‛ஸ்டாலின் பாணி’.. வெயிலில் தப்பிக்க வேறு வழி இல்லை.. தேர்தல் முடிந்ததுமே ஊட்டிக்கு வந்த சித்தராமையா

நீலகிரி: முதல்வர் ஸ்டாலின் பாணியில் லோக்சபா தேர்தல் முடிவடைந்ததை தொடர்ந்து கர்நாடகா முதல்வர் சித்தராமையா தனது குடும்பத்துடன் ஊட்டிக்கு சுற்றுலா வந்துள்ளார். இன்று முதல் 3 நாட்கள் முதல்வர் சித்தராமையாக ஊட்டியில் குடும்பத்துடன் நேரம் செலவிட உள்ளார்.

கர்நாடகாவில் காங்கிரஸ் ஆட்சி நடக்கிறது. முதல்வராக சித்தராமையா உள்ளார். அங்கு மொத்தம் 28 லோக்சபா தொகுதிகள் உள்ள நிலையில் 2 கட்டங்களாக லோக்சபா தேர்தல்கள் அறிவிக்கப்பட்டன.

அதன்படி முதற்கட்டமாக கடந்த மாதம் 26 ம் தேதி 14 தொகுதிகளுக்கு லோக்சபா தேர்தல் நடந்து முடிந்தது. அதன்பிறகு இன்று மீதமுள்ள 14 தொகுதிகளுக்கு லோக்சபா தேர்தல் நடந்து முடிந்தது.

இந்த லோக்சபா தேர்தலையொட்டி முதல்வர் சித்தராமையாக மாநிலம் முழுவதும் சுற்றுப்பயணம் மேற்கொண்டு தீவிர பிரசாரம் மேற்கொண்டார். கடந்த 2019 லோக்சபா தேர்தலில் ஒரு இடத்தில் மட்டுமே காங்கிரஸ் வெற்றி பெற்ற நிலையில் இந்த முறை 10க்கும் அதிக இடங்களில் வெல்லும் முனைப்பில் காங்கிரஸ் கட்சி தீவிரமாக செயல்பட்டு வந்தது. கடும் வெயிலையும் பொருட்படுத்தாமல் சித்தராமையாக வாகன பேரணி, ஊர்வலம், பொதுக்கூட்டங்களில் பங்கேற்றார்.

இந்நிலையில் தான் இன்று கர்நாடகாவில் லோக்சபா தேர்தல் முடிவடைந்த நிலையில் சித்தராமையா ஓய்வெடுக்க முடிவு செய்தார். அதன்படி அவர் தனது குடும்பத்துடன் 3 நாள் சுற்றுப்பயணமாக இன்று நீலகிரி மாவட்டம் ஊட்டிக்கு சுற்றுலா வந்தார். பெங்களூரை ஒப்பிடும்போது ஊட்டி குளிர்பிரதேசமாக உள்ளது. இதனால் தான் சித்தராமையாக ஊட்டியை தேர்வு செய்து ஓய்வுக்காக வந்துள்ளார்.

தற்போது நாடு முழுவதும் கோடை வெயில் கொளுத்தி வருகிறது. இதனால் பொதுமக்கள் மற்றும் அரசியல் கட்சி தலைவர்கள் ஓய்வுக்காக குளிர் பிரதேசங்களை நோக்கி படையெடுத்து வருகின்றனர். தமிழக முதல்வர் முக ஸ்டாலின் மாநிலம் முழுவதும் தீவிர பிரசாரம் செய்த நிலையில் அவர் தனது குடும்பத்துடன் திண்டுக்கல் மாவட்டம் கொடைக்கானல் ஓய்வு எடுத்தார். அதன்பிறகு அவர் சென்னை திரும்பினார்.

அதேபோல் எடப்பாடி பழனிச்சாமி ஆயுர்வேத சிகிச்சைக்காக கேரளா சென்று திரும்பினார். அந்த வகையில் கர்நாடகாவில் தேர்தல் முடிந்த நிலையில் சித்தராமையா தனது குடும்பத்துடன் ஊட்டிக்கு சுற்றுலா வந்துள்ளது ஓய்வெடுப்பது குறிப்பிடத்தக்கது.

English summary

Karnataka Chief Minister Siddaramaiah has visited Ooty with his family after the Lok Sabha election ended in Karnataka. Chief Minister Siddaramaiah is going to spend time with his family in Ooty for 3 days from today.