முதல் பெண் அமெரிக்க வெளியுறவு செயலாளர் மேடலின் ஆல்பிரைட் காலமானார்.. தலைவர்கள் இரங்கல்

முதல் பெண் அமெரிக்க வெளியுறவுச் செயலாளர் மேடலின் ஆல்பிரைட் உயிரிழந்தார்

நியூயார்க்: முதல் அமெரிக்க பெண் வெளியுறவுச் செயலரான மேடலின் ஆல்பிரைட் புற்றுநோயால் உயிரிழந்தார்.. அவருக்கு வயது 84.

அமெரிக்காவின் முதல் பெண் வெளியுறவுச் செயலர் மேடலின் ஆல்பிரைட்.. கடந்த 1996ம் ஆண்டு அப்போதைய அமெரிக்க அதிபர் பில் கிளின்டனால் வெளியுறவுச் செயலராக நியமனம் செய்யப்பட்டார்.

அப்போது முதல், இந்த பதவிக்கு வந்த முதல் பெண் என்ற பெருமையை பெற்றார்.. 96 முதல், 2001-ம் ஆண்டு வரை இந்த பதவியை வகித்து, பின் ஓய்வு பெற்றார் மேடலின்..

பதவி ஓய்வுபெறும்போது, ஜார்ஜ் புஷ் அமெரிக்க அதிபராக இருந்த நிலையில், அந்த ஆட்சியை கடுமையாக விமர்சித்து வந்தார்... அரசுக்கு எதிராக இவரது ஒவ்வொரு கண்டனமும், பேச்சுக்களும் மிகப்பெரிய அளவில் சர்ச்சையை உண்டாக்கியது.. உலக அளவில் பரபரப்பையும் ஏற்படுத்தியது... இதையடுத்து, அமெரிக்க அதிபர் தேர்தலிலும் போட்டியிட முயன்றார்...

ஆனால் செக்கோஸ்லோவேகியாவை பூர்வீகமாக கொண்டவர் என்பதால் அந்த வாய்ப்பு கிடைக்காமல் போயிற்று. கடந்த 2012ம் ஆண்டு அமெரிக்காவின் உயரிய விருதான சுதந்திர பதக்கத்தை மேடலினுக்கு, அப்போதைய அதிபர் பாரக் ஒபாமா வழங்கி கவுரவித்தார்... சமீபகாலமாகவே, மேடலின் புற்றுநோயால் பாதிக்கப்பட்டு இருந்தார்.. இந்நிலையில், சிகிச்சை பலனளிக்காமல் உயிரிழந்தார்..

இந்த தகவலை அவரது குடும்பத்தினர் டிவிட்டர் பதிவில் உறுதி செய்துள்ளனர். "குடும்பம் மற்றும் நண்பர்களால் சூழப்பட்டவர் மேடலின்.. ஒரு அன்பான தாய், பாட்டி, சகோதரி, அத்தை மற்றும் நண்பரை நாங்கள் இழந்துவிட்டோம்" என்று மேடலின் குடும்பத்தினர் தெரிவித்துள்ளனர்.

English summary

Madeleine Albright, first female US secretary of state, dies at 84