இதனால்தான், அதிமுகவை போற இடத்துல எல்லாம் துரத்தி அடிக்குறாங்க... கரு.பழனியப்பன்
Recommended Video
மதுரை: பாரதிய ஜனதாவுடன் கூட்டணி வைத்துள்ளதால், அதிமுகவினருக்கு மக்கள் செல்லும் இடங்களில் எல்லாம் எதிர்ப்பு தெரிவிப்பதாக இயக்குநர் கரு.பழனியப்பன் தெரிவித்துள்ளார்.
மதுரை சிபிஎம் வேட்பாளர் சு.வெங்கடேசனுக்கு ஆதரவாக திரைப்பட இயக்குனர் இயக்குநர் கரு.பழனியப்பன் இன்று மதுரை சோலை அழகுபுரத்தில் பிரச்சாரம் மேற்கொண்டு வருகிறார்.
அதற்கு முன்னதாக செய்தியாளர்களை கரு பழனியப்பன் சந்தித்தார். அப்போது அவர் கூறுகையில், "மதச்சார்பற்ற முற்போக்கு கூட்டணிக்கு எனது ஆதரவை தெரிவித்துள்ளேன். அந்த வகையில் தற்போது மதுரையில் எனது நண்பர் வெங்கடேசனுக்கு ஆதரவு கேட்டு மக்களிடம் பிரச்சாரம் மேற்கொள்கிறேன்.
பொதுவாக எதிரி தோற்க வேண்டும் நினைப்போம். ஆனால் தற்போது உள்ள எதிரி படுபயங்கரமாக தோல்வி அடைய வேண்டும். அதற்கு அனைவரும் ஒன்றிணைந்து செயல்படவேண்டும். பாரதிய ஜனதா கட்சியுடன் அதிமுக கூட்டணி வைத்துள்ளதால் செல்லும் இடங்களில் அதிமுகவிற்கு மக்கள் எதிர்ப்பு தெரிவித்து வருகிறார்கள். மக்கள் அனைவரும் தீமையின் பக்கம் நிற்காமல், நன்மையின் பக்கம் நிற்க வேண்டும்
தற்போது உள்ள வேட்பாளர் பட்டியலில் மிகச்சிறந்த வேட்பாளர் சு.வெங்கடேசன். திரைத்துறையை சேர்ந்தவர்கள் சிலர் கட்சி ஆரம்பித்து அதில் நிற்கிறார்கள். நான் கட்சி இல்லாததால் சு.வெங்கடேசனை ஆதரிக்கிறேன். மதச்சார்பற்ற முற்போக்கு கூட்டணி 40 தொகுதிகளிலும் வெற்றி பெறும்" இவ்வாறு கூறினார்.