பீகார் தேர்தல் முடிவுகள் 2025 LIVE: நோட்டாவிடம் தோற்ற கம்யூனிஸ்ட் கட்சிகள்

Updated: Friday, November 14, 2025, 20:55 [IST]

Subscribe to Oneindia Tamil

பாட்னா: மாலை 5 மணி நிலவரப்படி பீகாரில் மொத்தம் உள்ள 243 தொகுதிகளில் தேசிய ஜனநாயக கூட்டணி 202 தொகுதிகளில் முன்னிலை பெற்றுள்ளது. மகாகத்பந்தன் கூட்டணி 34 தொகுதிகளில் முன்னிலை பெற்றுள்ளது. பாஜக 91 தொகுதிகளிலும், ஜேடியு 83 தொகுதிகளிலும் முன்னிலை வகிக்கிறது. ஆர்ஜேடி 26 தொகுதிகளிலும், காங்கிரஸ் 5 தொகுதிகளிலும் முன்னிலை பெற்றுள்ளது.

பீகார் சட்டசபை தேர்தல் முடிவுகள் குறித்த அப்டேட்களை உடனுக்குடன் காண இணைந்திருங்கள்.

bihar-election-2025-results-live-bihar-assembly-election-vote-counting-results-latest-news-in-tamil

9:33 PM, 14 Nov

காங்கிரஸ் கட்சி மொத்தம் 6 இடங்களில் மட்டுமே வெற்றி பெற்றுள்ளது. ஆர்ஜேடி கட்சியுடன் கூட்டணி அமைத்து காங்கிரஸ் போட்டியிட்டு படுதோல்வியை சந்தித்துள்ளது. கடந்த முறை 19 தொகுதிகளில் வென்ற காங்கிரஸ் கட்சி இந்த முறை ஒற்றை இலக்கத்துக்கு சரிந்துள்ளது. மொத்தமாக காங்கிரஸ் கட்சி இந்த தேர்தலில் 8.72 சதவீதம் ஓட்டுகள் பெற்றுள்ளது.

8:55 PM, 14 Nov

பீகார் தேர்தலில் யாருக்கும் ஓட்டளிக்க விரும்பவில்லை என்பதை குறிக்கும் நோட்டாவுக்கு மொத்தம் 1.82 சதவீதம் ஓட்டுகள் கிடைத்துள்ளது. அந்த வகையில் பார்த்தால் எதிர்க்கட்சிகளின் ‛மகாகத் பந்தன்’ கூட்டணியில் உள்ள இந்திய கம்யூனிஸ்ட் (பெற்ற ஓட்டு 0.75 சதவீதம்)மற்றும் மார்க்சிஸ்ட் கம்யூனிஸ்ட் கட்சி (பெற்ற ஓட்டு 0.61 சதவீதம்) நோட்டாவை விட குறைந்த அளவில் ஓட்டுகள் வாங்கி உள்ளன. இது மட்டுமின்றி ஏஏஏபி கட்சி 0.30 சதவீதம், மாயாவதியின் பகுஜன் சமாஜ் கட்சி 1.61 சதவீதம், என்சிபி 0.03 சதவீதம், என்பிஇபி கட்சி 0.01 சதவீதம் ஓட்டுகள் பெற்று நோட்டாவை விட பின்தங்கி உள்ளனர். இந்த தேர்தலில் அசாதுதீன் ஓவைசியின் கட்சியான ஏஐஎம்ஐஎம் கட்சி 1.86 சதவீத ஓட்டுகளை பெற்றுள்ளது. இது நோட்டாவை விட 0.04 சதவீதம் மட்டுமே அதிகமாகும்.

8:05 PM, 14 Nov

பீகாரில் தேசிய ஜனநாயக கூட்டணியின் ஆட்சி அமைகிறது என அதிகாரப்பூர்வமாக அறிவித்த இந்திய தேர்தல் ஆணையம். 8 மணி நிலவரப்படி பீகாரில் 243 தொகுதிகளில் பாஜக கூட்டணி மெஜாரிட்டிக்கு தேவையான 122 இடங்களை விட அதிகமான தொகுதிகளில் வெற்றி பெற்றதால் தேர்தல் ஆணையம் அறிவிப்பு.

