முகேஷ் அம்பானியின் அன்டீலியா வீட்டை கூட்டி பெருக்கவும் கல்வி தகுதி மஸ்ட்! ஊதியம் என்ன தெரியுமா?

Updated: Friday, March 31, 2023, 17:58 [IST]

Subscribe to Oneindia Tamil

மும்பை: இந்திய பணக்காரர்களில் ஒருவரான முகேஷ் அம்பானியின் அன்டீலியா வீட்டில் பணியாற்றும் ஊழியர்களின் கல்வித் தகுதி என்ன , அவர்களுக்கான ஊதியம் என்ன தெரியுமா?

இந்திய பணக்காரர்களில் ஒருவரும் ரிலையன்ஸ் நிறுவனத்தின் உரிமையாளர் முகேஷ் அம்பானி. இவருக்கு சொந்தமான மும்பை அன்டீலியா வீடு உலகில் மிக விலையுயர்ந்த 10 வீடுகளில் ஒன்று.

இந்த வீட்டை பராமரிக்க மட்டுமே முழு நேரமும் 600 பணியாளர்கள் உள்ளனர். சிகாகோ நாட்டை சேர்ந்த கட்டடக் கலை நிபுணரால் வடிவமைக்கப்பட்டது. இந்த வீட்டில் 27 மாடிகள் உள்ளன. மொத்தம் 4 லட்சம் சதுர அடியாகும். இங்கு லிப்ட்கள் மட்டுமே 11 உள்ளன.

570 அடி உயர கட்டடம்

அந்த வீட்டின் உயரமே 570 அடியாகும். அத்தனை பிரம்மாண்டமான கட்டடம் அன்டீலியா ஆகும். இந்த வீட்டில் 24 மணி நேரமும் செயல்படும் அளவில் பணியாள்கள் உள்ளனர். வீட்டை துடைப்பது, பெருக்குவது, பாத்திரம் தேய்ப்பது, உணவு சமைப்பதில் செஃப்களுக்கு உதவி செய்வது என எல்லா வேலைகளுக்கும் பணியாட்கள் இருக்கிறார்கள்.

கார் ஓட்டுநர்

அது போல் கார் ஓட்டுநர்களும் உள்ளார்கள். இவரது வீடு மும்பையில் பணக்காரர்கள் நிறைந்துள்ள கர்மிஷல் சாலையில் அமைந்துள்ளது. இந்த வீட்டின் மதிப்பு ரூ 1500 கோடிக்கு மேல் என சொல்லப்படுகிறது. இந்த வீட்டிலேயே 24 மணி நேரமும் தங்கும் தொழிலாளர்களுக்காக அறைகள் ஒதுக்கப்பட்டுள்ளன. அவர்கள் இரவு நேரத்தில் தூங்கி ஓய்வு எடுக்கலாம்.

கல்வித் தகுதி

அம்பானி வீட்டில் பணியாற்றுவோரின் கல்வித் தகுதி, ஊதியம் குறித்த தகவல்கள் வெளியாகியுள்ளன. அங்கு பணியாற்றுவோருக்கு மாதத்திற்கு ரூ 2 லட்சம் ஊதியமாக கொடுக்கப்படுகிறது. இதே ஆண்டுக்கு ரூ 24 லட்சமாகும். அது போல் அந்த தொழிலாளர்களுக்கு மருத்துவக் காப்பீடு, குழந்தைகளின் கல்வி கட்டணம் அனைத்தையும் அம்பானி வீட்டாரே ஏற்பார்களாம். எல்லா சலுகைகளும் உள்ளது.

சொகுசு வீடு

2 லட்சம் சம்பளம் சொகுசு வீட்டில் உலா வரலாமே என நினைத்து உடனே வேலைக்கு அப்ளிகேஷன் போட்டுட போறீங்க! அம்பானி வீட்டில் வேலைக்கு எடுக்க பல்வேறு நேர்காணல்கள் இருக்கிறதாம். ஐடி நிறுவனத்தில் நடத்தப்படும் நேர்காணலை விட மிகவும் கடினமாக இருக்குமாம். போலீஸில் அவர்களுடைய பேக்கிரவுண்ட் விசாரிக்கப்படுமாம். அத்துடன் வீட்டில் வேலை செய்வதற்கு ஹோட்டல் மேனேஜ்மென்ட் படித்திருக்க வேண்டுமாம். இத்தனையும் இருந்தால்தான் மாதம் சொளையா ரூ 2 லட்சம் கிடைக்கும்.