ஐஎஸ்ஐஎஸ் தலைவரை கொன்றது உண்மையா? ஆதாரத்துடன் நிரூபிக்கும் டிரம்ப்.. பென்டகன் வெளியிட்ட வீடியோ!

ஐஎஸ்ஐஎஸ் தலைவர் அல் பக்தாதி கொலை செய்யப்பட்டது எப்படி என்று அமெரிக்காவின் பென்டகன் வீடியோ வெளியிட்டு உள்ளது.

Updated: Thursday, October 31, 2019, 10:47 [IST]

Subscribe to Oneindia Tamil

என்ன சந்தேகம்

அல் பக்தாதி பல வருடங்களுக்கு முன்பே கொலை செய்யப்பட்டதாக செய்திகள் வந்தது. ரஷ்யா இவரை கொன்றதாக அறிவித்தது. அதன்பின் சிரியாவும், துருக்கியும், குர்தீஸ் போர் படைகளும் இவரை கொலை செய்ததாக கூறியது. தற்போது நானும் ரவுடிதான் என்று கூடி டிரம்பும் அல் பக்தாதியை கொன்றதாக அறிவித்துள்ளார்.

செத்து செத்து விளையாடுவோம்

பல வருடங்களாக உலக அரசியலில் இப்படித்தான் ஐஎஸ்ஐஎஸ் தலைவர் அல் பக்தாதி செத்து செத்து விளையாடிக்கொண்டு இருக்கிறார். உலகம் தன்னை கொடூரமான வில்லனாக டிவியில் காட்டும் என்று நினைத்தவருக்கு, தன்னுடைய வாழ்க்கை இப்படி ஆகும் என்று கண்டிப்பாக தெரிந்திருக்காது. இப்போதும் கூட அல் பக்தாதி பலியாகவில்லை என்றுதான் ரஷ்யா கூறி வருகிறது.

என்ன பொய்

ஆம் அமெரிக்க அதிபர் டிரம்ப் தன்னுடைய விளம்பரத்திற்காக இப்படி செய்கிறார். இதை நம்ப வேண்டாம் என்று என்று ரஷ்யா குறிப்பிட்டுள்ளது. இதையடுத்து அல் பக்தாதி கொல்லப்பட்டதை உறுதி செய்ய பென்டகன் ஒரு வீடியோ வெளியிட்டுள்ளது. அல் பக்தாதி இருந்ததாக கூறப்படும் பகுதியில் நடத்தப்பட்ட தாக்குதல் வீடியோ ஆகும்.

pic.twitter.com/OzVfDjyOeV
— U.S. Central Command (@CENTCOM) October 30, 2019

வடமேற்கு மாநிலம்

சிரியாவின் வடமேற்கு மாநிலத்தில்தான் இந்த தாக்குதல் நடந்துள்ளது. உயரமான சுவர் வைத்த கட்டிடம் ஒன்றில்தான் அல் பக்தாதி இருந்துள்ளார். சிஐஏ கொடுத்த தகவலின் அடிப்படையில் உள்ளே ஹெலிகாப்டரில் சென்று கயிறு மூலம் குதித்த அமெரிக்க ராணுவம் தாக்குதல் நடத்தி இருக்கிறது. இதில் அல் பக்தாதி தன்னுடைய உடலில் வைத்திருந்த வெடிகுண்டை செயல்பட செய்து பலியாகி உள்ளான்.

எத்தனை பேர்

இந்த வீடியோவை தற்போது பென்டகன் வெளியிட்டுள்ளது. இதில் 8+ ராணுவ வீரர்கள் பக்தாதி வீட்டிற்குள் தாக்குதல் நடத்த செல்வது பதிவாகி உள்ளது. அதேபோல் அவர்கள் துப்பாக்கி சூடு நடத்துவதும் இதில் பதிவாகி உள்ளது.

"...at the compound, fighters from two locations in the vicinity of the compound began firing on U.S. aircraft participating in the assault."
- Gen Frank McKenzie CDR USCENTCOM pic.twitter.com/SkrtHNDs7w
— U.S. Central Command (@CENTCOM) October 30, 2019

பலி எண்ணிக்கை

அதேபோல் இந்த தாக்குதலில் 4 பெண்கள் கொல்லப்பட்டுள்ளனர் இன்னொரு ஆண் கொல்லப்பட்டுள்ளார். 3 குழந்தைகள் பலியானதாக டிரம்ப் கூறினார். ஆனால் மொத்தமாக 2 குழந்தைகள்தான் வெடிகுண்டு வெடித்த போது பலியாக்கினார்கள் என்று பென்டகன் விளக்கம் அளித்துள்ளது.

"Here we see the object of the assault-the compound where Baghdadi was hiding. As I noted earlier, this isolated compound was in Idlib province in Northwest Syria" - Gen Frank McKenzie CDR USCENTCOM pic.twitter.com/VwxRJMN0rS
— U.S. Central Command (@CENTCOM) October 30, 2019

காணவில்லை

அதேபோல் இவர்கள் இருந் மொத்த காம்பவுண்டும் தாக்குதல் நடத்தப்பட்டு, தரைமட்டமாக்கப்பட்டுள்ளது. இதற்கான புகைப்பட ஆதாரங்களையும் தற்போது பென்டகன் வெளியிட்டு இருக்கிறது. அல் பக்தாதியை டிஎன்ஏ மூலம் உறுதிப்படுத்திவிட்டே அங்கிருந்து வெளியேறியிருக்கிறார்கள். வரும் வழியில் அல் பக்தாதி உடலை கடலில் போட்டுள்ளனர்.