தீவிரம்.. மகாராஷ்டிராவில் 20 ஆயிரத்தை தாண்டிய பாதிப்பு.. நாடு முழுக்க 62 ஆயிரம் பேருக்கு கொரோனா!

Published: Sunday, May 10, 2020, 1:42 [IST]

Subscribe to Oneindia Tamil

மும்பை: இந்தியாவில் மகாராஷ்டிராவில் கொரோனா தீவிரம் அடைய தொடங்கி உள்ளது. அங்கு பாதிக்கப்பட்டோர் எண்ணிக்கை 20 ஆயிரத்தை தாண்டியுள்ளது.

இந்தியாவில் கடந்த 1 மாதமாக கொரோனா தீவிரம் அடைந்துள்ளது. வெறும் 4 நாட்களில் இந்தியாவில் 10 ஆயிரம் பேருக்கு கொரோனா ஏற்பட்டுள்ளது. இந்தியாவில் கொரோனா பாதிப்பு 10 நாட்களுக்கு ஒருமுறை இரட்டிப்பு அடைகிறது.

இந்தியாவில் மொத்தம் 62,808 பேருக்கு கொரோனா பாதிப்பு ஏற்பட்டுள்ளது. கொரோனாவால் மொத்தம் 2,101 பேர் பலியாகி உள்ளனர்.

நிலை என்ன

இந்தியாவில் இதுவரை 19,301 பேர் குணமடைந்து உள்ளனர். 41,402 பேர் மருத்துவமனையில் சிகிச்சை பெற்று வருகிறார்கள். மகாராஷ்டிராவில் 20,228 பேர் கொரோனாவால் பாதிக்கப்பட்டுள்ளனர். அங்கு 779 பேர் பலியாகி உள்ளனர். மும்பையில் மட்டும் 12864 பேர் பாதிக்கப்பட்டுள்ளனர். 490 பேர் அங்கு பலியாகி உள்ளனர். குஜராத்தில் 7797 பேர் கொரோனாவால் பாதிக்கப்பட்டுள்ளனர். அங்கு 472 பேர் பலியாகி உள்ளனர்.

டெல்லி எப்படி

டெல்லியில் 6542 பேர் கொரோனாவால் பாதிக்கப்பட்டுள்ளனர். டெல்லியில் 68 பேர் பலியாகி உள்ளனர். தமிழகத்தில் 6535 பேர் கொரோனாவால் பாதிக்கப்பட்டுள்ளனர். தமிழகத்தில் 44 பேர் பலியாகி உள்ளனர். இன்று மட்டும் தமிழகத்தில் 526 பேருக்கு கொரோனா ஏற்பட்டது. ராஜஸ்தானில் 3708 பேர் கொரோனாவால் பாதிக்கப்பட்டுள்ளனர். அங்கு மொத்தம் 106 பேர் பலியாகி உள்ளனர்.

மத்திய பிரதேசம் நிலை

மத்திய பிரதேசத்தில் மொத்தம் 211 பேர் பலியாகி உள்ளனர். அங்கு இறப்பு விகிதம் மிகவும் அதிகமாக உள்ளது. மத்திய பிரதேசத்தில் 3547 பேர் கொரோனாவால் பாதிக்கப்பட்டுள்ளனர். உத்தர பிரதேசத்தில் 3373 பேர் கொரோனாவால் பாதிக்கப்பட்டுள்ளனர். அங்கு 74 பேர் பலியாகி உள்ளனர். அம்மாநில மக்கள் தொகையுடன் ஒப்பிட்டால் இது குறைவான எண்ணிக்கை ஆகும். ஆந்திர பிரதேசத்தில் 1930 பேர் கொரோனாவால் பாதிக்கப்பட்டுள்ளனர்.

ஆந்திர நிலை என்ன

ஆந்திராவில் மொத்தம் 44 பேர் பலியாகி உள்ளனர். அடுத்தபடியாக மேற்கு வங்கத்தில் 1786 பேர் பாதிக்கப்பட்டுள்ளனர். அங்கு 171 பேர் பலியாகி உள்ளனர். அங்கு இறப்பு சதவிகிதம் 10% என்ற நிலையில் உள்ளது. இதுதான் இந்தியாவில் மிகவும் அதிகம் ஆகும். இந்தியாவில் தமிழகத்தில் இறப்பு சதவிகிதம் குறைவாக உள்ளது. தமிழகத்தில் இறப்பு சதவிகிதம் 1.4% ஆக உள்ளது குறிப்பிடத்தக்கது.

Published On May 10, 2020