தாஜ் கோரமண்டல் ஹோட்டல் ஊழியரை வலை வீசி தேடும் சச்சின்.. 2-ஆவது முறையாக தமிழில் ட்வீட்

மும்பை: முழங்கை கவசத்தை மாற்றுமாறு ஆலோசனை அளித்த சென்னை தாஜ் கோரமண்டல் ஹோட்டல் ஊழியரை சந்திக்க விரும்புகிறேன். அவரை சந்திக்க உதவுங்களேன் என கிரிக்கெட் கடவுள் என அழைக்கப்படும் சச்சின் டெண்டுல்கர் தமிழில் ட்வீட் போட்டுள்ளார்.

கடந்த சில ஆண்டுகளாக கிரிக்கெட் வீரர் ஹர்பஜன் சிங் தமிழில் ட்வீட் போட்டு அசத்தி வருகிறார். பொங்கல் வாழ்த்து தொடங்கி அண்மையில் ஆழ்துளை கிணற்றில் சிக்கிய சுர்ஜித் வரை அனைத்தையும் தமிழில் ட்வீட் போட்டிருந்தார்.

இவரது தமிழை படிப்பதற்கென்றே தனி ரசிகர் பட்டாளமே உள்ளது. இந்த நிலையில் அந்த வரிசையில் கிரிக்கெட் கடவுள் என ரசிகர்களால் அன்போடு அழைக்கப்படும் சச்சின் டெண்டுல்கரும் தமிழில் ட்வீட் போட்டுள்ளார்.

எதிர்பாராத சந்திப்புகள் சில சமயம் மறக்க முடியாத தருணங்களாக மாறுகின்றன

சென்னை டெஸ்ட் தொடரின் போது
Taj Coromandel ஊழியர் ஒருவர் என்னுடைய Elbow Guard பற்றி கூறிய ஆலோசனைக்குபின் அதன் வடிவத்தை மாற்றினேன்

அவரை சந்திக்க ஆசைப்படுகிறேன்,கண்டுபிடிக்க எனக்கு நீங்கள் அனைவரும் உதவ வேண்டும்

— Sachin Tendulkar (@sachin_rt) December 14, 2019

முழங்கை கவசம்

அதில் எதிர்பாராத சந்திப்புகள் சில சமயம் மறக்க முடியாத தருணங்களாக மாறுகின்றன. சென்னை டெஸ்ட் தொடரின் போது Taj Coromandel ஊழியர் ஒருவர் என்னுடைய Elbow Guard (முழங்கை கவசம்) பற்றி கூறிய ஆலோசனைக்குபின் அதன் வடிவத்தை மாற்றினேன்.

வீடியோ இணைப்பு

அவரை சந்திக்க ஆசைப்படுகிறேன்,கண்டுபிடிக்க எனக்கு நீங்கள் அனைவரும் உதவ வேண்டும் என கேட்டுக் கொண்டுள்ளார். அது போல் ஆங்கிலத்திலும் ட்வீட் போட்டுள்ள சச்சின் அதில் வீடியோவையும் இணைத்துள்ளார்.

தமிழில் ரஜினிக்கு வாழ்த்து

சச்சின் முதல்முறையாக ரஜினிக்கு பிறந்த நாள் வாழ்த்துகளை கூறி ட்வீட் போட்டிருந்தார். அதைத் தொடர்ந்து தற்போது 2-ஆவது முறையாக இந்த ஊழியரை தேடி ட்வீட் போட்டுள்ளார். இது தற்போது வைரலாகியுள்ளது.

இதுக்கு அந்த ஹோட்டல் நிறுவனத்திடமே கேட்கலாமே அவர்களே அந்த ஊழியர் வீட்டு அட்ரஸ் வச்சிருப்பாங்களே 😂 தலைவரே

— சுபாஷினிBAS (@Subashini_BA) December 14, 2019

கேலி செய்யும் நெட்டிசன்கள்

சச்சினின் இந்த ட்வீட்டை சிலர் சீரியஸாகவும் சிலர் ட்ரோல் செய்தும் வருகின்றனர். அதில் ஒருவர் நெட்டிசன்களை கேட்பதற்கு பதில் நீங்கள் நேரடியாக ஹோட்டல் நிர்வாகத்தையே கேட்டு விடலாம். அவர்கள் சரியாக வழிகாட்டுவார்கள். ஆனால் இந்த ட்விட்டரில் உங்களை சிலர் கேலி செய்கிறார்கள் என அந்த நெட்டிசன் சச்சினுக்கு ஐடியா கொடுத்துள்ளார்.

English summary

Sachin Tendulkar tweet to find a staff in Taj Coromandal hotel who gave idea to change my elbow guard.