7:38 PM, 14 Nov

SIR நடவடிக்கைக்கு வலிமை கிடைத்துள்ளது - மோடி

பீகார் தேர்தல் வெற்றியையொட்டி டெல்லி பாஜக தலைமை அலுவலகத்தில் தொண்டர்கள் மத்தியில் பிரதமர் மோடி பேச்சு, ‛‛தேர்தல் ஆணையத்தின் மீது மக்கள் வலிமையான நம்பிக்கையை வைத்துள்ளனர். தேர்தலில் அதிக வாக்கு பதிவானது இதனை உறுதி செய்துள்ளது. . இது தேர்தல் ஆணையத்துக்கு வலிமையை தந்துள்ளது. பீகாரில் மறுவாக்கு பதிவுக்கான தேவை இல்லை. பீகாரில் இம்முறை மறுவாக்குப்பதிவு எதுவும் நடைபெறவில்லை. பீகாரில் SIR நடவடிக்கைக்கு இளைஞர்கள் வலிமையை தந்துள்ளனர். பீகாரில் இளைஞர்கள் அதிகளவில் வாக்களித்துள்ளனர். முதன் முறையாக வாக்குப்பதிவின்போது வன்முறை இல்லை. மக்களின் நம்பிக்கை வெற்றி பெற்றுள்ளது’’ என்றார்.

7:36 PM, 14 Nov

பீகார் தேர்தல் வெற்றியையொட்டி டெல்லி பாஜக தலைமை அலுவலகத்தில் தொண்டர்கள் மத்தியில் பிரதமர் மோடி பேச்சு, ‛‛ பீகார் தேர்தலில் கிடைத்தது ஜனநாயகத்துக்கான வெற்றி. அதிக வாக்குப்பதிவு தேர்தல் ஆணையத்திற்கு கிடைத்த வெற்றி. நிதிஷ் குமாரின் தலைமை சிறப்பாக நடந்தது. பீகார் மக்களுக்கு நன்றி தெரிவிக்கிறேன். மகளிர், இளைஞர்கள் தான் என்டிஏவின் அடுத்த இலக்கு. தேர்தல் ஆணையத்தின் மீது மக்கள் வலிமையான நம்பிக்கையை வைத்துள்ளனர். தேர்தலில் அதிக வாக்கு பதிவானது இதனை உறுதி செய்துள்ளது. . இது தேர்தல் ஆணையத்துக்கு வலிமையை தந்துள்ளது’’ என்று கூறினார்.

7:00 PM, 14 Nov

டெல்லி பாஜக தலைமை அலுவலகத்துக்கு பிரதமர் மோடி வருகை. தொண்டர்கள் மோடி.. மோடி .. மோடி கோஷமிட்டதால் கழுத்தில் அணிந்திருந்த துண்டை எடுத்து தலையை சுற்றி உற்சாகமான பிரதமர் மோடி.

6:48 PM, 14 Nov

பீகார் சட்டசபை தேர்தல் வெற்றியை தொடர்ந்து பிரதமர் மோடி டெல்லியில் உள்ள பாஜகவின் தலைமை அலுவலகத்துக்கு சற்று நேரத்தில் வருகை தந்து பாஜகவினர் மத்தியில் பேச உள்ளார். டெல்லி பாஜக அலுவலகத்தில் பாஜக தலைவர் ஜேபி நட்டா உள்பட முக்கிய தலைவர்கள் குவிந்து வருகின்றனர்.

