பிரபல பாடகி யார்னு தெரியுதா.. மோடியை பாத்ததுமே காலில் விழுந்து.. வல்லரசு நாட்டை திணறடித்த "ஜன கன மன"

நியூயார்க்: பிரதமர் மோடியின் பாதத்தை தொட்டு வணங்கிய பாடகியின் வீடியோ ஒன்று இணையத்தில் ஷேர் ஆகி வருகிறது.. என்ன காரணம்? யார் இந்த பாடகி?
3 நாள் சுற்றுப்பயணமாக, பிரதமர் மோடி அமெரிக்கா சென்றார்.. அங்கு நாடாளுமன்ற கூட்டுக் கூட்டத்தில் உரையாற்றியதுடன், அதிபர் பிடன் வெள்ளை மாளிகையில் அளித்த விருந்திலும் பங்கேற்றிருந்தார்.. அத்துடன், தொழில் நிறுவன தலைவர்களை சந்தித்தது உள்ளிட்ட பல்வேறு நிகழ்ச்சிகளிலும் பங்கேற்றார்.

வெள்ளை மாளிகை: இந்த சுற்றுப்பயணத்தின் கடைசி நிகழ்ச்சியாக, இந்திய வம்சாவளியினரை சந்திக்கும் நிகழ்ச்சிக்கு ஏற்பாடு செய்யப்பட்டிருந்தது. வாஷிங்டனில் உள்ள ரொனால்ட் ரீகன் கட்டடத்தில், பெரும் திரளான மக்கள் பங்கேற்றிருந்தனர்..

மிக பிரம்மாண்டமாக நடத்தப்பட்ட இந்த விழாவில், பல்வேறு சிறப்பு ஏற்பாடுகளும் செய்யப்பட்டிருந்தன.. அதில் ஒன்றுதான், பாடகி மேரி மில்பெனின் இசை நிகழ்ச்சி ஆகும்..
யார் இந்த மேரி மில்பென்: மில்பென் ஓக்லஹோமா நகரில் ஒரு கிறிஸ்தவ குடும்பத்தில் வளர்ந்தவர்.. இவரது அம்மா பெந்தேகோஸ்தே இசை போதகராக வேலை பார்த்தவர்.. தாயின் இசை, மகள் மேரியையும் வெகுவாக பாதித்துவிட்டது.. சின்ன வயதில் இருந்தே, மேரிக்கு பாட்டு பாடுவதில் அலாதி பிரியம்.. அதனால் 5 வயதாக இருக்கும்போதே, ஓக்லஹோமா நகரில் உள்ள வைல்டுவுட் கிறிஸ்டியன் சர்ச்சில், குழந்தைகள் பாடும் குழுவில் சேர்ந்து பாட ஆரம்பித்துவிட்டார்..

நாளடைவில் இசைப்புலமையையும் வளர்த்து கொண்டார்.. மேரியின் திறமைதான் அவரை உலக நாடுகளுக்கு கொண்டு போய் சேர்த்தது.. இவர் ஒரு ஹாலிவுட் நடிகை என்பது கூடுதலான தகவலாகும். இந்திய அரசு, வெளியுறவு அமைச்சகம் மற்றும் இந்திய கலாச்சார உறவுகளுக்கான கவுன்சில் ஆகியவற்றால் ஆகஸ்ட் 2022ல் இந்தியாவுக்கு வருமாறு மேரிக்கு அழைப்பு விடுக்கப்பட்டது.

கலாச்சாரம்: இந்தியாவின் 75வது சுதந்திர தின விழாவில், மேரி இசை நிகழ்ச்சியும் நடத்தியிருக்கிறார். சுதந்திர தின விழாவிற்கு இந்திய கலாச்சார உறவுகளுக்கான கவுன்சிலால் இந்தியாவிற்கு அழைக்கப்பட்ட முதல் அமெரிக்க கலைஞர், பாடகி மேரிதான்.. அவர் அமெரிக்காவை பிரதிநிதித்துவப்படுத்தும் அதிகாரப்பூர்வ விருந்தினராக வந்திருந்தார்.

“I will rest in the end, knowing that anything I did of great significance is because He (God) did it through me.”

Tonight as I perform the Indian National Anthem for Prime Minister @narendramodi and distinguished guests, India and Indian communities across the world, you are… pic.twitter.com/RXMVfLsCQg

— Mary Millben (@MaryMillben) June 23, 2023

இப்படிப்பட்ட அமெரிக்க பாடகிதான், நம் பிரதமர் மோடி வாஷிங்டன் சென்றிருந்தபோது, அந்த நிகழ்ச்சியின் தொடக்கத்தில், நம்முடைய தேசிய கீதமான, "ஜன கன மன பாடி" அசத்தியிருந்தார்.

ஏற்கனவே, இதே "ஜன ஜன மன" மற்றும் "ஓம் ஜெய் ஜெகதீஷ்" ஆகிய பாடல்களை பாடி, இந்தியாவில் பிரபலமானவர் மேரி, வாஷிங்டனிலும் நம்முடைய தேசிய கீதத்தை பாடி கலக்கினார்.. பாடி முடித்ததுமே, அங்கிருந்த மோடியின் காலில் விழுந்து மேரி ஆசியும் பெற்றார். அப்போது "நமஸ்தே" என்று சொல்லி, பிரதமரின் பாதம் தொட்டு வணங்கினார்.

இப்போது விஷயம் என்னவென்றால், இந்த நிகழ்ச்சியில் பங்கேற்றது தொடர்பாக அறிக்கை ஒன்றை மேரி வெளியிட்டிருக்கிறார்.. அந்த அறிக்கையில், "தொடர்ந்து 4 அமெரிக்க அதிபர்களுக்காக அமெரிக்க தேசிய கீதம் மற்றும் தேசபக்தி பாடல்களை பாடிய நான், பிரதமர் மோடிக்காகவும், இந்திய தேசிய கீதத்தை பாடுவதை மிகவும் பெருமையாக கருதுகிறேன்" என்று பெருமிதம் தெரிவித்துள்ளார்.

நெகிழ்ச்சி: இந்திய தேசிய கீதம் பாடிய அமெரிக்க பாடகி மேரி மில்பென் பிரதமரின் பாதம் தொட்டு வணங்கிய வீடியோவும், இதை நெகிழ்ச்சியுடன் பகிர்ந்து கொண்ட ட்வீட்டும்தான் இணையத்தில் வைரலாகி கொண்டிருக்கிறது.

English summary

who is mary jorie millben american singer and bows at pm modis feet