மும்பையில் ஏர் இந்தியா விமானத்தில் இருந்து கீழே விழுந்த ஏர் ஹோஸ்டஸ் படுகாயம்

மும்பை: மும்பையில் புறப்படத் தயாராக இருந்த விமானத்தில் இருந்து கீழே தவறி விழுந்த பணிப்பெண் மருத்துவமனையில் அனுமதிக்கப்பட்டுள்ளார்.

ஏர் இந்தியா விமானம் ஏஐ 864 மும்பையில் உள்ள சத்ரபதி சிவாஜி விமான நிலையத்தில் இருந்து பயணிகளுடன் டெல்லிக்கு கிளம்ப தயாரானது. அந்த விமானத்தில் இருந்த 53 வயது பணிப்பெண் விமானத்தின் கதவை மூடும் போது கீழே தவறி விழுந்தார்.

விமானத்தில் இருந்து கீழே விழுந்த அவர் படுகாயம் அடைந்தார். உடனே அவர் மும்பையில் உள்ள நானாவதி மருத்துவமனைக்கு அழைத்துச் செல்லப்பட்டு அனுமதிக்கப்பட்டார்.

அங்கு அவருக்கு மருத்துவர்கள் தீவிர சிகிச்சை அளித்து வருகிறார்கள். இந்த சம்பவத்தால் விமான நிலையத்தில் சிறிது நேரம் பரபரப்பு ஏற்பட்டது. விமானத்தில் இருந்த பயணிகள் அதிர்ச்சி அடைந்தனர்.

இந்த சம்பவம் குறித்து கருத்து கேட்க ஏர் இந்தியா செய்தித் தொடர்பாளரை அணுக முயன்றும் முடியவில்லை.

English summary

A 53-year-old air hostess who fell off an aircraft in Mumbai airport is admitted in Nanavati hospital.