6:31 PM, 14 Nov

தொலைநோக்கு பார்வைக்கு கிடைத்த வெற்றி - மோடி

பீகார் சட்டசபை தேர்தல் வெற்றி குறித்து பிரதமர் மோடி தனது எக்ஸ் பக்கத்தில் பதிவுகளை வெளியிட்டுள்ளார். அதில், ‛‛பீகாரில் தேசிய ஜனநாயக கூட்டணி வெற்றி பெற்றுள்ளது. மாநிலத்துக்கு முழுமையான வளர்ச்சியை வழங்கியது. எங்களின் சாதனையை பாராட்டி மாநிலத்தை புதிய உயரத்துக்கு கொண்டு செல்வதற்கான எங்களின் தொலைநோக்கு பார்வை அடிப்படையில் மக்கள் வாக்களித்தனர். இந்த இணையற்ற வெற்றிக்கு முதல்வர் நிதிஷ் குமார், தேசிய ஜனநாயக கூட்டணியை சேர்ந்த சிராக் பஸ்வான், ஜித்ன ராம் மஞ்சி, உபேந்திர குஷ்வாஹா ஆகியோருக்கு வாழ்த்துகள்’’ என கூறியுள்ளார்.

6:06 PM, 14 Nov

பீகார் சட்டசபை தேர்தல் வெற்றியை தொடர்ந்து அமித்ஷா கூறுகையில், ‛‛அரசியல் செயல்திறன் அடிப்படையில் மக்கள் தங்களின் வாக்குகளை தந்துள்ளனர். நரேந்திர மோடி, நிதிஷ் குமார் மற்றும் என்டிஏ கூட்டணியின் அனைத்து தலைவர்கள், தொண்டர்களுக்கும் நான் வாழ்த்து தெரிவித்து கொள்கிறேன். அயராது உழைத்து வெற்றியை பெற்று தந்த பீகார் மாநில பாஜக பூத் அளவிலான தொண்டர்களுக்கு சல்யூட் செய்கிறேன். மோடி தலைமையிலான ஆட்சியின் மீது நம்பிக்கை வைத்து வெற்றியை பரிசளித்த உங்களுக்கு நாங்கள் இன்னும் சிறப்பான திட்டங்களை நிறைவேற்றுவோம். இதனை பீகார் மாநில தாய்மார்கள் மற்றும் சகோதரிகளிடம் உறுதியாக கூறுகிறேன்’’என கூறியுள்ளார்.

6:06 PM, 14 Nov

பீகார் சட்டசபை தேர்தல் வெற்றியால் மத்திய உள்துறை அமைச்சர் அமித்ஷா ஹேப்பியாகி உள்ளார். இதுதொடர்பாக அவர் பீகாரை முன்னேற்றமடைய செய்ய வேண்டும் என்று நினைத்த ஒவ்வொரு பீகார் மக்களின் வெற்றி இதுவாகும். ஜங்கிள் ராஜ் மற்றும் திருப்திப்படுத்தும் அரசியலை கடைப்பிடிப்போர் எந்த வேடமிட்டு வந்தாலும்அவர்களுக்கு (மறைமுகமாக ஆர்ஜேடி மற்றும் காங்கிரஸை சொல்கிறார்) கொள்ளையடிக்க வாய்ப்பு கிடைக்காது என்பதை மக்கள் நிரூபித்துள்ளனர்’’ என கூறியுள்ளார்.

5:56 PM, 14 Nov

பீகார் சட்டசபை தேர்தலில் பாஜக 32 தொகுதிகளில் வெற்றி பெற்றுள்ளது என்றும், ஜேடியூ 20 தொகுதிகளில் வெற்றி பெற்றுள்ளதாகவும் தேர்தல் ஆணையம் அறிவித்துள்ளது. தேசிய ஜனநாயக கூட்டணி 204 தொகுதிகளில் முன்னிலையில் உள்ளது.

5:28 PM, 14 Nov

வெற்றியின் விளிம்பில் தேஜஸ்வி யாதவ்

ஆர்ஜேடி கட்சியின் தலைவரும், மகாகத்பந்தன் கூட்டணியின் முதல்வர் வேட்பாளருமான தேஜஸ்வி யாதவ் வெற்றியின் விளிம்பில் இருக்கிறார். மொத்தம் உள்ள 30 சுற்றுகளில் 29 சுற்று முடிவில் 1,16,467 வாக்குகள் பெற்று 13,880 வாக்குகள் வித்தியாசத்தில் முன்னிலையில் உள்ளார். பாஜகவேட்பாளர் சதீஷ்குமார் 1,02,587 வாக்குகள் பெற்றுள்ளார்.

