ஹிப்ஹாப் பாடகர்.. டிரம்பின் நண்பர்.. அமெரிக்க அதிபர் தேர்தலில் கான்யே வெஸ்ட் போட்டி.. திருப்பம்!

நியூயார்க்: அமெரிக்காவில் நடக்க உள்ள அதிபர் தேர்தலில் அந்நாட்டு பிரபல ஹிப்ஹாப் பாடகர் கான்யே வெஸ்ட் போட்டியிட இருக்கிறார். ஹாலிவுட் நடிகை கிம் கார்டிஷியனின் கணவர் இவர் என்பது குறிப்பிடத்தக்கது.

அமெரிக்கா தற்போது அதிபர் தேர்தலுக்காக தீவிரமாக தயாராகிக் கொண்டு இருக்கிறது. அங்கு குடியரசு கட்சி சார்பாக அதிபர் டிரம்ப் மீண்டும் போட்டியிடுகிறார். அதேபோல் இன்னொரு பக்கம் முன்னாள் துணை அதிபர் மற்றும் ஜனநாயக கட்சி வேட்பாளர் ஜோ பிடன் போட்டியிடுகிறார்.

இதுவரை வெளியாகி இருக்கும் கருத்து கணிப்புகள் அனைத்திலும் ஜோ பிடன் வெற்றிபெற அதிக வாய்ப்பு உள்ளதாக கூறுகிறார்கள். இந்த நிலையில் அதிபர் தேர்தலில் புதிய நபர் ஒருவர் போட்டியிட இருக்கிறார்.

அந்நாட்டு அதிபர் தேர்தலில் அந்நாட்டு பிரபல ஹிப்ஹாப் பாடகர் கான்யே வெஸ்ட் போட்டியிட இருக்கிறார். ஹாலிவுட் நடிகை கிம் கார்டிஷியனின் கணவர் இவர் என்பது குறிப்பிடத்தக்கது. இது தொடர்பாக டிவிட் செய்துள்ள அவர், கடவுளை நம்புவதன் நாம் அமெரிக்காவின் வாக்கை காக்க வேண்டும். ஒரே குறிக்கோளுடன் நமது எதிர்காலத்தை கட்டமைக்க வேண்டும். அதனால் நான் அதிபர் தேர்தலில் போட்டியிட போகிறேன், என்று கான்யே வெஸ்ட் தெரிவித்துள்ளார்.

கான்யே வெஸ்டின்ன் இந்த அறிவிப்பை அவரின் மனைவி கிம் மற்றும் ஸ்பேஸ் எக்ஸ் நிறுவனர் எலோன் மஸ்க் ஆதரித்து இருக்கிறார்கள். ஆனால் கான்யே வெஸ்ட் உண்மையில் இந்த தேர்தலில் போட்டியிடுகிறாரா என்ற விவரம் இன்னும் முழுமையாக தெரியவில்லை.

இவர் இன்னும் அந்நாட்டு தேர்தல் ஆணையத்தில் தன்னுடைய பெயரை பதிவு செய்யவில்லை. இவரை போலவே கான்யே டீஸ் நுட்ஸ் வெஸ்ட் என்பவர் பெயரை பதிவு செய்து இருக்கிறார். இதற்கு முன்பே கான்யே வெஸ்ட் இதேபோல் அதிபர் தேர்தலில் போட்டியிடுவதாக அறிவித்தார்.

2015லேயே 2020 தேர்தலில் போட்டியிட போவதாக கான்யே வெஸ்ட் அறிவித்து இருந்தார். அதன்பின் மீண்டும் 2024 தேர்தலில் போட்டியிட போவதாக கூறினார். ஆனால் தற்போது மீண்டும் 2020 தேர்தலில் போட்டியிட போகிறேன் என்று அறிவித்துள்ளார்.

இவர் டிரம்பிற்கு மிகவும் நெருக்கமான நண்பர் என்பது குறிப்பிடத்தக்கது. கருப்பின மக்கள் பொதுவாக டிரம்பிற்கு ஆதரவு தெரிவிக்க மாட்டார்கள் என்ற கருத்து உள்ள நிலையில், இவர் தீவிர டிரம்ப் ஆதரவாளர் என்பது குறிப்பிடத்தக்கது.

English summary

US Presidential elections: Kanye West to run for White House 2020 .