அண்ணே.. அந்த ஆதரவு? திருப்பரங்குன்றத்துக்காக போன் போட்ட தினகரன்! அழகிரி பதில் என்ன தெரியுமா?
Recommended Video
மதுரை: திருப்பரங்குன்றம் தொகுதி இடைத்தேர்தலில் அமமுக வேட்பாளரை ஆதரிக்க கோரி மு.க. அழகிரியிடம் தொலைபேசி வேண்டுகோள் விடுத்துள்ளாராம் தினகரன்.
திருப்பரங்குன்றம், அரவக்குறிச்சி உள்ளிட்ட 4 தொகுதி இடைத்தேர்தல் களம் அனல் பறக்கிறது. ஒவ்வொரு கட்சியும் வியூகங்கள் வகுத்து செயல்பட்டு வருகின்றன.
அதிமுகவைப் பொறுத்தவரை 4- தொகுதிகளிலும் வெல்ல வேண்டும் என்கிற முனைப்பு காட்டுகிறது. இதேநிலைமையில்தான் திமுகவும் இருந்து வருகிறது.
ஸ்டாலினின் தப்புத் தாளம் எடுபடாது.. எடப்பாடி அடிக்கும் ராஜ மேளமே எடுபடும்.. ராஜேந்திர பாலாஜி
அமமுகவோ எப்படியாவது 2 தொகுதிகளையாவது கைப்பற்ற வேண்டும் என நினைக்கிறது. குறிப்பாக திருப்பரங்குன்றம் தொகுதியை அழகிரி ஆதரவுடன் கைப்பற்றிவிடலாம் என்பது அமமுக பொதுச்செயலர் தினகரனின் கணக்கு.
இது தொடர்பாக முன்னரே மு.க. அழகிரியிடம் 'துண்டு போட்டு' வைத்திருந்தாராம் தினகரன். தற்போதை அதை நினைவூட்டும் வகையில் மீண்டும் அழகிரியை தொலைபேசியில் தொடர்பு கொண்டு தினகரன் பேசியுள்ளார்.
தினகரன் தரப்பு கூறியதை அமைதியாக கேட்டுக் கொண்ட மு.க. அழகிரி சொன்ன ஒரே பதில்..
"ஆகட்டும் பார்க்கலாம்"