வானியல் அதிசயம்.. பூமியை கடந்து சென்ற ஒரு மைல் அகலமுள்ள கோள்.. நாசா வெளியிட்ட புகைப்படம்

நியூயார்க்: பூமிக்கு நெருக்கமாக மேலே வந்து கடந்து சென்ற ஒரு மைல் அகலமுள்ள சிறிய கோளின் புகைப்படத்தை நாசா வெளியிட்டுள்ளது.

1998ம் ஆண்டு ஏப்ரல் மாதம் 29ம் தேதி நாசாவால் கண்டுபிடிக்கப்பட்ட சிறிய கோள்தான் 1998 OR2 . ஒரு பெரிய விண்கல் போன்று காணப்பட்ட இந்த சிறிய கோள் 1,.8 கிலோமீட்டர் நீளம் 4.1 கிலோமீட்டர் அகலத்துடன் பூமியை நோக்கி வேகமாக வந்து கொண்டிருந்தது.

இந்த பெரிய விண்கல் மாதிரியான கோள்கள் பூமியில் மோதினால் பாதிப்பு ஏற்படும் என்று அச்சம் இருந்தது. இதையடுத்து இந்த 1998 OR2 கோளை நாசா கண்காணித்து வந்தது. ஆய்வில் இந்த சிறிய கோள் பூமியின் மீது மோதாது என்பதை கண்டுபிடித்து அறிவித்தது. ஆபத்தான வகைப்பட்டியலை சேர்ந்த இந்த கோள், பூமிக்கு நெருங்கி வந்து கடந்து செல்லும் என்றும் அறிவித்தது,

நாசா வெளியிட்ட தகவல்

எனினும் அதன் தூரம் என்பது பூமியில் இருந்து நிலவில் உள்ள தூரத்தை விட 16 மடங்கு அதிகம் என்றும் 3.9 மில்லியன் (6.3 மில்லியன் கிலோமீட்டர்) மைல் தொலைவில் இருப்பாகவும் நாசா தெரிவித்தது. இந்திய நேரப்படி நேற்று பிற்பகல் 3.30 மணி அளவில் கடந்து சென்றது.

நாசா வெளியிட்ட படம்

இந்த கோளின் படங்களை நாசா வெளியிட்டுள்து. இந்த 1998 OR2 கோளை பார்க்கும் போது இதன் அளவு உலகின் மிகப்பெரிய கட்டிடமான புர்ஜ் கலீஃபாவைவிட ந்து மடங்கு என்பத தெரியவந்துள்ளது. 1998 OR2 பூமியை நெருங்கி வந்து கடந்து செல்லும் நிகழ்வை இத்தாலியின் ரோமில் உள்ள ஆய்வு நிறுவன விஞ்ஞானிகள் நேரலையில் ஒளிபரப்பு செய்தனர். அந்த ஊர் நேரப்படி இரவு நேரத்தில் வானத்தில் பறந்தது

ஆபத்து உள்ளதா

ராட்சத விண்கல்லை போன்ற இந்த 1998 OR2 கோள் பூமியின் மீது மோதவில்லை என்றாலும் எதிர்காலத்தில் எந்த ஒரு சிறிய கோள்களும் பூமியை தாக்காமல் கடந்து செல்லும் என்பதற்கு எந்த உறுதியும் தெரிவிக்க முடியாது என்று நாசா தெரிவித்துள்ளது.

கணிக்க முடியாது

ஒவ்வொரு வாரமும் 30க்கும் மேற்பட்ட சிறிய விண்கல்களை(கோள்கள்) பூமிக்கு அருகில் விஞ்ஞானிக்ள வந்து செல்வதை நாசா விஞ்ஞானிகள் கண்டுபிடித்து வருகிறார்கள்.அவை எல்லாம் அளவில் மிகச்சிறியவை ஆனால் ஒரு சில சமயங்களில் 1998 OR2 கோள் போல் பெரிய அளவிலான கோள்கள் பூமியை நெருங்கும் .ஆனால் இவற்றால் தற்போதைக்கு பாதிப்புகள் இல்லை என்றாலும், எதிர்காலத்தில் கணிக்க முடியாத அளவில் தாக்கத்தை சிறிய கோள்கள் ஏற்படுத்தக்கூடும் என்றும் நாசா தெரிவித்துள்ளது.

English summary

an enormous asteroid shot past Earth, missing our planet by around 3.9 million miles (which isn’t actually all that much, in space terms).