முகேஷ் அம்பானியின் மருமகள் ஸ்லோகா மேத்தாவின் உலக புகழ்பெற்ற வைர நகை.. விலையை கேட்டால் மயக்கமே வரும்!

Updated: Friday, May 5, 2023, 7:00 [IST]

Subscribe to Oneindia Tamil

மும்பை: இந்திய பணக்காரர்களில் ஒருவரான முகேஷ் அம்பானியின் மூத்த மருமகள் ஸ்லோகா மேத்தாவின் வைரம், மரகதம் பதித்த நெக்லஸின் விலை என்ன தெரியுமா? அதை யார் பரிசாக கொடுத்தது தெரியுமா? உலகிலேயே விலை உயர்ந்தது இதுதானாம்.

முகேஷ் அம்பானி வீட்டில் நடக்கும் விஷயங்கள் எப்படியாவது 27 மாடிகளை கடந்து, 500 அடியை தாண்டி (அம்பானி வசிக்கும் அன்டீலியா வீட்டின் உயரம்) வெளியே வந்துவிடுகிறது. இவை கேட்பதற்கு சுவாரஸ்யமாக இருக்கிறது. அம்பானி வீட்டு விஷயங்களை கேட்பதில் மக்களும் ஆர்வமாக இருக்கிறார்கள்.

Do you know the price of necklace which was wore by Ambanis elder daughter in law?

நாம் இந்த விலைக்கு ஆடை அணிகிறோம். அம்பானி வீட்டில் எந்த விலைக்கு அணிவார்கள் என்பதெல்லாம் பெரும்பாலானோர் மனதில் எழக் கூடிய கேள்வியாகும். அந்த வகையில் அண்மைக்காலமாக நீடா அம்பானியின் உடை, அணிகலன்கள் குறித்து பார்த்தோம்.

உலகிலேயே மிகவும் விலை அதிகமான புடவையை நீடா வைத்துள்ளார் என்றும் அதன் விலை ரூ 45 லட்சம் என்றும் அந்த புடவையை சென்னை சில்க்ஸ் இயக்குநர்தான் நெய்து கொடுத்தார் என்றும் இந்த சேலையை உருவாக்கும் பணியில் 36 நெசவாளர்கள் ஓராண்டாக பணியாற்றினர் என்றும் தகவல்களை பார்த்தோம். அது போல் அவர் அணிந்திருக்கும் வைரம், மரகதம், வைடூரியம் பதித்த நெக்லஸ்கள் குறித்தும் அறிந்திருக்கிறோம்.

தற்போது முகேஷ் அம்பானியின் மூத்த மருமகள் அதாவது ஆகாஷ் அம்பானியின் மனைவி ஸ்லோகா மேத்தாவை பற்றி பார்ப்போம். இவர்கள் இருவரும் பள்ளியில் படிக்கும் போதிலிருந்தே காதலித்து பின்னர் திருமணம் செய்து கொண்டனர். அம்பானியின் மூத்த மருமகள் ஸ்லோகா மேத்தா சாதாரணவர் அல்ல, இந்தியாவில் உள்ள ரோஸி புளூ வைர நிறுவனத்தின் உரிமையாளர் ரஸ்ஸல் மேத்தாவின் மகளாவார்.

இருவருக்கும் பல கோடி செலவு செய்து 2019 ஆம் ஆண்டு திருமணம் நடந்தது. இந்த திருமணத்தில் ஸ்லோகா அணிந்திருக்கும் நெக்லஸ் விலை உயர்ந்தது. அவர் அணிந்திருந்த ஆடைகளும் விலை உயர்ந்தவைதான். பிரபல டிசைனர் அபு ஜானி வடிவமைத்த சிவப்பு தங்க நிற லெஹெங்காவை ஸ்லோகா அணிந்திருந்தார். இதன் விலை ரூ 5 கோடி இருக்குமாம். அவரது வைர நெக்லஸ் கண்களை பறித்தது, இதில் பெரிய வைர கற்களும் மரகதங்களும் பதிக்கப்பட்டது. இதன் விலை ரூ 3 கோடியாம்.

இந்த நெக்லஸை ஸ்லோகாவுக்கு யார் கொடுத்தது தெரியுமா? வேறு யார் மாமியார் நீடா அம்பானிதான் தனது மருமகளுக்கு கொடுத்துள்ளார். இது இல்லாமல் ஸ்லோகா மேத்தா வைத்திருக்கும் நெக்லஸ் எல் இன்கம்பேரபிள் என்ற பெயர் கொண்டது. இதை லெபனான் நகைக் கடை வியாபாரி வடிவமைத்தார். இந்த நகையின் உள்புறம் மஞ்சள் வைரங்கள் இருக்கின்றன. இந்த நகையின் மொத்த விலை ரூ 500 கோடி இருக்கலாம் என்கிறார்கள்.