நன்றி நண்பரே.. அமெரிக்க சுதந்திர தினத்திற்கு வாழ்த்து தெரிவித்த மோடி.. அன்பை கொட்டிய டிரம்ப்!

நியூயார்க்: அமெரிக்க சுதந்திர தினத்திற்கு வாழ்த்து தெரிவித்த பிரதமர் மோடிக்கு அமெரிக்க அதிபர் டிரம்ப் நன்றி தெரிவித்துள்ளார்.

எல்லா வருடமும் அமெரிக்காவில் ஜூலை 4ம் தேதி சுதந்திர தினம் கொண்டாடப்படும். அதன்படி இந்த வருடமும் அங்கு சுதந்திர தினம் கொண்டாடப்பட்டது. இது அமெரிக்காவின் 244வது சுதந்திர தினம் ஆகும்.

இந்த நிலையில் அமெரிக்காவின் சுதந்திர தினத்துக்கு இந்திய பிரதமர் மோடி வாழ்த்து தெரிவித்தார். அதில், நான் அதிபர் டிரம்பிற்கு வாழ்த்துக்களை தெரிவிக்கிறேன். அதேபோல் அமெரிக்க மக்களுக்கும் எனது வாழ்த்துக்களை தெரிவிக்கிறேன்.

அமெரிக்காவின் 244வது சுதந்திரம் தினம் இது. உலகின் பெரிய ஜனநாயக நாடுகள் என்ற ரீதியில், நாம் சுதந்திரம் மற்றும் மனித வளத்தை இன்று கொண்டாட வேண்டும், என்று பிரதமர் மோடி குறிப்பிட்டார்.

இதற்கு அமெரிக்க அதிபர் டிரம்ப் பதில் அளித்துள்ளார். அதில், நன்றி என் நண்பரே.. அமெரிக்கா லவ்ஸ் இந்தியா.. என்று டிவிட் செய்துள்ளார். அவரின் இந்த டிவிட் வைரலாகி உள்ளது.

English summary

President Trump thanks PM Modi for wishing on US independence day.