ஹமாஸ் ஆதரவாளர்கள் ட்விட்டர் அக்கவுண்டுகளை அதிரடியாக நீக்கிய எக்ஸ்..முக்கிய அறிவிப்பு

நியூயார்க்: இஸ்ரேல் மீது சமீபத்தில் ஹமாஸ் நடத்திய பயங்கரவாத தாக்குதல்களுக்குப் பிறகு, சமூக ஊடகத் தளமான எக்ஸ் ( ட்விட்டர்) நூற்றுக்கணக்கான ஹமாஸ் ஆதரவாளர்கள் கணக்குகளை அதிரடியாக நீக்கி உள்ளது. பயங்கரவாத அமைப்புகளுக்கு எக்ஸ் சமூக வலைதளத்தில் ஒருபோதும் இடமில்லை என்று அறிவித்துள்ளது.

இஸ்ரேல் - ஹமாஸ் இடையே கடந்த சனிக்கிழமை போர் தொடங்கியது.போரினை ஹமாஸ் இயக்கம் தான் தொடங்கிவைத்தது. கடந்த சனிக்கிழமை அன்று சரமாரியாக இஸ்ரேலை நோக்கி ஏவுகணைகளை வீசியது. சுமார் 6ஆயிரத்திற்கும் அதிகமாக ஏவுகணைகள் வீசப்பட்டதாக கூறப்படுகிறது. இதுவரை எல்லையில் உள்ள வீரர்ரகளை கொன்று உள்ளே புகுந்து இஸ்ரேல் எல்லையை ஒட்டி இருந்த கிராமங்களில் வீடு வீடாக புகுந்து கண்ணில் பட்டவர்களை சுட்டுத்தள்ளியதுடன், பெண்கள் உள்பட சுமார் 250 பேரை பிணைய கைதியாக ஹமாஸ் இயக்கத்தினர் பிடித்து சென்றனர். இப்போது கண்ணில் பட்ட இஸ்ரேலியர்களை எல்லாம் சுட்டுத்தள்ளிய வீடியோ ட்விட்டர் உள்ளிட்ட சமூக வலைதளங்களில் வெளியாகி பெரும் அதிர்வலைகளை ஏற்படுத்தியது. போர் தொடங்கி 6 நாட்கள் ஆகியுள்ள நிலையில், இந்த மோதலில் இஸ்ரேல் தரப்பில் 1,200 பேரும், காஸாவில் 1,100 பேரும் உயிரிழந்திருப்பதாக அறிவிக்கப்பட்டுள்ளது.

இந்நிலையில் ஹமாஸ் அமைப்பு இஸ்ரேல் மீது நடத்திய பயங்கர தாக்குதல்களுக்குப் பிறகு, சமூக ஊடகத் தளமான எக்ஸ் ( ட்விட்டர்) நூற்றுக்கணக்கான ஹமாஸ் ஆதரவாளர்கள் கணக்குகளை அதிரடியாக நீக்கி உள்ளது. பயங்கரவாத அமைப்புகளுக்கு எக்ஸ் சமூக வலைதளத்தில் ஒருபோதும் இடமில்லை என்று அறிவித்துள்ளது.

எக்ஸ் சமூக ஊடகத்தின் தலைமை நிர்வாக அதிகாரி லிண்டோ யாக்காரினோ கூறுகையில், "எக்ஸ் பொதுமக்களுக்கு ஆரோக்கியமான உரையாடலுக்கு சேவை செய்வதில் உறுதிபூண்டுள்ளது. குறிப்பாக இது போன்ற முக்கியமான தருணங்களில், மேலும் எக்ஸ் தளத்தின் மூலம் பரப்பப்படும் எந்தவொரு சட்டவிரோதமான கருத்துக்கள் மற்றும் வீடியோக்களை அழிப்பதன் முக்கியத்துவத்தை நாங்கள் புரிந்து கொண்டுள்ளோம். பயங்கரவாத அமைப்புகள் அல்லது வன்முறை தீவிரவாத குழுக்களுக்கு எக்ஸ் (டுவிட்டர்) இல் ஒருபோதும் இடமில்லை, இந்த நிலைப்பாட்டில் நாங்கள் உறுதியாக இருக்கிறோம். தற்போது ஆக்டிவ்வாக உள்ள ஹமாஸ் குழுக்களின் ட்விட் கணக்குகள் உட்பட, அனைத்து ஹமாஸ் ஆதரவாளர்கள் கணக்குகளையும் அகற்றுவோம்" என்று அதிரடியாக கூறியுள்ளார்.

English summary

In the aftermath of the recent Hamas attacks on Israel, the social media platform X, formerly known as Twitter, has removed hundreds of Hamas-affiliated accounts, stating "there is no place on X for terrorist organisations".