இங்க பாருங்க அதிசயத்தை.. பெண்ணுக்கு பேன் பார்க்கும் குரங்கார்... மங்கி இஸ் ஆல்வேய்ஸ் அல்டிமேட்!

நீலகிரி : நீலகிரி மாவட்டம் உதகை அருகே பெண் ஒருவருக்கு குரங்கு பேன் பார்க்கும் வீடியோ சமூக வலைதளங்களில் வைரலாகி வருகிறது.

நீலகிரி மாவட்டம் உதகை மற்றும் அதன் சுற்றுவட்டார பகுதிகளில் நாளுக்கு நாள் குரங்குகளின் அட்டகாசம் அதிகரித்து வருகிறது.

குறிப்பாக தண்ணீர் மற்றும் உணவு தேடி குடியிருப்பு பகுதிக்குள் வரும் குரங்குகள் பொதுமக்கள் பயன்படுத்த கூடிய தண்ணீர் குழாய்களை உடைப்பதும், கேபிள் வயர்களை அறுப்பதும், பழம் மரங்களை நாசம் செய்வதும் என பல்வேறு செயல்களில் ஈடுபட்டு வருகிறது.

இந்நிலையில் உதகை அருகே உள்ள ஒடையரட்டி என்னும் கிராமத்தில் குடியிருப்புக்குள் குரங்கு கூட்டம் ஒன்று புகுந்துள்ளது. இந்த கூட்டத்திலிருந்து பிரிந்து வந்த ஒரு குரங்கு அந்த கிராமத்தில் நடந்து சென்ற ஒரு பெண்ணின் தோல் மேல் ஏறி தலையில் பேன் பார்க்க ஆரம்பித்துள்ளது.

ஆச்சரியத்துடன் பார்த்த அப்பகுதி மக்கள் இதனை வீடியோ பதிவு செய்துள்ளனர். தற்போது பெண்ணிற்கு குரங்கு பேன் பார்க்கும் இந்த காட்சி தற்போது சமூக வலைதளங்களில் வைரலாகி வருகிறது.

English summary

Video of a monkey watching a women lice near Udhagai in the Nilgiris district has gone viral on social media.