டிரைவர் சீட்டில் சிலந்தி.. பயத்தில் கட்டுப்பாட்டை இழந்த கார்.. பெண் பலத்த காயம்!
சிலந்தியால் கார் விபத்தில் சிக்கிய புகைப்படம் வைரலாகியுள்ளது.
நியூயார்க்: சிலந்திக்கு பயந்து காரை தடுப்பு சுவற்றில் மோதியதில் பெண் ஒருவர் பலத்த காயமடைந்தார்.
சம்பவத்தன்று அமெரிக்காவின் நியூயார்க் சாலையில் பெண் ஒருவர் காரை ஓட்டி சென்றார். அப்போது, டிரைவர் இருக்கைக்கு அருகில் அவர் சிலந்தி ஒன்றைக் கண்டார். அதனால் ஏற்பட்ட பயத்தில் கார் கட்டுப்பாட்டை இழந்து அருகில் இருந்த தடுப்பு சுவற்றில் மோதியது. இந்த விபத்தில் அப்பெண்ணுக்கு கால் உடைந்து பலத்த காயம் ஏற்பட்டது.
தகவலறிந்து சம்பவ இடத்திற்கு விரைந்து வந்த போலீசார், அப்பெண்ணை மீட்டு சிகிச்சைக்காக மருத்துவமனையில் அனுமதித்தனர்.
கார் விபத்தில் சிக்கிய புகைப்படம் இணையதளத்தில் வைரலானது. இந்த விபத்து தொடர்பாக பலரும் தங்களது கருத்துகளையும் பதிவிட்டுள்ளனர். அதில் சிலர், தங்களுக்கும் இதே போன்ற அனுபவம் ஏற்பட்டதாக தெரிவித்துள்ளனர். அதோடு அப்பெண் விரைவில் குணமடைய வேண்டும் என்றும் சிலர் பதிவிட்டுள்ளனர்.
மேலும் சிலரோ, 'அந்த சிலந்தி இறந்து விட்டதா என்பதை உறுதி செய்ய, காரை எரித்து விடுங்கள்' என கிண்டலாக பதிவு வெளியிட்டுள்ளனர்.
Click it and Unblock the Notifications
Sign in with Google