5:18 PM, 14 Nov

பீகார் சந்தேஷ் தொகுதியில் வெறும் 27 ஓட்டுகள் வித்தியாசத்தில் ஜேடியூ கட்சி வெற்றி பெற்றுள்ளது

5:18 PM, 14 Nov

ஜேடியூ வேட்பாளர் ராதா சரன் ஷா வெறும் 27 வாக்குகள் வித்தியாசத்தில் வெற்றி பெற்றுள்ளார்

5:18 PM, 14 Nov

ராஷ்ட்ரீய ஜனதா தளத்தின் திபு சிங் 80,571 வாக்குகள் பெற்று 27 வாக்குகள் வித்தியாசத்தில் தோல்வியை சந்தித்தார்

4:43 PM, 14 Nov

தேஜஸ்வி யாதவ் 10,000 வாக்குகள் முன்னிலை

பீகார் ரகோபூர் தொகுதியில் போட்டியிட்டுள்ள மகாகத்பந்தன் கூட்டணியின் முதல்வர் வேட்பாளர் தேஜஸ்வி யாதவ் தற்போது 10,000 வாக்குகள் முன்னிலை பெற்றுள்ளார். 24-வது சுற்று முடிவில், 97,345 வாக்குகள் பெற்றுள்ள தேஜஸ்வி யாதவ் பாஜக வேட்பாளர் சதீஷ் குமாரை விட 10,276 வாக்குகள் அதிகம் பெற்றுள்ளார்.

4:13 PM, 14 Nov

தேஜஸ்வி யாதவ் மீண்டும் முன்னிலை

பீகார் ரகோபூர் தொகுதியில் போட்டியிட்டுள்ள மகாகத்பந்தன் கூட்டணியின் முதல்வர் வேட்பாளர் தேஜஸ்வி யாதவ் தற்போது முன்னிலை பெற்றுள்ளார். 20-வது சுற்று முடிவில், 77,646 வாக்குகள் பெற்றுள்ள தேஜஸ்வி யாதவ் பாஜக வேட்பாளர் சதீஷ் குமாரை விட 3,523 வாக்குகள் அதிகம் பெற்று முன்னிலையில் உள்ளார்.

4:01 PM, 14 Nov

காங்கிரசுக்கு பெரும் பின்னடைவு

பீகார் தேர்தலில் காங்கிரசுக்கு பெரும் பின்னடைவு ஏற்பட்டுள்ளது. போட்டியிட்டுள்ள 61 தொகுதிகளில் ஒரே ஒரு தொகுதியில் மட்டுமே தற்போது முன்னிலையில் உள்ளது. ஆரம்பத்தில் 5 முதல் 6 தொகுதிகளில் முன்னிலை வகித்த நிலையில் தற்போது ஒரே ஒரு தொகுதியில் மட்டும் முன்னிலையில் உள்ளது.

Top Fight - ரகோபூர்

சதீஷ் குமார்

(பாஜக)

Leading

தேஜஸ்வி யாதவ்

(ஆர்ஜேடி)

Trailing

3:19 PM, 14 Nov

பீகாரில் தோற்கவில்லை, வெற்றி வாய்ப்பை தான் இழந்திருக்கிறோம் என்று தமிழக காங்கிரஸ் தலைவர் செல்வப்பெருந்தகை தெரிவித்துள்ளார். மேலும் காங்கிரஸ் கட்சி தேர்தலில் வெற்றி பெற்றால் துள்ளி குதிப்பதும் கிடையாது.. தோற்றுவிட்டால் படுத்துவிடுவதும் கிடையாது என்று அவர் கூறியுள்ளார்.

3:16 PM, 14 Nov

பீகாரில் பாஜக கூட்டணி வரலாற்று சிறப்பு மிக்க வெற்றியை பெற்றுள்ளதாக மத்திய இணை அமைச்சர் எல்.முருகன் கூறியுள்ளார். மேலும், சமூகத்திற்கு ஒவ்வாத கருத்துக்களோடு இயங்கிய ”இந்தியா” கூட்டணியை மக்கள் புறந்தள்ளி உள்ளனர் என்றும் அவர் கூறினார்.

