அவசியமான பதிலடியை தருவோம்.. சீன பலூனை சுட்டு வீழ்த்திய அமெரிக்கா.. அந்த நொடி என்ன நடந்தது? வீடியோ

Updated: Sunday, February 5, 2023, 14:06 [IST]

Subscribe to Oneindia Tamil

நியூயார்க்: சீனாவின் உளவு பலூனை அமெரிக்கா சுட்டு வீழ்த்திய வீடியோ தற்போது இணையத்தில் வெளியாகி உள்ளது. இந்த பலூனை சுட்டு வீழ்த்தும் முன் என்ன நடந்தது என்பது தொடர்பான விவரங்களும் கூட வெளியாகி உள்ளன.

தாக்குதல்

அதன்பின் இது எங்களுடைய பலூன்தான். அட்லாண்டிக் கடலில் சர்வதேச எல்லையில்தான் இது பறந்து கொண்டு இருந்தது. இது வானிலைக்காக பறக்க விடப்படும் பலூன். வானிலையை கணிப்பது மட்டுமே இதன் வேலை என்றது. அதன்பின்தான் பலூனில் கீழே சென்சார்கள் இருப்பதும், கேமரா இருப்பதும் கண்டுபிடிக்கப்பட்டது. அதோடு அதில் பல தொலைத்தொடர்பு சாதனங்கள் இருப்பதும் கண்டுபிடிக்கப்பட்டது. இந்த சாதனங்கள் அனைத்தும் சோலார் பேனல்கள் உதவியுடன் இயங்கி வந்துள்ளன. இதையடுத்து அட்லாண்டிக் கடலுக்கு மேலே சென்ற பின் அமெரிக்க போர் விமானமான எப் 22 விமானங்கள் 3 இதை சுற்றி பறந்து சுட்டு வீழ்த்தின.

சுட்டது

கிழக்கு கடல் பகுதியில் இந்த பலூன் வீழ்த்தப்பட்டது. இன்று அதிகாலை 2 மணி அளவில் இந்த சம்பவம் நடைபெற்று இருக்கிறது. தெற்கு கரோலினாவில் இருக்கும் மைர்ட்டல் கடல் பகுதியில் இதன் பாகங்கள் விழுந்துள்ளன. அமெரிக்க கடலோர பாதுகாப்பு படை இந்த பாகங்களை மீட்க சென்றுள்ளது. சீனாவின் உளவு பலூனை அமெரிக்கா சுட்டு வீழ்த்திய வீடியோ தற்போது இணையத்தில் வெளியாகி உள்ளது. இந்த பலூனை சுட்டு வீழ்த்தும் முன் என்ன நடந்தது என்பது தொடர்பான விவரங்களும் கூட வெளியாகி உள்ளன. இந்த பலூனை சுட்டு வீழ்த்தும் முன் அதை சென்சார்கள் மூலம் ஆய்வு செய்து எப்படி தாக்க வேண்டும் என்று முடிவு செய்துள்ளனர். அதேபோல் அது என்ன மாதிரியான தகவல்களை சீனாவுடன் பகிர்கிறது என்றும் இடைமறித்து கண்டறிந்து உள்ளனர்.

தகவல்கள்

உள்ளே ஏதாவது ஆபத்தான வாயு, குண்டுகள் இருக்கிறதா என்று ஆய்வு செய்துள்ளனர். அதன்பின்பே இந்த பலூன் கடலுக்கு மேலே சென்றதும், அதன் மீது குண்டுகளை வீசி உள்ளனர். இந்த சம்பவம் தொடர்பாக கருத்து தெரிவித்துள்ள சீனா, இந்த தாக்குதல் காரணமாக நாங்கள் கடுமையாக அதிருப்தி அடைந்து உள்ளோம். இதற்கு தேவையான பதிலடியை கண்டிப்பாக கொடுப்போம். எங்கள் இறையாண்மைக்கு எதிரான தாக்குதல் இது. இதை ஏற்றுக்கொள்ளவே முடியாது என இந்த நடவடிக்கையை சீனா கடுமையாக விமர்சனம் செய்துள்ளது. இது மிகவும் தவறான நடவடிக்கை. அமெரிக்கா இந்த விவகாரத்தில் சர்வதேச விதிகளை மீறிவிட்டதாக சீனா குற்றஞ்சாட்டி உள்ளது.

அமெரிக்கா பதிலடி

சீனாவின் கருத்திற்கு பதிலடி கொடுத்த அமெரிக்கா, சீனாவின் இந்த பலூன் சிவிலியன் பலூன் கிடையாது. இந்த பலூன் சர்வதேச நடைமுறையை தெளிவாக மீறி வந்தது மற்றும் சர்வதேச வான்வெளிகளை தீவிரமாக மீறி உள்ளது. இதையடுத்தே பலூன் சுட்டு வீழ்த்தப்பட்டது. அமெரிக்க மக்களுக்கு பாதிப்பு ஏற்படுத்தாத வகையில் அந்த பலூனை சுட்டு வீழ்த்தி இருக்கிறோம்.