ந்தெடுக்கப்பட்டவர்களாவார்கள்.
இவர்களுக்கு உத்தரப் பிரதேசத்தில் வர இருக்கும் மல்டி மாடல் லாஜிஸ்டிக்ஸ் பூங்காக்கள், மருந்து பூங்காக்கள், பிரத்யேக சரக்கு நடைபாதை போன்றவை குறித்து விரிவாக விளக்கப்படும்" என்று கூறியுள்ளார். இவர்கள் மாநிலத்தின் பொருளாதார வளர்ச்சியில் முக்கிய பங்காற்றுவார்கள் என்றும் முதலமைச்சர் யோகி ஆதித்யநாத் கூறியுள்ளார்.
Click it and Unblock the Notifications
Sign in with Google