Facebook: "பேஸ்புக்" பெயர் மாறியது.. இனிமேல் இந்த பெயரில்தான் இயங்கும்.. வெளியானது காரணம்?

பேஸ்புக் பெயர் மெட்டா என்று மாற்றம் செய்யப்படுகிறது

நியூயார்க்: ஃபேஸ்புக்கின் பெயர் மாற்றப்பட்டுள்ளதாகவும், மெட்டா என்பது தற்போதைய புதிய பெயர் என்றும் அதன் தலைமை செயல் அதிகாரி மார்க் ஜுக்கர்பெர்க் அறிவித்துள்ளார்.

இன்றைய காலகட்டத்தில் சோஷியல் மீடியா என்பது தவிர்க்க முடியாத ஒன்றாகிவிட்டது.. இதில் மிக மிக முக்கியமானது ஃபேஸ்புக்..

கோடிக்கணக்கான வாடிக்கையாளர்களை கொண்டுள்ளது.. நாளுக்கு நாள் இதன் பயன்பாடுகளும், வாடிக்கையாளர்கள் எண்ணிக்கையும் அதிகரித்து கொண்டே வருகிறது..

பெயர் மாற்றம்

எனினும், இதன் தரத்தை மேம்படுத்தும் பொருட்டு, இந்நிறுவனத்தின் பெயரை மாற்ற திட்டமிட்டுள்ளதாகவும் செய்திகள் வெளியாகி வந்த நிலையில், திடீரென ஒரு அறிவிப்பு வெளியாகி உள்ளது. ஃபேஸ்புக் நிறுவனத்தின் மாநாடு அதன் செயல் அதிகாரி மார்க் ஜூக்கர் பெர்க் தலைமையில் நடந்தபோது, இப்படி ஒரு அறிவிப்பை அவர் வெளியிட்டார். ஃபேஸ்புக் தலைமை நிர்வாக அதிகாரி மார்க் ஜுக்கர்பெர்க் செய்திக்குறிப்பு ஒன்றை வெளியிட்டுள்ளார்...

அத்தியாயம்

அதில் சமூக வலைதளங்களில் முன்னணி நிறுவனமாக விளங்கும் பேஸ்புக்கின் பெயர் "மெட்டா" என்று பெயர் மாற்றம் செய்யப்பட்டுள்ளது... உலகம் முழுவதும் நிலவி வரும் சமூக பிரச்னைகளுடன் போராடி கற்றுக் கொண்டதை அடிப்படையாக கொண்டு, இப்போது புதிய அத்தியாயத்தை உருவாக்கி வருகிறோம்... அதே சமயம், தங்களுடைய மேலான சேவையும், வாடிக்கையாளர் மீதான அக்கறையும் மாறவில்லை..

அப்ளிகேஷன்கள்

அப்ளிகேஷன்கள் மற்றும் அதன் பிராண்டுகள் அப்படியே இருக்கும். அதில் எந்தவித மாற்றமும் இல்லை.. இந்த நொடி முதல் மெட்டாவெர்ஸ் தான் எங்களின் முதல் இலக்கு, தவிர பேஸ்புக் அல்ல.. அடுத்த 10 ஆண்டுகளில் பல கோடி பயனாளர்கள் இருப்பார்கள்" என்று நம்பிக்கை தெரிவித்தார். ஃபேஸ்புக், மெய்நிகர் ஆன்லைன் உலகமான மெட்டாவெர்ஸ் என்ற அடுத்தக்கட்டத்துக்கு தன்னை திசை திரப்பி வருகிறது.. அதற்காகவே இப்படி ஒரு புது பெயரையும் மாற்றி அறிவித்துள்ளது..

பிரபலம்

ஏற்கனவே இப்படி பேஸ்புக் நிறுவனம் தன்னுடைய பெயரை மாற்றியிருக்கிறது.. ஆரம்பத்தில் இதற்கு "தி ஃபேஸ்புக்" என்றுதான் பெயர்.. அதற்கு பிறகு "பேஸ்புக்" என்று மறியது.. இப்போது இன்னொரு பெயர் மெட்டாவும் இணைந்துள்ளது.. ஃபேஸ்புக் பெயர் இப்போது எப்படி ஃபேமஸ் ஆக உள்ளதோ, அதே அளவுக்கு மெட்டாவும் பிரபலமடையும் மக்களிடம் என்று எதிர்பார்க்கப்படுகிறது.

English summary

Facebook changing company name itself META mark Zuckerberg announce