அதிமுக பொதுச் செயலாளரே.. தியாகத்தின் அடையாளமே.. சசிகலாவை வாழ்த்தி மதுரையில் அதிமுக பிரமுகர் போஸ்டர்
மதுரை: மதுரையில், "அதிமுகவின் பொதுச்செயலாளர்" சசிகலா என்ற வாசகங்களுடன் சசிகலாவிற்கு ஆதரவாக சுவரொட்டிகளை ஒட்டி கிளர்ச்சியில் இறங்கியுள்ளனர், சில அதிமுக நிர்வாகிகள்.
Recommended Video
மதுரை மாநகரின் பல்வேறு பகுதிகளில் அதிமுகவினர் சிலர் சசிகலாவிற்கு ஆதரவாக சுவரொட்டிகளை ஒட்டியுள்ளனர்.
"அதிமுகவின் பொதுச்செயலாளரே.." "தியாகத்தின் அடையாளம்.." என்ற வாசகங்களுடன் மதுரை மாநகர் அதிமுக மேற்கு 2ஆம் பகுதி அண்ணா தொழிற்சங்க செயலாளர் A.மாரியப்பன் என்பவரும், மதுரை மாநகர் 8வது வட்ட அம்மாபேரவை செயலாளர் கே.பூமிநாதன் என்பவரும் செல்லூர், தத்தனேரி, பொன்மேனி, அய்யர்பங்களா, தல்லாகுளம் ஆகிய நகரின் பல்வேறு பகுதிகளிலும் சுவரொட்டிகள் ஒட்டபட்டடுள்ளது.
அதிமுகவினர் சசிகலாவிற்கு ஆதரவாக சுவரொட்டிகளை ஒட்டியுள்ளது பரபரப்பை ஏற்படுத்தியுள்ளது. இதனிடையே இப்படி சுவரொட்டி ஒட்டும் அதிமுகவினரை கட்சியிலிருந்து நீக்கி தலைமை நடவடிக்கை எடுத்து வருகிறது. ஏற்கனவே நெல்லை உட்பட சில பகுதிகளில் சுவரொட்டி ஒட்டிய அதிமுகவினர் நீக்கப்பட்டுள்ளனர். இப்போது மதுரையிலும் சுவரொட்டிகள் தலைதூக்கியுள்ளன.