Just In

அதிபர் பதவிக்கு பிடன் உரிமை கோரினால்.. நானும் உரிமை கோருவேன்.. டிரம்ப் பரபரப்பு டிவிட்.. மோதல்!

Updated: Saturday, November 7, 2020, 9:44 [IST]

நியூயார்க்: அதிபர் பதவிக்கு பிடன் உரிமை கோரினால், தானும் உரிமை கோருவேன் என்று அதிபர் டிரம்ப் டிவிட் செய்துள்ளார்.

அமெரிக்க அதிபர் தேர்தலில் இன்னும் சற்று நேரத்தில் முடிவுகள் வரும் என்று எதிர்பார்க்கப்படுகிறது. வெற்றிபெறுவதற்கு இன்னும் 6 எலக்ட்ரல் வாக்குகளே தேவை என்ற நிலையில்.. ஜனநாயக கட்சி வேட்பாளர் பிடனின் வெற்றி கிட்டத்தட்ட உறுதியாகிவிட்டது.

இதுவரை வெளியாகி உள்ள முடிவுகளின்படி 264 வாக்குகளுடன் பிடன் தொடர்ந்து முன்னிலை வகிக்கிறார். குடியரசு கட்சி வேட்பாளர் அதிபர் டிரம்ப் 214 வாக்குகள் மட்டுமே பெற்றுள்ளார்.

அமெரிக்க தேர்தல்.. பிரதிநிதிகள் சபையை கைப்பற்ற போகும் பிடன்.. செனட் சபைக்கு கடுமையான போட்டி அமெரிக்க தேர்தல்.. பிரதிநிதிகள் சபையை கைப்பற்ற போகும் பிடன்.. செனட் சபைக்கு கடுமையான போட்டி

எத்தனை

அதிலும் பிடன் தற்போது ஜார்ஜியா, பென்சில்வேனியா ஆகிய தொகுதிகளிலும் முன்னிலை வகிக்க தொடங்கி உள்ளார். இதனால் பிடன் வெற்றியை தவறானது, முறைகேடானது என்று டிரம்ப் குற்றஞ்சாட்டி உள்ளார். தபால் வாக்குகளில் முறைகேடு செய்து பிடன் வென்றுவிட்டார், என்று டிரம்ப் குற்றஞ்சாட்டு வருகிறார்.

Joe Biden should not wrongfully claim the office of the President. I could make that claim also. Legal proceedings are just now beginning!
— Donald J. Trump (@realDonaldTrump) November 6, 2020

டிவிட்

இது தொடர்பாக டிரம்ப் செய்துள்ள டிவிட்டில், பிடன் அவசரப்பட்டு வெற்றிக்கு உரிமைகோர கூடாது. அவசரப்பட்டு அதிபர் பதவிக்கு பிடன் தவறாக உரிமை கோர கூடாது. அதிபர் பதவிக்கு அவர் உரிமை கோரினால் என்னாலும் உரிமை கோர முடியும்.

I had such a big lead in all of these states late into election night, only to see the leads miraculously disappear as the days went by. Perhaps these leads will return as our legal proceedings move forward!
— Donald J. Trump (@realDonaldTrump) November 6, 2020

அவசரம் வேண்டாம்

பிடன் அமைதி காக்க வேண்டும். சட்ட போராட்டம் இப்போதுதான் தொடங்கி உள்ளது. பென்சில்வேனியா, ஜார்ஜியா உள்ளிட்ட மாகாணங்களில் நான்தான் முன்னிலை வகித்து வந்தேன். தேர்தல் முடிந்த இரவில் நான்தான் பல மாகாணங்களில் முன்னிலை வகித்து வந்தேன்.

வாக்குகள் காணாமல் போகிறது

ஆனால் நாளாக நாளாக எனக்கான வாக்குகள் காணாமல் போய்க்கொண்டே இருக்கிறது. என்னுடைய லீடிங் எப்படி மாயமாக மறைந்தது? முறையான சட்ட போராட்டம் மூலம் இந்த மாகாணங்களில் நான் மீண்டும் வெற்றிபெறுவேன், மீண்டும் முன்னிலை வகிப்பேன், என்று டிரம்ப் கூறியுள்ளார்.