2:47 PM, 14 Nov

பீகார் மக்களுக்கு நன்றி

பீகார் சட்டசபை தேர்தலில் தேசிய ஜனநாயக கூட்டணி 200-க்கும் அதிகமான தொகுதிகளில் முன்னிலை பெற்ற நிலையில், பீகார் மக்களுக்கு நன்றி தெரிவிப்பதாக மத்திய அமைச்சர் நிதின் கட்கரி கூறியுள்ளார். "பீகார் மக்கள் தேசிய ஜனநாயகக் கூட்டணிக்கு ஆதரவு அளித்த விதம் வரலாற்றுச் சிறப்புமிக்கது. இரட்டை எஞ்சின் அரசாங்கத்தால் செய்யப்பட்ட வளர்ச்சிக்கு பீகார் மக்கள் தங்கள் ஆதரவைக் காட்டியுள்ளனர் என்று கூறினார்.

#WATCH | #BiharAssemblyElections | Nagpur | As NDA crosses the majority mark in Bihar, Union Minister Nitin Gadkari says, "The way people of Bihar have given support to the NDA is historic. The people of Bihar have shown their support for the development done by the double-engine… pic.twitter.com/F6gpTIZVjX
— ANI (@ANI) November 14, 2025

2:22 PM, 14 Nov

தேஜஸ்வி யாதவுக்கு பெரும் பின்னடைவு

பீகார் சட்டசபை தேர்தலில் ரகோபூர் தொகுதியில் போட்டியிட்ட ஆர்ஜேடி கட்சி தலைவரும், மகாகத்பந்தன் கூட்டணியின் முதல்வர் வேட்பாளருமான தேஜஸ்வி யாதவ் கடும் பின்னடைவை சந்தித்துள்ளார். 10வது சுற்று முடிவில், 36950 வாக்குகள் மட்டுமே பெற்று, 3,230 வாக்குகள் வித்தியாசத்தில் பின்னடைவை சந்தித்துள்ளார். பாஜக வேட்பாளர் சதீஷ்குமார் 40,180 வாக்குகள் பெற்று முன்னிலையில் இருக்கிறார்.

2:09 PM, 14 Nov

தேஜஸ்வி யாதவுக்கு பெரும் பின்னடைவு

1:52 PM, 14 Nov

பாஜகவும் - தேர்தல் ஆணையமும் கூட்டணி வைத்து வெற்றி பெற்றதாக வந்த குற்றச்சாட்டுக்கு நயினார் நாகேந்திரன் பதில் அளித்துள்ளார். நெல்லையில் செய்தியாளர்களை சந்தித்த அவர், 2021 தேர்தலில் திமுக - தேர்தல் ஆணையத்தோடு கூட்டணி வைத்து தான் வெற்றி பெற்றதா? என கேள்வி எழுப்பியுள்ளார்.

1:50 PM, 14 Nov

200 தொகுதிகளில் முன்னிலை

பீகாரில் மொத்தம் உள்ள 243 தொகுதிகளில் தேசிய ஜனநாயக கூட்டணி மட்டுமே 200 தொகுதிகளில் முன்னிலை பெற்றுள்ளது. பாஜக 89 தொகுதிகளிலும், ஜேடியூ 80 தொகுதிகளிலும் முன்னிலை பெற்றுள்ளது. மகாகத்பந்தன் கூட்டணி 39 தொகுதிகளில் முன்னிலை பெற்றுள்ளது. இதில் ஆர்ஜேடி 29 தொகுதிகளிலும், காங்கிரஸ் 4 தொகுதிகளிலும் முன்னிலை பெற்றுள்ளது.

1:09 PM, 14 Nov

50% வாக்குகளை நெருங்கும் என்டிஏ கூட்டணி

பீகார் சட்டசபை தேர்தலில் என்.டி.ஏ கூட்டணி 196 தொகுதிகளில் முன்னிலையில் உள்ளது. இந்த கூட்டணி 50 சதவீத வாக்குகளை நெருங்கியுள்ளது. கூட்டணியில் உள்ள நிதிஷ் குமாரின் ஜேடியு 19 சதவீத வாக்குகளையும், பாஜக 21 சதவீத வாக்குகளையும், எல்ஜேபி 5.3 சதவீதம் என கிட்டத்தட்ட 50 சதவீத வாக்குகளை பெற்றுள்ளது.

