வருமானவரி பாக்கி.. திமுக ஆ ராசாவின் சொத்து மதிப்பு வெறும் ரூ.3.73 கோடி தான்! கடன் எவ்வளவு தெரியுமா
நீலகிரி: வரும் லோக்சபா தேர்தலில் நீலகிரி தொகுதியில் சிட்டிங் எம்பியான ஆ ராசா மீண்டும் போட்டியிடும் நிலையில் அவரது சொத்து மதிப்பு, கடன் விபரங்கள் குறித்த முக்கிய தகவல் வெளியாகி உள்ளது.
நீலகிரி லோக்சபா தொகுதியின் எம்பியாக இருப்பவர் ஆ ராசா. முன்னாள் மத்திய அமைச்சரான இவர் மீண்டும் வரும் லோக்சபா தேர்தலில் நீலகிரி தொகுதியில் போட்டியிடுகிறார்.
இவரை எதிர்த்து பாஜக சார்பில் மத்திய இணையமைச்சர் எல் முருகன் களமிறங்கி உள்ளார். இதன்மூலம் நீலகிரி தொகுதி நட்சத்திர தொகுதியாக மாறி உள்ளது.
இந்நிலையில் தான் வரும் லோக்சபா தேர்தலுக்கான வேட்புமனுவை ஆ ராசா நேற்று தாக்கல் செய்தார். நேற்று தான் வேட்பு மனு தாக்கலுக்கு கடைசி நாளாக இருந்தது. இன்று வேட்பு மனுக்கள் மீதான பரிசீலனை நடைபெற உள்ளது. வேட்பு மனுக்கள் சரியான விபரங்களுடன் இருக்கும் பட்சத்தில் தேர்தல் அதிகாரியால் ஏற்றுக்கொள்ளப்படும். இல்லாவிட்டால் நிராகரிப்பு செய்யப்படும்.
இத்தகைய சூழலில் தான் நீலகிரி திமுக வேட்பாளர் ஆ ராசாவின் சொத்து மதிப்பு குறித்த விபரம் வெளியாகி உள்ளது. அவர் தாக்கல் செய்த வேட்புமனுவில் உள்ள பிரமாணப்பத்திரத்தில் ஆ ராசா தனது பெயரிலான சொத்துகள், கடன், முதலீடுகள் குறித்த விஷயங்களை குறிப்பிட்டுள்ளார். அதன் விபரம் வருமாறு:
ஆ ராசா தனது பிரமாணப்பத்திரத்தில் கையில் ரூ.2 லட்சத்து 41 ஆயிரத்து 500 ரொக்கம் இருப்பதாக தெரிவித்துள்ளார். மேலும் வங்கி சேமிப்பாக ரூ.86.14 லட்சம் உள்ளது. வங்கி பத்திரங்கள் மூலம் ரூ.19.91 லட்சம் சேமிக்கப்பட்டுள்ளது. மற்றவர்களுக்கு ரூ.12 லட்சம் வரை கடன் கொடுத்துள்ளார். Toyota Corolla Altis கார் உள்ளது. ரூ.52.63 லட்சம் மதிப்பிலான 108 சவரண் நகைகளை வைத்துள்ளார்.
மேலும் ஆ ராசா ரூ.3.34 லட்சம் மதிப்பிலான 4 கிலோ 182 கிராம் வெள்ளி பொருட்கள் வைத்துள்ளார். இப்படியாக மொத்தம் ரூ.3.73 கோடி மதிப்பிலான அசையும் சொத்துகள் ஆ ராசாவிடம் உள்ளது. அசையா சொத்துகள் எதுவும் இல்லை என தெரிவித்துள்ள ஆ ராசா வருமான வரியில் ரூ.25.22 லட்சம் பாக்கி வைத்துள்ளார். மேலும் ரூ.19 லட்சம் கடன் உள்ளது என ஆ ராசா தனது பிரமாண பத்திரத்தில் தெரிவித்துள்ளார்.
Click it and Unblock the Notifications
Sign in with Google