பாம்பு பழி வாங்கும்.. பட், பாம்பையே பழி வாங்கினா எப்படி.. மிரள வைத்த அமெரிக்கர்
தன்னை கடித்த பாம்பை கொன்று சமைப்பதை நபர் ஒருவர் வீடியோ எடுத்துள்ளார்.
Recommended Video
நியூயார்க்: பாம்பு பழி வாங்கும்னு சொல்லுவாங்க சரி... ஆனா பாம்பையே பழி வாங்கலாமோ?? இப்படித்தான் ஒருத்தர் வித்தியாசமா பழி வாங்கி இருக்கிறார்.
அமெரிக்காவை சேர்ந்தவர் பாப் ஹான்ஸ்லர். இவரை நச்சுவிரியன் பாம்பு (Rattle Snake) ஒன்று கடித்துவிட்டது. அதனால் வலியால் துடித்த பாப், உடனடியாக அருகிலிருந்தவர்கள் உதவியால் ஆஸ்பத்திரியில் கொண்டு போய் சேர்க்கப்பட்டார்.
ஆனால் நிலைமை சீரியராஸாகி விட்டதால், ஐசியூவில் வைத்து பாப்-க்கு சிகிச்சை அளிக்கப்பட்டது. 3 நாள் தீவிர சிகிச்சைக்கு பின்னர் ஒரு வழியாக உயிர் பிழைத்தார்.
பாம்பு முட்டைகள்
ஆஸ்பத்திரியில இருந்து டிஸ்சார்ஜ் ஆன உடன் முதல் வேலையாக தன்னை கடித்த பாம்பை பழி வாங்க கிளம்பினார் பாப். நச்சுவிரியன் பாம்புதானே கடித்தது, எனவே அதேபோலவே ஒரு நச்சுவகை வகை பாம்பை தேடி கண்டுபிடித்தார். பிறகு அந்த பாம்பை ஆசை தீர கொன்றார். இறந்து போன அந்த பாம்பின் தோலை வெறியோடு உரித்தார்.
நாய்க்கு கொடுத்தார்
அதன்பின்னர் பாம்பின் முட்டையை தனியாக எடுத்து வேகவைத்து எடுத்து வைத்து கொண்டார். பின்னர் ஒரு சட்டியில் எண்ணெய் ஊற்றி கார்ன் பிளாரில் அந்த வேக வைத்த முட்டைகளை முக்கி அதை எண்ணெயில் போட்டு பொறித்தார். பொறித்த உருண்டைகளை எடுத்து தன்னுடைய நாய்க்கு கொடுத்து தானும் சாப்பிட்டார்.
விஷம் இருக்காதாம்
இப்படி பாம்பை சாப்பிடுகிறீர்களே? விஷம் ஏறாதா என்று கேட்டால், சமைக்கும்போதே எல்லா நஞ்சும் பஞ்சு பஞ்சாய் பறந்து போய்டும் என்று பாப் சொல்கிறார். இப்படி இவர் சமைப்பதிலிருந்து சாப்பிடுவதை வரை எடுத்து யூடியூப்பிலும் பதிவிட்டு விட்டார்.
பழி தீர்த்து கொண்டார்
இந்த வீடியோவை சுமார் அரை மில்லியன் பேர் பார்த்துவிட்டார்கள். தன்னை 3 நாள் ஐசியூவில் படுக்க வைத்து விட்ட பாம்புவை வித்தியாசமாக பழி தீர்த்தவரின் இந்த வீடியோ இன்னும் வைரலாகி வருகிறது.
Click it and Unblock the Notifications
Sign in with Google