மகாகத்பந்தன் கூட்டணியில் இடம்பெற்றுள்ள தேஜஸ்வி யாதவின் ராஷ்டிரிய ஜனதா தளம் 23% (மற்ற கட்சிகளுடன் அதிகம்) வாக்குகளைப் பெற்றுள்ளது. காங்கிரஸ் 8 சதவீத வாக்குகளை பெற்றுள்ளது.

1:01 PM, 14 Nov

காங்கிரசை முந்திய ஏஐஎம்ஐஎம்

தேர்தல் ஆணையம் வெளியிட்ட தரவுகளின் படி, காங்கிரஸ் - தேஜஸ்வி யாதவின் மகாகத்பந்தன் கூட்டணி 42 தொகுதிகளில் முன்னிலையில் உள்ளது. இதில் கூட்டணியில் உள்ள அசாதுதீன் ஒவைசியின் ஏ.ஐ.எம்.ஐ.எம் கட்சி காங்கிரசை விட அதிக இடங்களில் முன்னிலை பெற்றுள்ளது. அதாவது ஏ.ஐ.எம்.ஐ.எம் கட்சி 6 இடங்களிலும், காங்கிரஸ் 5 இடங்களிலும் முன்னிலையில் உள்ளன.

12:47 PM, 14 Nov

”மக்களுக்கு மகளாக சேவை செய்வேன்”

அலிநகரில் முன்னிலை வகித்து வரும் பாடகியும் பாஜக வேட்பாளருமான மைதிலி தாகூர், ”இது ஒரு கனவு போல இருக்கிறது. மக்கள் என்மீது மிகுந்த நம்பிக்கை வைத்திருக்கிறார்கள். முதல் முறையாக எம்.எல்.ஏ ஆகப் போகிறேன். நான் எனது தொகுதி வளர்ச்சிக்காக முழு முயற்சியையும் கொடுப்பேன். என் மக்களுக்கு அவர்களின் மகளாக சேவை செய்வேன். இப்போது எனக்கு தெரிவது அலிநகரம் மட்டுமே; அவர்களுக்காக நான் எப்படி வேலை செய்யலாம் என்பதை பற்றி நினைக்கிறேன்’” என்று கூறினார்.

#WATCH | #BiharElection2025 | Singer and BJP candidate Maithili Thakur, who is leading from Alinagar, says, "This is like a dream. People have a lot of expectations of me... This will be my first term as an MLA, and I will do my best for my constituency... I will serve my people… pic.twitter.com/eRPaWqvzIE
— ANI (@ANI) November 14, 2025

12:46 PM, 14 Nov

பீகார் சட்டசபை தேர்தலில் தேசிய ஜனநாயக கூட்டணி 197 தொகுதிகளில் முன்னிலை வகிக்கிறது. இதனை பாட்னாவில் நிதிஷ் குமார் கட்சி அலுவலகம் முன் அவரது ஆதரவாளர்கள் மேள, தாளங்களுடன் கொண்டாடி வருகிறார்கள்.

#WATCH | Bihar: Celebrations continue at the JD(U) office in Patna as NDA continues its comfortable lead in #BiharElections. pic.twitter.com/Ti0E3vyIji
— ANI (@ANI) November 14, 2025

6:04 AM, 14 Nov

சமீபத்தில் நடைபெற்ற பீகார் சட்டமன்றத் தேர்தல் 2025-க்கான வாக்கு எண்ணிக்கை நவம்பர் 14, வெள்ளிக்கிழமை காலை 8:00 மணிக்கு தொடங்கும். ஆரம்பகட்ட முடிவுகள் காலை 8:30 மணிக்குள் வரத் தொடங்கும் என்று எதிர்பார்க்கப்படுகிறது.

6:18 AM, 14 Nov

பீகார் சட்டசபை தேர்தலில் பதிவான வாக்குகள் இன்று எண்ணப்படுகின்றன. இன்று காலை 8 மணிக்கு வாக்கு எண்ணிக்கை தொடங்குகிறது.

