கார் பஞ்சர்… ஜாக்கியுடன் பெண் கலெக்டர்... இணையத்தில் தெறி வீடியோ!

மைசூரு: மைசூரு மாவட்ட கலெக்டர் ரோகிணி சிந்தூரி பஞ்சரான தமது கார் டயரை தனியாளாக கழற்றி சரி செய்த வீடியோ இணையதளத்தில் வைரலாகி உள்ளது.

மாவட்ட ஆட்சியரான அவர், அண்மையில் குடும்பத்தினருடன் சொந்த காரில் பயணித்துள்ளார். வழியில் அவரது கார் டயர் பஞ்சரானது. சற்றும் யோசிக்காமல் களத்தில் இறங்கிய ரோகிணி சிந்தூரி, காரில் இருந்த ஜாக்கி உதவியுடன் பஞ்சரான டயரை கழற்றினார்.

பின்னர் வேறு டயரை லாவகமாக மாற்றி சரி செய்தார். அப்போது அங்கு வந்த பெண் ஒருவர் ரோகிணி சிந்தூரியை அடையாளம் கண்டு கொண்டார். உடனடியாக தமது செல்போனில் வீடியோ எடுத்த அவர், ரோகிணியிடம் சென்று விசாரித்தார்.

இணையத்திலும் அந்த வீடியோ வெளியாகி வைரலாகி உள்ளது. அதிகாரத்தில் இருக்கும் நபர்கள் பொது இடங்களில் அனைவர் முன்னிலையிலும் தமது அதிகாரத்தை செலுத்த முற்படுவர்.

ஆனால் கலெக்டர் ரோகிணியோ எவ்வித அலட்டலும் இன்றி செயல்பட்டதை கண்ட மக்கள் அவரது எளிமையை பாராட்டி தள்ளி உள்ளனர்.

English summary

Mysuru Woman collector repairs her car tyre puncture. Video goes viral in Social media.