முதுகில் குத்திய டிரம்ப்.. நிலைமை கைமீறி போகுது.. ஒன்றல்ல, இரண்டல்ல.. 10 மோசமான ஆக்சன்கள்!

Updated: Sunday, September 21, 2025, 15:44 [IST]

Subscribe to Oneindia Tamil

டெல்லி: அமெரிக்க அதிபர் டொனால்ட் டிரம்ப் அண்மையில் மேற்கொண்ட சில முடிவுகளால் இந்தியா அதிர்ச்சியில் ஆழ்ந்துள்ளது. ஒரு காலத்தில் "அண்ணன் - தம்பி " என்று வர்ணிக்கப்பட்ட இந்தியா-அமெரிக்க உறவு, தற்போது பெரும் சவால்களை சந்தித்து வருகிறது. டிரம்பின் நடவடிக்கைகள் இந்தியாவின் முதுகில் குத்தியதற்கு ஒப்பாக இருப்பதாக பல இந்தியர்கள் கருதுகின்றனர்.

அமெரிக்காவின் இந்த முடிவுகள், இந்தியாவின் வெளியுறவுக் கொள்கை, பொருளாதாரம் மற்றும் தொழில்நுட்பத் துறை மீது நேரடி தாக்கத்தை ஏற்படுத்துகின்றன. இந்தியாவின் கண்ணோட்டத்தில், இந்த நடவடிக்கைகள் ஒரு நம்பிக்கைத் துரோகமாகவும், இருதரப்பு உறவுகளில் விரிசலை ஏற்படுத்தக்கூடியதாகவும் பார்க்கப்படுகின்றன. டிரம்ப் இந்தியாவை தாக்கிய பத்து முக்கிய நகர்வுகளை இங்குப் பார்ப்போம்.

1. H-1B விசாக் கட்டண உயர்வு: புதிய H-1B விசா விண்ணப்பங்களுக்கு 100,000 டாலர் கட்டணத்தை டிரம்ப் அறிவித்துள்ளார். இந்த விசாக்களில் முக்கால்வாசி இந்தியர்கள் பெறுவதால், இந்த முடிவு இந்திய தொழில்நுட்ப ஊழியர்களையும் அவர்களது குடும்பங்களையும் மிகக் கடுமையாகப் பாதிக்கும்.

இந்தியா அமெரிக்கா மோதல்

2. இந்தியப் பொருட்களுக்குக் கடுமையான வரிகள்: எஃகு முதல் தேயிலை வரை பல இந்திய ஏற்றுமதிப் பொருட்களுக்கு அமெரிக்கா புதிய வரிகளை விதித்துள்ளது. சில வரிகள் 50% வரை உயர்ந்துள்ளன. ரஷ்யாவுடனான இந்தியாவின் எண்ணெய் வர்த்தகத்தை டிரம்ப் இதற்குக் காரணமாகக் குறிப்பிட்டாலும், இந்தியா இதை ஒரு பொருளாதாரத் தண்டனையாகவே கருதுகிறது.

3. பாகிஸ்தானுக்கு ஆதரவான நிலைப்பாடு: பாகிஸ்தானை தெற்காசியாவில் முக்கிய நட்பு நாடு, தீவிரவாதத்தை கட்டுப்படுத்தும் நாடு என்று டிரம்ப் பாராட்டி, புதிய இராணுவ உதவியை வழங்குவதாக உறுதியளித்தார். பாகிஸ்தானின் எல்லை தாண்டிய பயங்கரவாத ஆதரவு குறித்து டிரம்ப் பேசவில்லை. இந்தியாவின் இந்த நடவடிக்கை துரோகமாகவே பார்க்கப்படுகிறது.

4. இந்தியாவின் எண்ணெய் கொள்முதல் மீதான அழுத்தம்: ரஷ்யாவிடமிருந்து தள்ளுபடி விலையில் எண்ணெய் இறக்குமதி செய்வதைத் தொடர்ந்தால், மேலும் அபராதங்கள் விதிக்கப்படும் என்று டிரம்ப் நிர்வாகம் அச்சுறுத்தியுள்ளது. இது இந்தியாவின் எரிசக்தி பாதுகாப்புக்கும் சுதந்திரமான வெளியுறவுக் கொள்கைக்கும் சவால் விடுகிறது.

