விண்ணுக்கு சென்ற 2 நாசா வீரர்கள்.. ஐஎஸ்எஸ்-ல் அளிக்கப்பட்ட செம வரவேற்பு.. நாசா வெளியிட்ட வீடியோ!

நியூயார்க்: நேற்று விண்வெளிக்கு சென்ற நாசா வீரர்கள் இருவரும் இன்று சர்வதேச விண்வெளி ஆராய்ச்சி மையத்திற்கு உள்ளே செல்லும் வீடியோ வெளியாகி உள்ளது.

நேற்று அதிகாலை 1 மணிக்கு அமெரிக்காவில் இருந்து விண்ணுக்கு அனுப்பப்பட்ட 2 நாசா வீரர்கள் தற்போது சர்வதேச விண்வெளி ஆராய்ச்சி மையத்துடன் இணைந்து உள்ளனர். முதல்முறையாக நாசாவின் இரண்டு வீரர்கள் ஸ்பேஸ் எக்ஸ் என்ற தனியார் நிறுவனம் மூலம் சர்வதேச விண்வெளி ஆய்வு மையத்திற்கு சென்று உள்ளனர்.

நேற்று அதிகாலை ஸ்பேஸ் எக்ஸ் நிறுவனத்தின் பல்கான் 9 ராக்கெட் மூலம் இரண்டு நாசா வீரர்கள் சர்வதேச விண்வெளி மையத்திற்கு அனுப்பப்பட்டார்கள். அமெரிக்காவில் புளோரிடாவில் இருக்கும் Kennedy Space Center's Complex 39A இருந்து ஸ்பேஸ் எக்ஸ் நிறுவனத்தின் பல்கான் 9 ராக்கெட் ஏவப்பட்டு உள்ளது.இந்த ராக்கெட்டின் க்ரூ டிராகன் (crew dragon) தற்போது விண்வெளி ஆராய்ச்சி மையத்துடன் இணைந்துள்ளது.

This is the first time in human history @NASA_Astronauts have entered the @Space_Station from a commercially-made spacecraft. @AstroBehnken and @Astro_Doug have finally arrived to the orbiting laboratory in @SpaceX's Dragon Endeavour spacecraft. pic.twitter.com/3t9Ogtpik4

— NASA (@NASA) May 31, 2020

நாசாவை சேர்ந்த பாப் பென்கன் மற்றும் டக் ஹர்லி ஆகிய வீரர்கள் இதில் சென்று இருக்கிறார்கள். இந்த நாசா வீரர்கள் இருவரும் இன்று சர்வதேச விண்வெளி ஆராய்ச்சி மையத்திற்கு உள்ளே செல்லும் வீடியோ வெளியாகி உள்ளது. நாசா அமைப்பு இந்த வீடியோவை வெளியிட்டுள்ளது.

விண்வெளி ஆராய்ச்சி மையத்தில் இருக்கும் மற்ற வீரர்கள் இவர்களுக்கு கொடுத்த வரவேற்பு இதில் பதிவாகி உள்ளது. இவர்கள் எத்தனை நாட்கள் விண்வெளியில் இருப்பார்கள் என்று இன்னும் முடிவு செய்யப்படவில்லை.

இவர்கள் சர்வதேச விண்வெளி ஆராய்ச்சி மையத்தில் பல்வேறு ஆராய்ச்சிகளை செய்ய இருக்கிறார்கள். முக்கியமாக இவர்களை விண்வெளிக்கு கொண்டு சென்று ஆராய்ச்சி மையத்துடன் இணைக்கும் க்ரூ டிராகன் குறித்தும் இவர்கள் ஆராய்ச்சி செய்வார்கள் என்று கூறப்பட்டுள்ளது.

English summary

SpaceX: 2 Nasa astronauts have entered space station - Video goes viral.