ஆண்கள் கழிப்பறைக்கு தோனியின் படம்.. ரசிகர்கள் கடும் எதிர்ப்பு! சர்ச்சையில் சிக்கிய மதுரை மாநகராட்சி!
மதுரை: மதுரை மாநகராட்சி ஆண்கள் கழிவறையில் கிரிக்கெட் வீரர் தோனியின் புகைப்படம் வைக்கப்பட்டுள்ளது சர்ச்சையை ஏற்படுத்தியுள்ளது.
மதுரை என்பது அரசியல் கட்சியினருக்கு பல்வேறு திருப்புமுனைகளை ஏற்படுத்தும். மதுரையில் அரசியல் கட்சி மாநாடு என்றாலே களைகட்டும். அதே வேளையில் மதுரையில் சித்திரை திருவிழா உள்ளிட்டவையும் பிரபலமாகும்.
மதுரை தூங்காநகரம் என்பதால் 24 மணி நேரமும் சைவ மற்றும் அசைவ உணவுகள் கிடைக்கும். அது போல் இந்த மதுரையில் நடிகர், நடிகைகள், அரசியல் கட்சியினர் போஸ்டர் ஒட்டி தமிழகத்தையே திரும்பி பார்க்க வைப்பார்கள்.
விஜய்
இதற்கு உதாரணமாக விஜய்யை அவரது ரசிகர்கள் அரசியலுக்கு அழைத்து போஸ்டர் ஒட்டியது தமிழகத்தில் பெரும பரபரப்பை ஏற்படுத்தியிருந்தது. அது போல் இந்த போஸ்டர் கலாச்சாரத்திற்கு அஜித்தும் தப்பவில்லை. அண்மையில் கூட மதுரை மாநகராட்சி ராஜாஜி சிறுவர் பூங்கா வளாகத்திற்குள் வைக்கப்பட்ட பேனர் ஒன்று சர்ச்சையை ஏற்படுத்தியது.
நாய் காதல்
அதில் 'நாய் காதல்' செய்தால் நடவடிக்கை எடுக்கப்படும் என கடுமையாக எச்சரித்து அறிவிப்பு பலகை வைத்தது பரபரப்பையும், விமர்சனத்தையும் ஏற்படுத்தியது. இந்த போர்டால் கடும் விமர்சனங்கள் எழுந்ததால் நாய் காதல் என்ற சர்ச்சைக்குரிய போர்டு நீக்கப்பட்டது.
மதுரை மாநகராட்சி
இந்த நிலையில் மதுரை மாநகராட்சி ஆண்கள் கழிவறையில் கிரிக்கெட் வீரர் தோனியின் புகைப்படம் வைக்கப்பட்டுள்ளது சர்ச்சையை ஏற்படுத்தியுள்ளது. மதுரை மாட்டுத் தாவணி பேருந்து நிலையத்தில் உள்ள ஆண்கள் கழிவறையில் தோனியின் புகைப்படம் வைக்கப்பட்டுள்ளது.
ரசிகர்கள் கோபம்
இதை பார்த்த ரசிகர்கள் கடும் கோபமடைந்து சமூகவலைதளங்களில் பகிர்ந்து வருகிறார்கள். மாநகராட்சியின் இந்த செயலுக்கு கடும் கண்டனங்கள் எழுந்துள்ளன. உடனே தோனியின் புகைப்படத்தை நீக்க வேண்டும் என ரசிகர்கள் கோரிக்கை விடுத்து வருகிறார்கள். ஆண், பெண் என படம் வரைந்தாலே கழிவறையை அடையாளம் கண்டுக் கொள்ளும் நிலையில் எதற்காக தோனி புகைப்படம் வைக்க வேண்டும் என்றெல்லாம் கேள்வி எழுந்தது.
Click it and Unblock the Notifications
Sign in with Google