6:22 AM, 14 Nov

243 தொகுதிகளுக்கான வாக்குப்பதிவு முடிவுகள், இன்று காலை 9 மணிக்குள் வெளியாகத் தொடங்கும் என எதிர்பார்க்கப்படுகிறது.

பீகார் சட்டசபை தேர்தல் கடந்த 6 மற்றும் 11 ஆம் தேதிகளில் இரு கட்டங்களாக நடந்தது. முதல் கட்டமாக 121 தொகுதிகளுக்கும், இரண்டாம் கட்டமாக 122 தொகுதிகளுக்கும் என தேர்தல் நடந்து முடிந்துள்ளது. மொத்தமாக பீகார் வரலாற்றில் இதுவரை இல்லாத அளவாக 67.13 சதவீத வாக்குகள் பதிவாகின.

6:29 AM, 14 Nov

பீகாரில் மொத்தம் உள்ள 38 மாவட்டங்களில் 46 வாக்கு எண்ணிக்கை மையங்கள் அமைக்கப்பட்டுள்ளன. அங்கு மின்னணு வாக்குப்பதிவு இயந்திரங்கள் (EVM) மற்றும் விவிபேட் (VVPAT) இயந்திரங்கள் இரட்டைப் பூட்டுப் பாதுகாப்புடன் ‘ஸ்ட்ராங் ரூம்களில்’ சீல் வைக்கப்பட்டுள்ளது. ஈரடுக்கு பாதுகாப்பு போடப்பட்டுள்ளது. உள்அடுக்கில், ஆயுதம் தாங்கிய துணை ராணுவப்படையினரும், வெளிஅடுக்கில் மாநில போலீசாரும் பாதுகாப்பு பணியில் ஈடுபடுகிறார்கள். 24 மணி நேரமும் கண்காணிப்பு கேமராக்கள் மூலம் கண்காணிக்கப்படுகின்றன.

6:37 AM, 14 Nov

பீகாரில் தேசிய ஜனநாயக கூட்டணியில் (NDA) நிதிஷ் குமாரின் ஐக்கிய ஜனதா தளம் (JDU) மற்றும் பாஜக (BJP) ஆகிய இரு கட்சிகளும் தலா 101 தொகுதிகளில் போட்டியிடுகின்றன.

6:42 AM, 14 Nov

இந்தியா கூட்டணியில் ராஷ்டிரிய ஜனதா தளம் (RJD), காங்கிரஸ், இந்திய கம்யூனிஸ்ட் கட்சி (மார்க்சிஸ்ட் லெனினிஸ்ட்) விடுதலை, பிற இடதுசாரி கட்சிகள் மற்றும் விகாஸ்ஷீல் இன்சான் கட்சி (VIP) ஆகியவை இடம்பெற்றுள்ளன.

6:43 AM, 14 Nov

பீகார் சட்டசபை தேர்தல் முடிவுகள் இன்று வெளியாகும் நிலையில், பாட்னாவில் உள்ள நிதிஷ் குமாரின் ஜேடியு கட்சி அலுவலகத்தில் தேசிய ஜனநாயக கூட்டணி வெற்றி பெறும் என்ற நம்பிக்கையில் பேனர் வைக்கப்பட்டுள்ளது. அந்த பேனரில் வெற்றியினை குறிக்கும் வகையில், “Tiger Abhi Zinda Hai” என எழுதப்பட்டுள்ளது.

#WATCH | Visuals from outside the RJD office in Patna, Bihar. Counting of votes for #BiharElections2025 will be held today. pic.twitter.com/YXHc0k5g1O
— ANI (@ANI) November 14, 2025

6:52 AM, 14 Nov

தேசிய ஜனநாயக கூட்டணியில் லோக் ஜனசக்தி 29 இடங்களிலும், ஹிந்துஸ்தானி அவாமி மோர்ச்சா 6 இடங்களிலும், ராஷ்டிரிய லோக் மோர்ச்சா 6 இடங்களில் போட்டியிட்டுள்ளது.

