பிக்பாஸ் வீட்டில் ஒரு வெளிநாட்டு பிரபலம்.. அதுவும் டான்ஸ் ஆடியபடியே என்ட்ரி! யார் தெரியுமா?
மும்பை: டிக்டாக் பிரபலம் கிலிபால் ஹிந்தி பிக்பாஸ் வீட்டில் கலக்கல் நடனம் ஆடியபடியே உள்ளே நுழைந்துள்ளார். இந்த வீடியோ வைரலாகி வருகிறது.
தமிழில் பிக்பாஸ் சீசன் 6 நிகழ்ச்சி அடுத்த வாரம் ஞாயிற்றுக்கிழமை தொடங்குகிறது. இந்த நிகழ்ச்சியில் யாரெல்லாம் இடம் பிடித்துள்ளார்கள் என்பது குறித்து ரசிகர்களிடையே எதிர்பார்ப்பு எழுந்துள்ளது.
அது போல் அடுத்த வாரம் பிக்பாஸ் நிகழ்ச்சி தொடக்கத்திற்காக இப்போதே போட்டியாளர்கள் தனிமைப்படுத்தலுக்கு சென்றுவிட்டார்கள் என கூறப்படுகிறது. ஒரு வாரம் தனிமைப்படுத்தப்பட்டு பின்னர் அவர்கள் பிக்பாஸ் வீட்டிற்குள் வரவேற்கப்படுவர்.
கொரோனா
கொரோனா காலம் முதல் இந்த நடைமுறை பின்பற்றப்படுகிறது. இந்த நிகழ்ச்சி ஹிந்தி, தமிழ், தெலுங்கு உள்ளிட்ட மொழிகளில் நடத்தப்பட்டு வருகிறது. தமிழில் கமல்ஹாசனும் ஹிந்தியில் சல்மான் கானும் தெலுங்கில் நாகார்ஜுனாவும் தொகுத்து வழங்கி வருகிறார்கள். முதலில் ஹிந்தியில்தான் இந்த நிகழ்ச்சி தொடங்கப்பட்டது.
15 சீசன்கள்
அதனால் தற்போது இந்த நிகழ்ச்சி 15 சீசன்களை கடந்து 16 ஆவது சீசன் நடைபெற்று வருகிறது. இந்த சீசனில் ஒரு வெளிநாட்டு பிரபலம் போட்டியாளராக வந்துள்ளதாக வீடியோ வெளியாகியுள்ளது. அதாவது டிக்டாக் பிரபலம் டான்சானியா நாட்டை சேர்ந்த கிலிபால் பிக்பாஸ் வீட்டிற்குள் நுழைந்துள்ளது பெரிய எதிர்பார்ப்பை ஏற்படுத்தியுள்ளது.
பாலிவுட் , கோலிவுட் பாடல்கள்
பாலிவுட், கோலிவுட் பாடல்களுக்கு டிக்டாக் செய்திருந்தார். அது போல் நடிகர் விஜய்யின் மாஸ்டர் திரைப்படத்தில் வந்த சில பாடல்களுக்கும் காட்சிகளுக்கும் கிலி பாலும் அவரது தங்கை நீமா பாலும் நிறைய ரீல்ஸ் வீடியோவை செய்துள்ளார்கள். அத்துடன் வெளிநாட்டை சேர்ந்திருந்தாலும் இருவரும் பாடலுக்கு தக்கபடி வாய் அசைத்து வீடியோ வெளியிடுவது இவர்களுடைய ஸ்பெஷாலிட்டி.
கால்நடைகள்
இருவரும் கால்நடைகளை மேய்க்கும் தொழிலை செய்து வருகிறார்கள். கிடைக்கும் நேரத்தில் வீடியோக்களை செய்து வருகிறார்கள். கடந்த ஆண்டு குடியரசுத் தினத்தன்று இந்தியாவின் தேசிய கீதத்தை பாடி இருந்தனர். இவர்கள் பிரதமர் மோடியால் பாராட்டப்பட்டவர்கள். இவரை கடந்த சில மாதங்களுக்கு முன்னர் யாரோ 5 பேர் கொண்ட கும்பல் தாக்கிவிட்டதாக ஒரு போஸ்ட் போட்டிருந்தார். இந்த நிலையில் கிலிபால் பிக்பாஸ் வீட்டிற்கு போட்டியாளராக சென்றுள்ளாரா இல்லை சிறப்பு விருந்தினராக சென்றுள்ளாரா என்பது தெரியவில்லை.
Click it and Unblock the Notifications
Sign in with Google