முதலில் பொம்மை.. அடுத்து குழந்தையைத் தூக்கி வீசிய டிரைவர்.. வைரலான பஸ் வீடியோவில் புதிய டிவிஸ்ட்!
நியூயார்க்கில் பேருந்தில் இருந்து குழந்தையை ஓட்டுனர் வலுக்கட்டாயமாக தூக்கி வீசும் வீடியோ சமூக வலைதளத்தில் வைரலாகியது. தற்போது அந்த வீடியோ விவகாரத்தில் புதிய திருப்பம் ஏற்பட்டுள்ளது.
Recommended Video
நியூயார்க்:அமெரிக்காவில் பேருந்தில் இருந்து குழந்தை தூக்கி எறியப்பட்ட விவகாரத்தில் புதிய டிவிஸ்ட் ஏற்பட்டுள்ளது.
அமெரிக்காவின் நியூயார்க்கில் உள்ள ஜமைக்காவில் சமீபத்தில் நிகழ்ந்த சம்பவம் பெரும் சர்ச்சையை ஏற்படுத்தியது. ஓட்டுனர் ஒருவர், பேருந்தில் இருந்து குழந்தை ஒன்றை தூக்கி வீசியதை பார்த்து அந்த வழியில் சென்றவர்கள் பலரும் அதிர்ச்சி அடைந்தனர்.
இது தொடர்பாக ஒரு வீடியோ வெளியாகி வைரலானது. அந்த வீடியோவில், பேருந்தில் இருந்து முதலில் பொம்மை ஒன்று வெளியே வந்து விழுகிறது. இதையடுத்து 3 அடி உயரம் கொண்ட ஒருவரை பேருந்து ஓட்டுனர் வலுக்கட்டாயமாக வெளியே வீசுகிறார். இதனை பார்த்து அதிர்ச்சி அடைந்த ஒருபெண், ஓட்டுனருடன் ஆவேசமாக சண்டை போடுகிறார்.
முதலில் வெளியான இந்த வீடியோவை பார்த்து, ஒரு சிறுவனை தான் பேருந்து ஓட்டுனர் ஈவு இரக்கமின்றி பேருந்தில் இருந்து தூக்கி வீசியதாக கருதப்பட்டது. இதனால் அந்த ஓட்டுனரை நெட்டிசன்கள் சகட்டு மேனிக்கு திட்டித்தீர்த்தனர்.
View this post on InstagramCall the cops on who that kid deserved it For more behind the scenes Link in my bio
A post shared by Daniel Jean (@danieljean56) on
இந்த விவகாரத்தில் ஒரு புதிய டிவிஸ்ட்டாக இரண்டாவது வீடியோ ஒன்று வெளியாகியுள்ளது. அதில் பேருந்தில் இருந்து கீழே விழுந்தவரைக் காட்டும் போதுதான் தான் தெரிகிறது அது சிறுவன் அல்ல வயது வந்த நபர் என்று. பேருந்து கட்டணத்தில் மோசடி செய்வதற்காக அந்த நபர் சிறுவன் போல் வேடம் போட்டிருக்கிறார்.
இந்த வீடியோவும் தற்போது வைரலாகியுள்ளது. முதல் வீடியோவை 70 லட்சத்துக்கும் அதிகமானோர் பார்த்தனர். இரண்டாவது வீடியோவை 60 லட்சத்துக்கு அதிகமானோர் பார்த்திருக்கின்றனர். தற்போது அந்த பேருந்து ஓட்டுனரை யாரும் கடுமையாக திட்டவில்லை என்பது குறிப்பிடத்தக்கது.
Click it and Unblock the Notifications
Sign in with Google