நடிகர் சூரி மாடு சுத்தி சுத்தி அடிக்குது.. ஜல்லிக்கட்டில் பெர்ஃபாமன்ஸை நேரில் பார்த்து பூரிப்பு

Published: Tuesday, January 17, 2023, 17:04 [IST]

Subscribe to Oneindia Tamil

மதுரை: மதுரை அலங்காநல்லூர் ஜல்லிக்கட்டு போட்டியில் நடிகர் சூரியின் காளை சுத்தி சுத்தி அடித்து தங்க மோதிரத்தை பரிசாக பெற்றது. தனது காளையின் பெர்ஃபாமன்ஸை நேரில் பார்த்து வியந்தார் நடிகர் பரோட்டா சூரி.

உலக புகழ்பெற்ற அலங்காநல்லூர் ஜல்லிக்கட்டு இன்று காலை 8 மணிக்கு தொடங்கியது. காளைகள் சீறிப் பாய தொடங்கியதுமே அதை அடக்க காளையர்கள் தயார் நிலையில் இருந்தனர். இந்த போட்டியை காண ஆயிரக்கணக்கானோர் திரண்டிருந்தனர்.

அமைச்சர்கள் பிடிஆர் பழனிவேல் தியாகராஜன், உதயநிதி ஸ்டாலின், மூர்த்தி, அன்பில் மகேஷ் பொய்யாமொழி, நடிகர் சூரி உள்ளிட்டோர் பார்வையாளர்கள் மாடத்தில் அமர்ந்து கொண்டு ஜல்லிக்கட்டை ரசித்தனர். ஜல்லிக்கட்டில் முக்கிய பிரமுகர்களின் வளர்ப்பு காளையும் போட்டியிட்டன.

அவனியாபுரம்

அவனியாபுரம், சூரியூர் ஜல்லிக்கட்டுகளில் களமிறக்கப்பட்ட முன்னாள் அமைச்சர் விஜயபாஸ்கரின் காளை அலங்காநல்லூரிலும் களமிறங்கி வெற்றி பெற்றது. இலங்கை அமைச்சர் தொண்டைமான் சார்பில் களமிறக்கப்பட்ட காளையும் வென்றது. அது போல் ஸ்ரீரங்கம் சட்டமன்ற உறுப்பினர் பழனியாண்டியின் காளை களமிறங்கிய நிலையில் யாருக்கும் பிடி கொடுக்காமல் வென்றது.

2 மாடுகள்

நடிகர் சூரியின் சார்பில் 2 மாடுகள் களமிறங்கின. 3ஆவது சுற்றில் களமிறங்கிய சூரியின் காளை பிடி கொடுத்த நிலையில் அடுத்து 4ஆவது சுற்றில் களமிறங்கிய அந்த காளை வெற்றி பெற்றது. அந்த காளையை இறக்கும் போதே நிகழ்ச்சி ஏற்பாட்டாளர்கள் நடிகர் சூரியின் காளை என்றே சொல்லி அழைத்தனர். மேலும் சூரியின் மாடு யாருக்கும் பிடிபடாமல் இருந்ததை அடுத்து நிகழ்ச்சி ஏற்பாட்டாளர்கள் "நடிகர் சூரியின் மாடு சுத்தி சுத்தி அடிக்குது" என்றார்கள்.

தங்க மோதிரம்

மேலும் சூரியின் மாடு தங்க மோதிரம் ஜெயித்ததாக அறிவித்தார்கள். உடனே விளையாட்டுத் துறை அமைச்சர் உதயநிதி, மோதிரத்தை நடிகர் சூரிக்கு அணிவித்தார். உடனே சூரியும் அந்த மோதிரத்தை வாங்கி தனது மாட்டை பாதுகாக்கும் நபரிடம் கொடுத்தார். இந்த போட்டியில் தென்சென்னை எம்பி தமிழச்சி தங்கபாண்டியனின் காளை வென்றது.

ஆர் பி உதயகுமார்

அது போல் அதிமுக முன்னாள் அமைச்சர் ஆர்.பி. உதயகுமாரின் சார்பில் களமிறக்கப்பட்ட காளையும் வென்றது. நடிகர் சூரி சார்பில் காளைகள் களமிறங்கின. முதல் காளை பிடிபட்ட நிலையில் மற்ற 2 காளைகளும் வெற்றி பெற்றன. பார்வையாளர் மாடத்தில் இருந்து அமைச்சர் உதயநிதியும் சூரியும் சிரித்தபடி பார்த்து ரசித்தனர்.

Published On January 17, 2023