ராஜாக்கள் அரண்மனையை மிஞ்சும் அம்பானியின் வீடு.. கரண்ட் பில் மட்டும் இத்தனை லட்சங்களா? அடேங்கப்பா!
மும்பை: மும்பையில் உள்ள ஆசியாவின் நம்பர் ஒன் பணக்காரர் ஆன முகேஷ் அம்பானியின் வீடு முழுக்க நவீன ஏசி வசதி, அலங்கார விளக்குகள் என அந்த காலத்து ராஜாக்கள் அரண்மனையை மிஞ்சக்கூடிய வகையில் பல வசதிகள் உள்ளதாம். அண்டலியா என்று பெயர் வைக்கப்பட்டுள்ள இந்த வீட்டிற்கு மின்சார கட்டணம் மட்டும் எவ்வளவு மாதம் செலுத்துவார்கள் என்பதை நீங்கள் யோசித்து இருக்கிறீர்களா? அது பற்றி இங்கு பார்ப்போம்.
உலக பெரும் பணக்காரர்களில் ஒருவர் முகேஷ் அம்பானி. ஆசியாவின் நம்பர் 1 பணக்காரராக உள்ள முகேஷ் அம்பானி, இந்தியாவின் குஜராத் மாநிலத்தை சேர்ந்தவர். இவருக்கு சொந்தமாக மும்பையில் ரூ.15,000 கோடி மதிப்பில் 27 தளங்களுடன் கூடிய பிரமாண்ட சொகுசு இல்லம் உள்ளது.
60 மாடி கட்டிடத்தின் உயரம்
மும்பையின் பரேட் சாலையில் அமைந்துள்ள இந்த வீடு, அந்த பகுதி வழியாக செல்வோரை வாய் பிளக்க வைக்கும். ஒவ்வொரு தளமும் இரண்டு தளங்களுக்கு நிகரான உயரத்துடன் அமைந்து இருப்பதால் இந்த கட்டிடத்தின் உயரம் 60 மாடி கட்டிடம் எவ்வளவு உயரம் இருக்குமோ அந்த அளவு இருக்கும். உலகின் மிகவும் மதிப்பு மிக்க வீடுகளில் ஒன்றாக இது உள்ளது.
மின் கட்டணம் எவ்வளவு?
நவீன அரண்மனை போல அமைந்து இருக்கும் வீட்டில், பல்வேறு வசதிகள் உள்ளன. தனி மருத்துவமனை, பிரைவேட் தியேட்டர், ஸ்பா, ஸ்நோ ரூம் என சகல வசதிகளும் இந்த வீட்டில் உள்ளது. ஐரோப்பிய நாடுகளில் குளிர்காலத்தில் காணப்படும் குளிருக்கு நிகராக உணரும் வகையில் தனி ஸ்நோ ரூம் இருக்கிறதாம்.
ஹெலிபேடு, 160 கார்களை நிறுத்தி வைக்க கூடிய அளவு பார்க்கிங் வசதியும் உள்ளது. இந்த வீட்டை பராமரிப்பதற்கு மட்டும் 600 பேர் பணியாற்றுகிறார்கள். வீடு முழுக்க நவீன ஏசி வசதி, அலங்கார விளக்குகள் என அந்த காலத்து ராஜாக்கள் அரண்மனையை மிஞ்சக்கூடிய வகையில் பல வசதிகள் உள்ளதாம். அண்டலியா என்று பெயர் வைக்கப்பட்டுள்ள இந்த வீட்டிற்கு மின்சார கட்டணம் மட்டும் எவ்வளவு மாதம் செலுத்துவார்கள் என்பதை நீங்கள் யோசித்து இருக்கிறீர்களா?
ரூ. 70 லட்சம் கட்டுகிறார்கள்
மின் கட்டணத்தை கேட்டால் ஒரு நிமிடம் தலையே சுற்றி விடும். அட ஆமாங்க. இந்த வீட்டில் மின் கட்டணம் மட்டும் ரூ.70 லட்சம் கட்டுகிறாரர்களாம். இந்த தொகைக்கு புதிய பி எம் டபிள்யூ காரையே விலைக்கு வாங்கிவிடலாம். இவ்வளவு பெரிய பிரமாண்ட வீட்டிற்கு இந்த தொகையெல்லாம் மிக சாதாரணம்தான் என்கிறார்கள் மும்பை வாசிகள்.
வானுயர்ந்த இந்த கட்டிடத்தில், 27 வது தளத்தில் அம்பானி குடும்பத்தினர் வசித்து வருகிறார்களாம். இந்த வீட்டில் இருந்து பார்த்தால் அரபிக்கடலின் அழகை காணும் விதமாக வடிவமைக்கப்பட்டுள்ளது.
செண்டிரைலஸ் ஏசி
கடந்த சில வாரங்களுக்கு முன்பாக ஆண்டிலியா வீடு குறித்த மற்றொரு சுவாரசிய தகவல் இணையத்தில் வைரலானது. அதாவது, முகேஷ் அம்பானியின் வீட்டில் ஒரு இடத்தில் கூட அவுட்டோர் ஏசி யூனிட் இல்லை. தற்போது நடுத்தவர வசதி படைத்த மக்கள் வீடுகளில் கூட அத்தியாவசிய பொருட்களீன் பட்டியலில் ஏசி இடம் பிடிக்கிறது.
அப்படி இருக்க, இவ்வளவு பெரிய பணக்காரர், தனது சொகுசு பங்களாவில் ஏசி இல்லாமலா இருப்பார் என்று நெட்டிசன்கள் மத்தியில் விவாதம் எழுந்தன. ஆனால், இது குறித்து சுவாரசிய தகவல் ஒன்று வெளியானது. வெளிப்புற ஏசி யூனிட்களால் வீட்டின் அழகு கெடும் என்பதால், செண்டிரைலஸ் ஏசி வசதியை பயன்படுத்தப்படுகிறதாம்.
Click it and Unblock the Notifications
Sign in with Google