ஒய்யாரமாய் ஊஞ்சல் ஆடிய நபர்.. மண்டையைப் பிய்த்துக் கொண்டிருக்கும் நெட்டிசன்கள்.. ஏன் தெரியுமா?

நியூயார்க்: பல லட்சம் மக்களை ஒரு மனிதனால் குழப்ப முடியுமா?. இதோ அப்படி ஒரு சம்பவம் இணையத்தில் நிகழ்ந்திருக்கிறது.

கடந்த 21ம் தேதி ஒரு செய்தி நிறுவனம் தனது டிவிட்டர் பக்கத்தில் வீடியோ ஒன்றை பதிவிட்டது. தொலைதூரத்தில் இருந்து எடுக்கப்பட்டுள்ள அந்த வீடியோவில் பனி படர்ந்த பிரதேசம் ஒன்றில், ஒரு கட்டடத்திற்கு எதிரே ஒய்யாரமா ஊஞ்சல் ஆடுகிறார் ஒரு மனிதர். அவர் ஏதோ நேரம் போகாமல் தான் ஊஞ்சல் ஆடியிருக்கிறார்.

ஆனால் அதுவே பல லட்சம் மக்களை குழப்பத்தில் ஆழ்த்திவிட்டது. அந்த வீடியோவை பார்த்த நெட்டிசன்கள் மனதில் எழுந்த கேள்வி என்னவென்றால், ஊஞ்சலில் ஆடும் அந்த மனிதர் எந்த பக்கம் தனது முகத்தை வைத்திருக்கிறார் என்பதே. இதனை கண்டுபிடிக்க பல நெட்டிசன்கள் சிறுவயதில் தாங்கள் படித்த பிசிக்ஸ், கெமிஸ்ட்ரி அறிவை எல்லாம் பயன்படுத்தி தோற்றுபோய்விட்டனர்.

Im losing my mind can someone tell me which way he’s facing pic.twitter.com/gIvIDzRkOd

— Ana (@esnycuddles) December 21, 2019

தனது வாழ் நாளில் இப்படி ஒரு குழப்பத்திற்கு தாங்கள் ஆளானதே இல்லை என பலரும் கருத்து தெரிவித்துள்ளனர். 18 லட்சத்துக்கும் அதிகமானோர் பார்த்தும் கூட அந்த வீடியோவில் ஊஞ்சலாடும் மனிதர், எந்த பக்கம் தனது முகத்தை வைத்திருக்கிறார் என்ற முடிவுக்கு அவர்களால் வர முடியவில்லை.

இன்ஞ்சு பை இன்ஞ்சாக பார்த்தும் கூட அவர்களால் அந்த மனிதனின் முக அசைவை கண்டுபிடிக்க முடியவில்லை. சரி உங்களில் யாராவது அதை கண்டு பிடிக்கிறீர்களா என பார்ப்போம். விடை தெரிவிந்தவர்கள் கீழே கமெண்ட் செய்யுங்கள்.

English summary

Millions of people confused by a viral video that whether the man in it facing the camera or Building. Lets find out whats actually being done there.