டிரம்ப் இந்தியா துரோகம்

5. இந்தியத் தகவல் தொழில்நுட்பத் துறைக்குச் சிக்கல்: அமெரிக்க ஒப்பந்தங்களை நம்பியுள்ள இந்திய அவுட்சோர்சிங் மற்றும் தகவல் தொழில்நுட்ப நிறுவனங்கள், தற்போது அதிக செலவுகளையும், ஊழியர்களின் குறைந்த நகர்வையும் எதிர்கொள்கின்றன. புதிய செலவுகளால் பல திட்டங்கள் வேறு நாடுகளுக்கு மாறலாம் அல்லது ரத்தாகலாம்.

6. நிச்சயமற்ற வாழ்க்கை: விசா மாற்றங்கள் இந்தியக் குடும்பங்களை நிலைகுலையச் செய்யலாம். அமெரிக்காவில் பணிபுரியும் பல இந்தியப் பணியாளர்கள், தங்கள் குடும்பத்தினரைக் கொண்டுவருவதற்கும், ஆவணங்களைப் புதுப்பிப்பதற்கும், சொந்த ஊருக்குச் செல்வதற்கும் பெரும் செலவுத் தடையைச் சந்திக்க நேரிடும்.

மறுபரிசீலனை செய்யும் மாணவர்கள்

7. அமெரிக்கா குறித்து மறுபரிசீலனை செய்யும் மாணவர்கள்: அமெரிக்கப் பல்கலைக்கழகங்களில் அதிக எண்ணிக்கையிலான வெளிநாட்டு மாணவர்களாக இருக்கும் இந்தியர்கள், தங்கள் திட்டங்களை மறுபரிசீலனை செய்து வருகின்றனர். புதிய H-1B விசா முறையின் கீழ் வேலைவாய்ப்பு எதிர்காலம் நிச்சயமற்றதாக இருப்பதால், கனடா, இங்கிலாந்து மற்றும் ஆஸ்திரேலியா போன்ற நாடுகள் அவர்களுக்கு மிகவும் கவர்ச்சிகரமானதாக மாறுகின்றன.

8. பதற்றமான வர்த்தக உறவு: இந்தியா அமெரிக்காவுடன் வர்த்தக உறவுகளை விரிவுபடுத்தி வந்த நிலையில், புதிய வரிகளும் கட்டணங்களும் இந்த உறவின் நம்பகத்தன்மை குறித்து கேள்விகளை எழுப்பியுள்ளன. இது இருதரப்பு வர்த்தகத்தை விரிவுபடுத்துவதற்குப் பதிலாக சுருக்கக்கூடும் என்று பொருளாதார நிபுணர்கள் எச்சரிக்கின்றனர்.

பொருளாதார நிபுணர்கள் எச்சரிக்கை

9. உள்நாட்டு அரசியல் எதிர்ப்பு: அமெரிக்காவின் இந்த நடவடிக்கைகள், டிரம்ப் மீது இந்திய அரசு வைத்த நம்பிக்கை தவறானது என்பதற்கு ஆதாரம் என்று பொருளாதார நிபுணர்கள் எச்சரிக்கை விடுகின்றனர். இரண்டு நாட்டு உறவு இன்னும் மோசமாகும் என்று பொருளாதார நிபுணர்கள் எச்சரிக்கை விடுத்துள்ளனர்.

10. ராஜதந்திரத்தில் நம்பிக்கையின்மை: பொருளாதார இழப்புகளை விட, இரண்டு நாடுகளுக்கு இடையிலான அரசியல் சேதமே மிகப்பெரியதாக இருக்கலாம். விசா, வர்த்தகம் மற்றும் எண்ணெய் விவகாரங்களில் இந்தியாவை நெருக்குவது மட்டுமன்றி.. பாகிஸ்தானுடன் இணக்கமாகச் செயல்படுவதன் மூலம், டிரம்ப் ஒரு நம்பிக்கையின்மையை உருவாக்கிவிட்டார். டிரம்ப் நம்பியற்றவராக மாறிவிட்டார். இது ஐரோப்பா, ஜப்பான் மற்றும் சீனா போன்ற பிற நாடுகளை நோக்கி இந்தியா தீவிரமாக நகர வழிவகுக்கும்.