ஓமிக்ரான் தீவிரமாக பரவுகிறது.. இதே நிலை நீடித்தால் இன்னும் 2-3 வாரத்தில்.... ஆண்டனி விடுத்த வார்னிங்

Updated: Monday, December 20, 2021, 10:37 [IST]

Subscribe to Oneindia Tamil

நியூயார்க்: உலகம் முழுக்க ஓமிக்ரான் கொரோனா மிக வேகமாக பரவுவதாக அமெரிக்க அதிபருக்கான தலைமை மருத்துவ ஆலோசகரும் கொரோனா நிபுணருமான ஆண்டனி பவுச்சி தெரிவித்துள்ளார்.

ஓமிக்ரான் கேஸ்கள் நாளுக்கு நாள் உலகம் முழுக்க அதிகமாக பதிவாகிக்கொண்டு இருக்கிறது. அமெரிக்காவில் தினசரி கேஸ்களில் 3 சதவிகிதத்திற்கும் அதிகமான கேஸ்கள் ஓமிக்ரான் கேஸ்கள் ஆகும். அமெரிக்காவில் முக்கியமாக நியூயார்க்கில் தினசரி கொரோனா கேஸ்கள் 22 ஆயிரத்தை தாண்டி உள்ளது. இதுதான் நியூயார்க்கில் இந்த வருடம் பதிவான மிக அதிக ஒரு நாள் கேஸ் ஆகும்.

அங்கு புதிதாக 88,682 பேருக்கு கொரோனா பாதிப்பு ஏற்பட்டுள்ளது. அமெரிக்காவில் மொத்தமாக 51,698,963 பேருக்கு கொரோனா ஏற்பட்டுள்ளது. அங்கு இதுவரை 827,214 பேர் கொரோனா காரணமாக பலியாகி உள்ளனர்.

ஆண்டனி பவுச்சி

இந்த நிலையில் அமெரிக்க அதிபருக்கான தலைமை மருத்துவ ஆலோசகரும் கொரோனா நிபுணருமான ஆண்டனி பவுச்சி அளித்த பேட்டியில் உலகம் முழுக்க ஓமிக்ரான் கொரோனா மிக வேகமாக பரவுவதாக குறிப்பிட்டுள்ளது. அவர் அளித்த பேட்டியில், ஓமிக்ரான் கேஸ்கள் நினைத்து பார்க்க முடியாத வேகத்தில் காட்டுத் தீ போல பரவுகிறது.

ஓமிக்ரான் கொரோனா

ஓமிக்ரானுக்கு மிக வேகமாக பரவும் திறன் இருக்கிறது. இப்போது எதிர்பார்க்காத அளவில் புதிய கேஸ்கள் பதிவாகிக்கொண்டு இருக்கிறது. உலகம் முழுக்க லாக்டவுன் வருமா என்று சொல்ல முடியாது. அதை பற்றி என்னால் விளக்க முடியாது. ஆனால் மருத்துவமனைகள் மோசமான நிலையை அடைய வாய்ப்பு உள்ளது.

அமெரிக்கா ஓமிக்ரான்

மீண்டும் மருத்துவமனைகளில் கேஸ்கள் அதிக அளவில் அதிகரிக்க வாய்ப்புகள் உள்ளன. மருத்துவமனைகள் நிரம்பும் முன் அதை தயார் செய்ய வேண்டும். டெல்டா அளவிற்கு ஓமிக்ரான் வலுவானது இல்லை என்று கூறுகிறார்கள். நீங்கள் அதை எப்படி பார்க்கிறீர்களா தெரியாது. ஓமிக்ரான் காரணமாக நிறைய கேஸ்கள் வருகிறது. அதுவே பெரிய சிக்கல்தான்.

பெரிய சிக்கல்

நிறைய கேஸ்கள் வரும் போது அதனால் மருத்துவமனைகள் நிரம்பும். சரியான சிகிச்சை கிடைக்காத பட்சத்தில் அது பலி எண்ணிக்கையை அதிகரிக்கும். இதே நிலை நீடித்தால் இன்னும் 2-3 வாரத்தில் மிக கடுமையான சூழ்நிலை உருவாகும். வேக்சின் ஒருவகையில் ஓமிக்ரான் பரவலை கட்டுப்படுத்தும்.

வேக்சின்

நீங்கள் வேக்சின் போடவில்லை என்றால் இப்போதே சென்று போட்டுக்கொள்ளுங்கள். ஓமிக்ரான் பரவல் காரணமாக இந்த குளிர்காலம் கொஞ்சம் கடுமையான குளிர்காலமாக இருக்க போகிறது. அடுத்த சில வாரங்கள் அல்லது மாதங்கள் மாதங்கள் மிக கடுமையாக இருக்கிறது என்று ஆண்டனி பவுச்சி தெரிவித்துள்ளது.