புது டுவிஸ்ட் இருக்குதா..விஜய் கூட விஜயகாந்த் கட்சி கூட்டணி? விஜயபிரபாகரன் போட்டாரு பாருங்க கண்டிஷன்

Updated: Tuesday, February 11, 2025, 16:24 [IST]

Subscribe to Oneindia Tamil

மதுரை: விஜயகாந்த்தை போல விஜய் தன்னை அரசியலில் நிரூபிக்க வேண்டும், தேர்தலில் நின்று விஜய் அண்ணா தன்னை நிரூபித்த பின்னரே அவரோடு கூட்டணி வைப்பதா? இல்லையா? என முடிவு செய்வோம் என தேமுதிக பொதுச் செயலாளர் பிரேமலதா விஜயகாந்தின் மகனான விஜய பிரபாகரன் கூறியுள்ளார்.

மாமன்னர் திருமலை நாயக்கரின் 442 ஆவது பிறந்த நாளை முன்னிட்டு மதுரை திருமலை நாயக்கர் மஹாலில் உள்ள சிலைக்கு தேமுதிக சார்பில், தேமுதிக நிறுவனர் விஜயகாந்தின் மகனான விஜய பிரபாகரன் மாலை அணிவித்து மரியாதை செய்தார்.

பின்னர் செய்தியாளர்களை சந்தித்த விஜய பிரபாகரன் கூறுகையில் " விஜய் தன்னை அரசியலில் நிரூபிக்க வேண்டும், விஜயகாந்த் 2005 இல் கட்சியை தொடங்கி தேர்தலில் நின்று 12 சதவீத வாக்குகளை பெற்று பின்னரே கூட்டணி வைத்தார். விஜயகாந்த்தை போல விஜய் தன்னை அரசியலில் நிரூபிக்க வேண்டும்.

தேர்தலில் நின்று விஜய் அண்ணா தன்னை நிரூபித்த பின்னரே அவரோடு கூட்டணி வைப்பதா? இல்லையா? என முடிவு செய்வோம். அதிமுகவுடன் தான் கூட்டணியில் இருக்கிறோம். தற்போதைய நிலையில் அதிமுகவுடன் கூட்டணியில் இருக்கிறோம், எதிர்காலத்தில் கூட்டணி எப்படி அமையும் என கூற முடியாது. தேர்தலுக்கு முன்னர் எதுவும் மாறலாம், சூழலுக்கு ஏற்றவாறு எங்களின் நிலைப்பாடு மாறும்.

அதிமுகவுக்குள் நிலவும் பிரச்சினைகளை சரி செய்வார்கள், அனைவரையும் ஒன்றிணைப்பது தொடர்பாக அவர்கள் முடிவெடுப்பார்கள். பொது செயலாளர் என்னை நாடாளுமன்ற தேர்தலில் போட்டியிட சொன்னார்கள் போட்டியிட்டேன், சட்டமன்ற தேர்தலில் போட்டியிட சொன்னால் போட்டியிடுவேன்" என கூறினார்.

கடந்த சில நாட்களாகவே தமிழக வெற்றி கழகம், அதிமுக தேமுதிக கூட்டணி குறித்து கடந்த சில நாட்களுக்கு முன்பு மதுரையில் செய்தியாளர்களை சந்தித்த தேமுதிக பொதுச் செயலாளர் பிரேமலதா விஜயகாந்த்," விஜய் எங்கள் வீட்டு பையன் தான் அதில் மாற்றுக்கருத்து இல்லை. சினிமா வேறு அரசியல் வேறு. இதை விஜயிடம் நேரடியாகவே தெரிவித்திருக்கிறேன். சினிமா துறையில் அனைத்தையும் விட்டுவிட்டு அரசியலுக்கு வருகிறார் என்றால் அதை நாம் பாராட்ட வேண்டும்.

என்ன சாதிக்கப் போகிறார் என்ன சரித்திரம் படைக்கப் போகிறார் என்பதை பார்க்க காத்திருக்கிறோம். அதே நேரத்தில் விஜய் அறையில் அமர்ந்து பேசுவதை விட்டுவிட்டு வெளியே வரவேண்டும். மக்களையும் பத்திரிகையாளர்களையும் சந்திக்க வேண்டும்" என கூறியிருந்தது குறிப்பிடத்தக்கது.