சீச்சீ.. டிவி செய்தியில் திடீரென ஓடிய ஆபாச பட காட்சிகள்.. மக்களிடம் மன்னிப்பு கேட்ட நியூஸ் சேனல்

டிவியில் வானிலை செய்தி வாசித்து கொண்டிருந்தபோது திடீரென ஆபாச வீடியோ ஓடியது

Updated: Thursday, October 21, 2021, 18:38 [IST]

Subscribe to Oneindia Tamil

நியூயார்க்: டிவியில் வானிலை அறிக்கையை நியூஸ் ரீடர் வாசித்து கொண்டே இருந்தபோது, திடீரென ஆபாச காட்சி ஒளிபரப்பாகிவிட்டது.. இதைபார்த்த பார்வையாளர்கள் அதிர்ச்சியடைந்தனர்.. இப்படி ஒரு சம்பவம் அமெரிக்காவில் நடந்துள்ளது.

வழக்கமாக டிவியில் செய்திகள் வாசிக்கும்போது நிறைய சம்பவங்கள் நடக்கக்கூடும்.. பெரும்பாலும் செய்திகள் லைவ் ஆக ஒளிபரப்பாக கூடியது என்பதால், அங்கே நடக்கும் காட்சிகளும் அப்படி அப்படியே பதிவாகிவிடும்.

செய்திகள் வாசிக்கும்போது மாரடைப்பு ஏற்பட்டு ஒருவர் உயிரிழந்துள்ளார்.. பல இடங்களில் செய்தி வாசிக்கும்போது நிலநடுக்கம் ஏற்பட்டு, செய்தி வாசிப்பாளர்கள் அலறி அடித்து ஓடியுள்ளனர்..

சம்பவம்

கேரளாவில் 2 வருடத்துக்கு முன்பு பெண் ஒருவர் செய்தி வாசிக்கும்போது, அம்மாநில அரசு விருது அறிவிக்கும் பட்டியலில் தன் பெயரை தானே வாசித்தார்.. இப்படி இன்ப அதிர்ச்சிகளும், மரண சம்பவங்களும், அதிர்ச்சி சம்பவங்களும் ஏராளமாக நடந்துள்ளன.. அது தொடர்பான வீடியோக்கள் இன்னமும் சோஷியல் மீடியாவில் வைரலாகி கொண்டுதான் இருக்கிறது.

அதிர்ச்சி

இப்படிப்பட்ட சூழலில், வாஷிங்டனில் இதே போல ஒரு சம்பவம் நடந்துள்ளது.. கடந்த 17-ம் தேதி வாஷிங்டன்ஸ்டேட் என்ற செய்தி நிறுவனம் மாலை 6.30 மணிக்கு செய்தி ஒளிபரப்பானது.. நியூஸ் ரீடர் வானிலை அறிக்கையை வாசித்து கொண்டிருந்தார்.. அப்போது பின்னாடி உள்ள ஸ்கிரீனில் வானிலை தொடர்பான கிராஃபிக் வீடியோவுக்கு பதிலாக தவறுதலாக ஆபாச பட காட்சிகள் வந்துவிட்டது...

வைரல்

செய்தி வாசிப்பாளருக்கு பின்னால் ஸ்கிரீன் இருந்ததால், அவர் அதை கவனிக்கவில்லை. ஆனால், கிட்டதட்ட13 செகண்டுகள் அந்த காட்சி ஓடி கொண்டே இருந்தது.. இதை பார்த்து பார்வையாளர்கள் அதிர்ச்சியடைந்தனர். பிறகு ஒருவழியாக சுதாரித்து கொண்ட செய்தி நிறுவனம், உடனே அந்த லைவ் ஒளிபரப்பை நிறுத்திவிட்டது.. அதற்கு பிறகு இரவு 11 மணிக்கு செய்தி மறுபடியும் ஒளிபரப்பானது..

வீடியோ

அப்போது, சாயங்காலம் நடந்த தவறான ஒளிபரப்புக்கு பகிரங்கமாக மன்னிப்பு கேட்டுக் கொண்டது. செய்தி நிறுவனத்தில் எப்படி இந்த வீடியோ ஒளிபரப்பானது? யார் செய்த தவறு என்ற விசாரணை நடந்து வருகிறது. இந்த வித்தியாசமான "வானிலை வீடியோ"தான் இணையத்தில் வைரலாகி கொண்டிருக்கிறது. ஆனால், அவைகளில் சென்சார் செய்யப்பட்ட காட்சிகள்தான் பதிவாகி உள்ளன.