அண்ணாத்தே ஆடுறார் ஒத்திக்கோ ஒத்திக்கோ... மகாராஷ்டிரா எம்.பியின் கலகல டான்ஸ்.. வைரல் வீடியோ

பள்ளி மாணவிகளுடன் மஹாராஷ்டிரா எம்பி ஒருவர் நடனம் ஆடியுள்ளார்.

மும்பை: வெள்ளை கலர் பைஜாமா, ஜுப்பாவில் குத்தாட்டம் போட்டுள்ளார் 63 வயதான எம்பி ஒருவர்! இந்த வீடியோதான அனல்பறக்க இணையத்தில் வைரலாகி வருகிறது.

மகாராஷ்டிராவின் பந்த்ரா-கோண்டியா தொகுதியின் நாடாளுமன்ற உறுப்பினர்தான் மதுக்கர் குக்டே. தேசியவாத காங்கிரஸ் கட்சியில் இருப்பவர். இவருக்கு வயது 63.

அப்பகுதியின் பள்ளி நிகழ்ச்சி ஒன்றில் இவரை சிறப்பு விருந்தினராக கூப்பிட்டிருந்தார். பள்ளி நிகழ்ச்சி என்றால் ரொம்பவும் ஆர்வத்துடன் வந்து கலந்து கொண்டார் எம்பி.

சினிமா பாட்டு

பள்ளிக்கு தொகுதி எம்பி வந்ததால், மாணவியர் வித்தியாசமான கலை நிகழ்ச்சிகளை அவர் முன் நடத்தி கொண்டிருந்தனர். அப்போது மாணவியரின் டான்ஸ் புரோக்கிராமும் நடைபெற்றன. இதில் ஒரு மாணவி சினிமா பாட்டு ஒன்றிற்கு பம்பரம் போல சுழன்று மாணவிகள் வளைந்து நெளிந்து ஆடி கொண்டிருந்தார்.

டான்ஸ் ஆட அழைப்பு

இதை மேடையில் இருந்து பார்த்துகொண்டிருந்த எம்பி.க்கு திடீரென பரவசம் வந்துவிட்டது. அவருக்கும் டான்ஸ் ஆட வேண்டும் என்ற ஆவல் வந்துவிட்டதால் திடீரென மேடையிலேயே ஆட தொடங்கிவிட்டார். உடனே மேடையில் இருந்தவர், அங்கு ஆடிவிட்டு, கீழே உட்கார்ந்து கொண்டிருந்த மாணவிகளையும் கூட வந்து தன்னுடன் டான்ஸ் ஆடுமாறு அழைக்கிறார்.

வளாகம் அதிருகிறது

இதை பார்த்ததும் சில மாணவிகள் தயங்க.. சில மாணவிகள் வெட்கப்பட.. திடீரென ஒரு மாணவி எழுந்துவந்து எம்.பியுடன் சேர்ந்து ஆட ஆரம்பிக்கிறார். இதை பார்த்ததும் ஒட்டுமொத்த பள்ளியும் கைத்தட்டி ஆர்ப்பரிக்கிறது. சக மாணவிகள் உற்சாகத்தில் கூச்சலிட பள்ளி வளாகமே அதிருகிறது. தொடங்குகிறார். இதை பார்த்ததும், மேலும் 2 மாணவிகளுக்கு உற்சாகம் வந்துவிட, அவர்களும் எம்பி போட்ட டான்சில் கலந்து கொள்கிறார்கள்.

#WATCH NCP MP from Bhandara-Gondiya Madhukar Kukade dances with students during a school function in Bhandara. #Maharashtra (5.1.19) pic.twitter.com/tCJJB9igxr

— ANI (@ANI) January 7, 2019

பைஜாமா ஜூம்மா

இதனைத் தொடர்ந்து அம்மாணவியுடன் எம்.பி சேர்ந்து நடனமாட, மேலும் இரண்டு மாணவியர் வந்து ஆட்டத்தில் சேர்ந்துகொள்கின்றனர். இப்படி பள்ளி மாணவிகளுடன் வெள்ளை பைஜாமா ஜும்மா, வாஸ்கோட் அணிந்து நடமாடும் எம்பியின் வீடியோவை பலர் பார்த்து மகிழ்கின்றனர்.

English summary

Maharashtra MP Madhukar Kukde dance with School Students at Function in Bhandara Gondi. This Video goes Viral.