F-35 எனும் தகர டப்பாவை தலையில் கட்டும் டிரம்ப்! அதுக்கு இதுவே பரவாயில்லையே! ரஷ்ய ஆஃபரை பாருங்க

நியூயார்க்: அமெரிக்கா சென்றிருந்த பிரதமர் நரேந்திர மோடியிடம், ஆயுதங்களை வாங்கிக்கோங்க என டிரம்ப் பேசியிருக்கிறார். குறிப்பாக F-35 விமானம் இந்தியாவுக்கு வழங்கப்படும் என டிரம்ப் உறுதியளித்திருந்தார். ஆனால் இந்த விமானத்தை விட சக்திவாய்ந்த விமானம் ரஷ்யாவிடம் இருக்கிறது. இதற்கு பதில் அதை வாங்க ஒப்பந்தம் போட்டிருக்கலாம் என பலரும் கூற தொடங்கியுள்ளனர்.

ரஷ்யா தொடக்கத்திலிருந்து நமக்கு ஆயுதங்களை சப்ளை செய்து வருகிறது. அங்கிருந்து வாங்காமல், அமெரிக்காவிடமிருந்து வாங்குவது சரியல்ல என்றும் விமர்சனங்கள் எழுந்திருக்கின்றன.

போர் விமானங்களில் இரண்டே வகைகள்தான். ஒன்று மறைந்திருந்து தாக்குவது(stealth). இன்னொன்று நேரடியாக சண்டை செய்வது(dogfighting).

1.stealth
2.dogfighting

அமெரிக்காவின் F-35 மறைந்திருந்து தாக்கும் திறன் கொண்டது. உதாரணத்திற்கு சீனா மீது குண்டு போட வேண்டும் எனில், யாருக்கும் தெரியாமல் சைலண்டாக வந்து இது குண்டு வீசிவிட்டு சென்றுவிடும். ரேடாரில் இதனை அடையாளம் காண்பது கஷ்டம். ஏனெனில் இந்த விமானத்தின் மீது ரேடாரை உறுஞ்சும் தன்மை கொண்ட உலோக கலவை பெயின்ட் மாதிரி பூசப்பட்டிருக்கும்.

பூமியிலிருந்து வரும் ரேடார் சிக்னலை வாங்கி, திரும்ப அனுப்பும். எனவே விமானத்தை கண்டுபிடிக்கவே முடியாது. நவீன போர்களில் இந்த தொழில்நுட்பம் மிக முக்கியமானது. ஆனால், நேரடி சண்டை என்று வந்துவிட்டால் F-35 விமானத்தால் தாக்குபிடிக்க முடியாது. நிச்சயம் தோல்வியை தழுவும்.

இங்குதான் ரஷ்யாவின் Su-57 கெத்து காட்டுகிறது. மறைந்து தாக்கும் திறன் இந்த விமானத்திற்கு கொஞ்சம் கம்மிதான். ஆனால், நேரடி சண்டை என்று வந்துவிட்டால் Su-57தான் கில்லி. எவ்வளவு பெரிய விமானமாக இருந்தாலும் சரி தட்டி தூக்கிவிடும். இந்த விமானத்துடன் நேருக்கு நேர் சண்டைய செய்ய உலகில் வேறு எந்த விமானத்திற்கும் திறன் கிடையாது.

F-35 மற்றும் Su-57 என இரண்டும் 5ம் தலைமுறை போர் விமானங்கள். இரண்டையும் மெயின்டெயின் செய்வது கொஞ்சம் கஷ்டம். ஏனெனில் இரண்டும் ரொம்ப காஸ்ட்லி.

F-35 விமானத்தை ஒரு மணி நேரத்திற்கு இயக்க ₹2,490,000 முதல் ₹3,320,000 வரை செலவாகும். இதுவே Su-57 விமானத்தை ஒரு மணி நேரத்திற்கு இயக்க ₹2,075,000 முதல் ₹2,905,000 வரை செலவாகும். எப்படி பார்த்தாலும் ரஷ்யாவின் Su-57 ரக விமானம்தான் எல்லா வகையிலும் சிறந்ததாக இருக்கிறது.

போதாத குறைக்கு, Su-57 விமானத்தை இந்தியாவுக்கு விற்பனை செய்ய ரஷ்யாவின் யுனைடெட் ஏர்கிராஃப்ட் கார்ப்பரேஷன் (UAC) மற்றும் அந்நாட்டின் பாதுகாப்பு ஏற்றுமதி நிறுவனமான ரோசாபோரோனெக்ஸ்போர்ட் ஆகியவை முன்வந்தன. இதுமட்டும் கிடையாது, Su-57 விமானத்தின் தொழில்நுட்பத்தை இந்தியாவுக்கு கொடுக்குவும் ரஷ்யா ரெடி என்று சொன்னது.

இதன் மூலம், இந்தியாவில் போர் விமானங்களை தயாரிக்கும் பொதுத்துறை நிறுவனமான இந்துஸ்தான் ஏரோ நாட்டிக்கல்ஸ் (HAL) அடுத்தடுத்த ஆண்டுகளில் சொந்தமாக Su-57 விமானத்தை நமது நாட்டின் வானிலைக்கு ஏற்றார் போல தயார் செய்யும். ஒரே கல்லில் ரெண்டு மாங்கா!

அமெரிக்காவிடம் இந்த ஆஃபர் கிடையாது. காசு கொடு.. வாங்கிட்டுபோ! மாதிரியான டீலிங்கைதான் டிரம்ப் செய்கிறார். எனவே கோடி கோடியாக கொடுத்து எதற்கு F-35 எனும் தகர டப்பாவை வாங்க வேண்டும்? ரஷ்யாவிடம் விமானத்தை வாங்கிவிட்டு போலாமே என்று சர்வதேச அரசியல் விமர்சகர்கள் கூறி வருகின்றனர்.

English summary

Prime Minister Narendra Modi, who had visited the United States, was told by Trump to buy weapons, particularly assuring that the F-35 jet would be provided to India. However, many believe that Russia has a more powerful aircraft than this. Some have started suggesting that India may have signed a deal to purchase it instead.