பிட்காயின் $52,000 வரை வீழ்ச்சியடையுமா? அப்பட்டமாக அம்பலமான ரகசியங்கள்.. ஆடிப்போன அமெரிக்கா

நியூயார்க்: நேற்று முன்தினம் இரவு அமெரிக்க பங்குச்சந்தையில், நிவிடியா நிறுவனத்தின் பங்குகள் வருமான அறிக்கை வந்ததும் 5% உயர்ந்தன, ஆனால் அடுத்த 18 மணி நேரத்திற்குள் சரிந்து நஷ்டத்தில் முடிந்தன. மனிதர்களால் கவனிக்க முடியாத சில கணக்கு சிக்கல்களை, கணினி அல்காரிதம்கள் கண்டுபிடித்ததே இதற்கு காரணம் என்று கூறப்படுகிறது. இதுபற்றி பொருளாதார நிபுணர் ராஜேஷ் கிருஷ்ணமூர்த்தி வெளியிட்ட பதிவினை பார்ப்போம்.

நேற்று முன்தினம் இரவு அமெரிக்க பங்குச்சந்தையில், நிவிடியா நிறுவனத்தின் பங்குகள் வருமான அறிக்கை வந்ததும் 5% உயர்ந்தன, ஆனால் அடுத்த 18 மணி நேரத்திற்குள் சரிந்து நஷ்டத்தில் முடிந்தன. மனிதர்களால் கவனிக்க முடியாத சில கணக்கு சிக்கல்களை, கணினி அல்காரிதம்கள் கண்டுபிடித்ததே இதற்கு காரணம் என்று கூறப்படுகிறது.

அவர்கள் கண்டுபிடித்த முக்கியப் பிரச்சனைகள் இங்கே:

1. வராத பணம்

Nvidia விற்ற பொருட்களுக்கான ரசீதுகளில், இன்னும் வசூலாகாத தொகை $33.4 பில்லியனாக உயர்ந்துள்ளது. இது கடந்த ஆண்டை விட 89% அதிகம். சிப்களை (Chips) வாங்கிய வாடிக்கையாளர்கள் இன்னும் அதற்கான பணத்தை செலுத்தவில்லை. பணம் வருவதற்கான சராசரி நாட்கள் 46-லிருந்து 53 நாட்களாக அதிகரித்துள்ளது. இந்த தாமதம் ஆபத்தானது.

2. தேங்கிக் கிடக்கும் சரக்கு

Nvidia கையில் விற்காத சிப்களின் இருப்பு $19.8 பில்லியனாக உயர்ந்துள்ளது. ஆனால் நிறுவனமோ "எங்கள் பொருட்களுக்கு பயங்கர டிமாண்ட் உள்ளது, போதிய சப்ளை இல்லை" என்று கூறுகிறது. இது ஒன்றுக்கொன்று முரணாக உள்ளது. ஒன்று வாடிக்கையாளர்கள் வாங்கவில்லை, அல்லது பணம் கொடுக்காமல் கடன் சொல்லி வாங்குகிறார்கள் என்று அர்த்தம்.

3. லாபத்திற்கும் பணத்திற்கும் உள்ள இடைவெளி

Nvidia காகிதத்தில் $19.3 பில்லியன் லாபம் என்று காட்டுகிறது. ஆனால் உண்மையில் கைக்கு வந்த பணம் $14.5 பில்லியன் மட்டுமே. TSMC மற்றும் AMD போன்ற ஆரோக்கியமான நிறுவனங்கள், தங்கள் லாபத்தில் 95% பணமாக மாற்றிவிடும். ஆனால் Nvidia-வில் இது 75% மட்டுமே உள்ளது. இது ஆபத்தான நிலை.

4. பணச் சுழற்சி முறை

இங்குதான் விஷயம் விபரீதமாகிறது. ஒரே பணம் பல நிறுவனங்களுக்குள் சுற்றி வருகிறது:
Nvidia, xAI நிறுவனத்திற்கு முதலீடு செய்கிறது.
xAI அந்த பணத்தில் Nvidia சிப்களை வாங்குகிறது.
இதேபோல Microsoft, OpenAI, Oracle ஆகிய நிறுவனங்களுக்குள்ளும் பணம் மாறி மாறிச் செல்கிறது.
இறுதியில், விற்பனை நடந்ததாக கணக்கு காட்டப்படுகிறது, ஆனால் உண்மையான புதிய பணம் உள்ளே வரவில்லை. ரசீதுகள் மட்டுமே குவிகின்றன.

5. AI மற்றும் பிட்காயின் சரிவு

OpenAI போன்ற நிறுவனங்கள் ஆண்டுக்கு $9.3 பில்லியன் செலவு செய்கின்றன, ஆனால் வருமானம் குறைவு. பல AI திட்டங்கள் லாபம் தராது என்று ஆய்வுகள் கூறுகின்றன.
பீட்டர் தில் (Peter Thiel) மற்றும் சாப்ட்பேங்க் (SoftBank) போன்ற பெரிய முதலீட்டாளர்கள் தங்கள் Nvidia பங்குகளை விற்றுவிட்டனர்.
மைக்கேல் பர்ரி (Michael Burry) Nvidia பங்கு விலை $140-க்கு விழும் என்று பந்தயம் கட்டியுள்ளார்.

பிட்காயின் விலையும் சரிகிறது. பல AI நிறுவனங்கள் பிட்காயினை நம்பி கடன் வாங்கியுள்ளன. Nvidia சரிந்தால், பிட்காயின் $52,000 வரை சரிய வாய்ப்புள்ளது.

கணிக்கப்படும் காலவரிசை (Timeline)

பிப்ரவரி 2026: உண்மையான கணக்கு விவரங்கள் (எவ்வளவு பணம் இன்னும் வரவில்லை என்பது) வெளியே வரும்.
மார்ச் 2026: நிறுவனத்தின் தரமதிப்பீடு (Credit rating) குறைக்கப்படலாம்.
ஏப்ரல் 2026: 18 மாதங்களாக உருவாக்கப்பட்ட இந்த பிம்பம் உடையலாம்.

Nvidia-வின் தற்போதைய பங்கு விலை $186. ஆனால் அதன் உண்மையான மதிப்பு (Fair Value) $71 மட்டுமே இருக்க வேண்டும் என்று கணக்குகள் கூறுகின்றன. இது வரலாற்றின் மிகப்பெரிய நிதி மோசடியாக மாறக்கூடும் என்று அஞ்சப்படுகிறது." இவ்வாறு பொருளாதார நிபுணர் ராஜேஷ் கிருஷ்ணமூர்த்தி தனது எக்ஸ் தளபதிவில் கூறியுள்ளார்.

'

English summary

Will Bitcoin fall to $52,000? On the US stock market the day before yesterday, Nvidia shares rose 5% after the earnings report was released, but within the next 18 hours they fell and ended in losses. It is said that this was due to computer algorithms finding some accounting problems that humans could not notice. Let's see the comment published by economist Rajesh Krishnamurthy on this.