5 பெட்ரூம் இருக்கு.. இத்தனை விசாலமான வீட்டில் காதலன் இல்லை! 60 நாட்கள் இலவசம்.. பெண்ணின் விளம்பரம்

நியூயார்க்: அமெரிக்காவின் நியூயார்க்கை சேர்ந்த பெண் ஒருவர் விளம்பர இணையதளத்தில் ஆண் காதலன் தேவை என விளம்பரம் ஒன்றை வெளியிட்டுள்ளார்.

விளம்பரங்களில் எத்தனையோ பார்த்திருக்கிறோம். பூனையை காணவில்லை, நாயை காணவில்லை, நாய்க்கு பிறந்தநாள், நாய்க்கு வளைகாப்பு என எத்தனையே விளம்பரங்களை பார்த்துள்ளோம். அது போல் ரியல் எஸ்டேட், வீடு வாடகைக்கு போன்ற விளம்பரங்களிலும் வித்தியாசம் இருந்தது.

உதாரணமாக பெங்களூரில் கிட்னி விற்பனைக்கு என ஒருவர் போஸ்டர் ஒட்டி பிறகு சும்மா டமாஷ் செய்தேன், இந்திரா நகரில் வீடு வாடகைக்கு தேடி களைத்துவிட்டேன். ஓனர்கள் லட்சக்கணக்கில் அட்வான்ஸ் கேட்கிறார்கள்.

நாளை வீட்டு வாடகை செலுத்த கிட்னியையும் விற்பனை செய்யலாம் என்பதால் அவ்வாாறு விளம்பரம் செய்தேன் என தெரிவித்திருந்தார். அந்த வகையில் அமெரிக்காவில் விளம்பர இணையதளத்தில் ஒரு வித்தியாசமான விளம்பரம் வந்தது. அந்த இணையதளமானது அமெரிக்காவை சேர்ந்த ரியல் எஸ்டேட் பக்கமாகும்.

அந்த பெண் வெளியிட்டுள்ள விளம்பரத்தில் ஹூஸ்டனின் புறநகர்ப் பகுதியான ஆங்கிள்டன்னில் எனக்கு ஒரு அழகான வீடு உள்ளது. 5 படுக்கை அறைகள் கொண்டுள்ளது. அது பெரியதாக இருக்கும். இத்தனை பெரிய வீடு இருக்கிறது. ஆனால் என்னுடன் வாழ்வதற்கு ஒரு ஆண் காதலன் வேண்டும்.

அந்த ஆண் காதலன் மீது குற்றப்பின்னணி இருக்கக் கூடாது. பூனைகளை நேசிப்பவராக இருத்தல் வேண்டும். முதல் 60 நாட்களுக்கு இலவசம். நான் ஒரு தடகள வீரர். அதற்காக நான் மோசமான தோற்றத்தில் இருக்க மாட்டேன். எனது எடையில் சில ஏற்றங்கள் இறக்கங்கள் இருக்கும். எனக்கு திருமணமாகி 13,15 வயதில் குழந்தைகள் இருக்கிறார்கள்.

அவர்கள் இருவரும் தந்தையுடன் வசிக்கிறார்கள். நான தனியாக 5 பெட்ரூம் கொண்ட வீட்டில் இருந்து வருகிறேன். விவாகரத்திற்கு பிறகு யாரையும் சந்திக்கவில்லை. எனது பாரம்பரியத்தின் ஒரு பகுதியாக இருக்கும் இத்தாலிய இஸ்ரேலிய அல்லது யூதர்களிடம் நான் எவ்வளவு ஈர்க்கப்பட்டேன் என்பதை உணர்ந்திருக்கிறேன். அதனால் கிறிஸ்துவ ஆண் நண்பரோ அல்லது காதலரோ தேவை என நினைக்கிறேன் என அந்த பதிவில் அவர் குறிப்பிட்டுள்ளார்.

English summary

Newyork Woman advertises in a real estate page that she is looking for a lover who belongs to christianity.