தேசிய யூத் கேம்ஸ் சாம்பியன்ஷிப்! கெத்து காட்டிய மதுரை சிறுவன்.. 3 போட்டிகளில் தங்கம் வென்று அசத்தல்

மதுரை: தேசிய யூத் கேம்ஸ் சாம்பியன்ஷிப் போட்டியில் மொத்தம் மூன்று போட்டிகளில் வென்று 7ஆம் வகுப்பு மாணவர் ஜெ.அதீஸ்ராம் அசத்தி உள்ளார்.

கோவாவில் ஏப்ரல் 27 முதல் 29 வரை 7வது தேசிய யூத் கேம்ஸ் சாம்பியன்ஷிப் போட்டி 2022 (7th National Youth Games Championship 2022) நடைபெற்றது.

இந்த விளையாட்டுப் போட்டிகள் National Youth Sports And Education Federation (NYSAEF) சார்பில் நடைபெற்றது. நாடு முழுவதும் இருந்து சுமார் 400க்கும் மேற்பட்ட மாணவ மாணவியர் இப்போட்டிகளில் பங்கேற்றனர்.

இதில் மதுரையைச் சேர்ந்த 7ஆம் வகுப்பு பள்ளி மாணவர் ஜெ.அதீஸ்ராம், சிலம்பம், வில்வித்தை, ஸ்கேட்டிங் ஆகிய மூன்று போட்டிகளில் பங்கேற்று முதல் பரிசு தங்கம் பெற்றார்.

இந்த போட்டியில் வெற்றி பெற்றவர்களுக்கு NYSAEF தலைவர் ஹேமந்த் பவார், ராஜமகாகுரு ராமகிருஷ்ணன் ஆகியோர் பரிசளித்துப் பாராட்டினர்.

English summary

Madurai school student won three medals: (தேசிய யூத் கேம்ஸ் சாம்பியன்ஷிப் போட்டியில் பதக்கம் வென்ற 7ஆம் வகுப்பு பள்ளி மாணவர்) National Youth Games Championship 2022 latest news.