தோனி கொடுத்த ரியாக்சன்.. கொஞ்சம் கூட யோசிக்காமல்.. "ராஜபக்சே" எடுத்த முடிவு.. மேட்சில் என்ன நடந்தது?

மும்பை: சிஎஸ்கே பஞ்சாப் அணிகளுக்கு இடையிலான இன்றைய ஆட்டத்தில் தோனி கொடுத்த ரியாக்சன் ஒன்று இன்று இணையம் முழுக்க வைரலாகி வருகிறது.

பஞ்சாப் சென்னை அணிகளுக்கு இடையிலான ஐபிஎல் ஆட்டம் விறுவிறுப்பாக நடைபெற்று வருகிறது. இரண்டு போட்டிகளில் தோல்வி அடைந்த சிஎஸ்கே அணி இன்று எப்படியாவது வெற்றிபெற வேண்டும் என்ற நோக்கத்துடன் களமிறங்கியது.

இரண்டு போட்டிகளில் டாஸ் தோல்வி அடைந்த சிஎஸ்கே அணியின் கேப்டன் ஜடேஜா இந்த போட்டியில் டாஸ் வென்று முதலில் பவுலிங் செய்ய முடிவு செய்தார்.

பேட்டிங்

இதையடுத்து பேட்டிங் இறங்கிய பஞ்சாப் அணி தொடக்கத்திலேயே திணறியது. இரண்டாவது பந்திலேயே மயங்க் அகர்வால் அவுட்டானார். வெறும் 4 ரன்கள் எடுத்திருந்த மயங்க் அகர்வால் முகேஷ் சவுத்திரி பந்தில் அவுட் ஆனார். உத்தப்பாவிடம் கேட்ச் கொடுத்து அவர் வெளியேறிய நிலையில் சிஎஸ்கே அணி நம்பிக்கையுடன் ஆட தொடங்கியது. இதையடுத்து தவான், ராஜபக்சே ஆகியோர் ஆடி வந்தனர்.

ராஜபக்சே

ராஜபக்சே இலங்கை வீரர். பஞ்சாப் அணிக்காக கடந்த இரண்டு போட்டிகளில் ராஜபக்சே சிறப்பாக ஆடினார். வெறும் 5 பந்துகள் பிடித்த அவர் ஒரு சிக்ஸ் உட்பட 9 ரன்கள் எடுத்தார். இதையடுத்து கிறிஸ் ஜோர்டன் பந்தில் ராஜபக்சே அடித்துவிட்டு ஓட முயன்றார். தவான் மறுமுனையில் இருந்தார். ஆனால் அதற்குள் பந்தை பிடித்து ஜோர்டன் ரன் அவுட் எடுக்க முயன்றார். ஆனால் அவரால் ட்ரைக்ட் ஹிட் அடிக்க முடியவில்லை.

தோனி

வேகமாக ஓடி வந்து இந்த பந்தை பிடித்த தோனி, பாய்ந்து வந்து அப்படிய ஸ்டம்ப்பை அடித்தார். தோனி இப்படி செய்ததும் அவர் முகம் முழுக்க சிரிப்பாக இருந்தது. தோனி இந்த ரியாக்சன் கொடுத்ததும் அது விக்கெட் என்று தெரிந்துவிட்டது. 2016 டி 20 உலகக் கோப்பை தொடரில் லீக் ஆட்டத்தில் வங்கதேசத்தின் விக்கெட்டை கடைசி பந்தில் எப்படி ரன் அவுட் செய்வாரோ அதேபோல்தான் இன்றும் தோனி வேகமாக ஓடி வந்து விக்கெட் எடுத்தார்.

ராஜபக்சே வெளியேறினார்

ஆனால் இது விக்கெட்டா என்று உறுதியாக தெரியவில்லை. இருப்பினும் தோனியின் ரியாக்சன் பார்த்ததும் அது விக்கெட் என்பதை ராஜபக்சே உணர்ந்து கொண்டார். இதையடுத்து வேக வேகமாக மைதானத்தில் இருந்து அவர் வெளியேறும் முடிவை எடுத்தார். 3வது நடுவர் முடிவு வரும் வரை அவர் காத்திருக்கவில்லை. அதன்பின் 3வது நடுவருக்கு விக்கெட்டை உறுதி செய்தார்.

ஆக்டிவ்

இன்றைய போட்டியில் தோனி எக்ஸ்பிரஸ்சிவாக காணப்பட்டார். இன்னொரு பந்தில் லியாம் லிவிங்ஸ்டன் கேட்சை ராயுடு விட்டதும் அவரை பார்த்து தோனி முறைத்தார். அதேபோல் பின்னர் மீண்டும் லியாம் லிவிங்ஸ்டன் பந்தை தோனி சரியாக பிடிக்க முடியாமல் தரையில் குத்தினார். அப்போது அவர் முகத்தில் ஏமாற்றமான ரியாக்சனை காட்டியது குறிப்பிடத்தக்கது.

English summary

IPL 2022: CSK Dhoni reaction after taking Punjab Player Rajapaksha wicket. சிஎஸ்கே பஞ்சாப் அணிகளுக்கு இடையிலான இன்றைய ஆட்டத்தில் தோனி கொடுத்த ரியாக்சன் ஒன்று இன்று இணையம் முழுக்க வைரலாகி வருகிறது