எப்படி பறக்குது? யார் ஓட்டுறா? ஏலியனா?.. யுஎப்ஓ பாகங்களை மீட்க போராடும் அமெரிக்கா.. அந்த மர்மம்!

முதல் யுஎப்ஓவின் பொருட்கள் அமெரிக்கா - கனடா எல்லையில் விழுந்துள்ளது. இதன் பொருட்களை மீட்க அமெரிக்க ராணுவம் விரைந்துள்ளது.

Published: Monday, February 13, 2023, 11:34 [IST]

Subscribe to Oneindia Tamil

நியூயார்க்: அமெரிக்கா - கனடா எல்லையில் அடுத்தடுத்து யுஎப்ஓ சுட்டுவீழ்த்தப்பட்ட சம்பவங்கள் உலக மக்கள் இடையே அதிர்ச்சியை ஏற்படுத்தி உள்ளது. சுட்டு வீழ்த்தப்பட்ட யுஎப்ஓக்களின் பாகங்கள் ஒன்று கூட இதுவரை மீட்கப்படவில்லை என்பது குறிப்பிடத்தக்கது.

Recommended Video

China-வில் தோன்றிய UFO | America போட்ட தப்புக்கணக்கு | Unidentified Objects in US, Canada, China

அமெரிக்காவில் ஒரே வாரத்தில் 3வது முறையாக வானத்தில் பறந்த யுஎப்ஓ சுட்டு வீழ்த்தப்பட்டு உள்ளது. நேற்று முதல்நாள் அதிகாலை அமெரிக்காவில் அலாஸ்கா மாகாணம் மேலே பறந்து கொண்டு இருந்த மர்ம பொருள் ஒன்றை அமெரிக்க விமானப்படை சுட்டு வீழ்த்தியது. அமெரிக்காவின் எப் 22 விமானம் மூலம் இந்த யுஎப்ஓ சுட்டு வீழ்த்தப்பட்டது.

இந்த நிலையில் நேற்று கனடா வானில் பறந்த மர்ம பொருள் அதிகாலை சுட்டு வீழ்த்தப்பட்டது. அமெரிக்க விமானப்படை மூலம் மர்ம பொருள் சுட்டு வீழ்த்தப்பட்டது. இன்று அதிகாலை மூன்றாவது முறையாக அமெரிக்கா - கனடா எல்லையில் லேக் ஹுரோன் என்று பகுதியில் இன்னொரு யுஎப்ஓ சுட்டு வீழ்த்தப்பட்டது. கனடா - அமெரிக்கா எல்லைக்கு அருகே பறந்து கொண்டு இருந்த போது இந்த யுஎப்ஓ சுட்டு வீழ்த்தப்பட்டது. அமெரிக்காவில் நடந்த இந்த சம்பவம் அந்நாட்டு மக்கள் மட்டுமின்றி உலக மக்கள் இடையே அதிர்ச்சியை ஏற்படுத்தி உள்ளது.

ராணுவ தளவாடங்களுக்கு அருகே சென்றது

இந்த யுஎப்ஓ ராணுவ தளவாடங்களுக்கு அருகே சென்றதாக அமெரிக்கா குற்றஞ்சாட்டி உள்ளது. இது தொடர்பாக பென்டகன் வெளியிட்டுள்ள அறிக்கையில் இந்த பறக்கும் சாதனம் ராணுவ ஆராய்ச்சி மையங்கள், ராணுவ தளவாடங்களுக்கு அருகே சென்றது. அந்த பறக்கும் பொருள் பறந்த திசை, அதன் டேட்டா ஆகியவற்றை வைத்து பார்க்கும் போது அது ராணுவ தளவாடங்களுக்கு மிக அருகில் சென்றுள்ளது என்று பென்டகன் கூறியுள்ளது. ஆனால் இது என்ன மாதிரியான ராணுவ தகவல்களை திரட்டியது. அதில் கேமராக்கள் இருந்ததா என்பது குறித்த விவரங்கள் வெளியாகவில்லை.

மக்கள் இல்லாத இடங்களில் சுட்டனர்

இந்த யுஎப்ஓக்களை மக்கள் வசிக்காத பகுதிக்கு மேலே இருக்கும் வான் பகுதிகளில் சுட்டு வீழ்த்தி உள்ளனர். இதில் முதல் யுஎப்ஓ அலாஸ்கா அருகே சுட்டு வீழ்த்தப்பட்டது. அதன்பின் இரண்டு யுஎப்ஓக்கள் கனடா எல்லையில் சுட்டு வீழ்த்தப்பட்டது. இந்த மூன்றுமே மக்கள் இல்லாத பகுதிக்கு மேலே சுட்டு வீழ்த்தப்பட்டு உள்ளது. இந்த பாகங்கள் மக்கள் மீது விழ கூடாது என்பதால் இப்படி மக்கள் இல்லாத இடங்களில் சுட்டு வீழ்த்தப்பட்டு உள்ளது.

கனடா எல்லை

முதல் யுஎப்ஓவின் பொருட்கள் அமெரிக்கா - கனடா எல்லையில் விழுந்துள்ளது. இதன் பொருட்களை மீட்க அமெரிக்க ராணுவம் விரைந்துள்ளது. ஆனால் அங்கே கடுமையான பனி நிலவுவதால் பாகங்களை கண்டுபிடிப்பதில் சிரமம் ஏற்பட்டு உள்ளது. ஒரு யுஎப்ஓவின் பாகங்கள் ஏரியில் விழுந்து உள்ளது. அதன் பாகங்களையும் இன்னும் மீட்க முடியவில்லை. இதுவரை மூன்று யுஎப்ஓ சுட்டு வீழ்த்தப்பட்டு உள்ளது. அந்த மூன்று யுஎப்ஓக்களின் பாகங்களும் இதுவரை கண்டுபிடிக்கப்படவில்லை. இதை தேடும் பணிகள் தீவிரமாக நடந்து வருகின்றன.