தேஜஸ்வி யாதவின் ராஷ்டிரிய ஜனதாதளம் 143 இடங்களிலும், காங்கிரஸ் 61 இடங்களில் போட்டியிட்டுள்ளது.

புதிதாக களம் கண்டுள்ள பிரசாந்த் கிஷோரின் ஜன் சுராஜ் கட்சி 243 தொகுதிகளிலும் தனித்து போட்டியிட்டுள்ளது.

6:57 AM, 14 Nov

பீகாரில் சட்டமன்ற தேர்தல் வாக்கு எண்ணிக்கை தொடங்க உள்ள நிலையில், அம்மாநில துணை முதல்வரும், லக்கிசராய் சட்டமன்ற தொகுதியின் பாஜக வேட்பாளருமான விஜய் குமார் சின்ஹா அசோத்கம் கோவிலில் சாமி தரிசனம் செய்தார்.

#WATCH | Lakhisarai | Bihar's Deputy Chief Minister and BJP candidate from the Lakhisarai Assembly seat Vijay Kumar Sinha offers prayers at Ashokdham temple before the counting of votes for #BiharElection2025 begins. pic.twitter.com/PN0lYSnxbp
— ANI (@ANI) November 14, 2025

7:18 AM, 14 Nov

பீகாரில் இன்று காலை 8 மணிக்கு வாக்கு எண்ணும் பணி தொடங்க உள்ள நிலையில், கயா ஜியில் உள்ள ஒரு வாக்கு எண்ணும் மையத்திற்கு போலீசார் பாதுகாப்பிற்காக வந்தனர்.

#WATCH | Bihar: Police personnel arrive for counting day duty at a counting centre in Gaya Ji. Counting of votes for #BiharElections2025 will begin at 8 am today. pic.twitter.com/AvB4r0Lls9
— ANI (@ANI) November 14, 2025

7:32 AM, 14 Nov

நாடே உன்னிப்பாக கவனித்து வரும் பீகார் சட்டமன்றத் தேர்தலில் பதிவான வாக்குகள் இன்னும் சற்று நேரத்தில் எண்ணப்படுகின்றன. 243 தொகுதிகளை கொண்ட பீகாரில் ஆட்சியை பிடிக்க 122 தொகுதிகளில் வெற்றி பெற வேண்டும். கருத்துக்கணிப்பு முடிவுகளில் பெரும்பாலும் தேசிய ஜனநாயக கூட்டணி ஆட்சியே அமைய வாய்ப்பு இருப்பதாக கூறப்பட்ட நிலையில் மக்கள் அளித்த முடிவு இன்னும் சற்று நேரத்தில் தெரியவந்திடும்.

7:50 AM, 14 Nov

வாக்குப் பதிவு இன்னும் சற்று நேரத்தில் தொடங்க உள்ள நிலையில், “மக்கள் ஆதரவு காரணமாக பீகாரில் ஆட்சி மாற்றம் உறுதியாக இருக்கும் என்றும், தேஜஸ்வி யாதவ் ஆட்சி அமையும் எனவும்” ராஷ்ட்ரீய ஜனதா தள தலைவர் விஸ்வநாத் யாதவ் கூறினார்.

#WATCH | Gaya Ji | Ahead of the counting of votes for #BiharElection2025, RJD leader Vishvanath Yadav says, "There is support from everyone and there is a feeling of change in Bihar and Tejashwi's government is coming..." pic.twitter.com/JI62EQCTKx
— ANI (@ANI) November 14, 2025

8:06 AM, 14 Nov

"பீகாரில் தேசிய ஜனநாயக கூட்டணி தான் ஆட்சி அமைக்கப் போகிறது என்பது எதிர்க்கட்சிகளுக்கே தெரியும்" என பாஜகவின் அஜய் அலோக் கூறியுள்ளார்.

8:10 AM, 14 Nov

பீகார் சட்டசபை தேர்தலில் பதிவான வாக்குகளை எண்ணும் பணி தொடங்கியுள்ளது. முதலில் தபால் வாக்குகள் எண்ணப்பட்டு வருகின்றன. இதனால் யார் முதலில் முன்னணி பெறுகிறார்கள் என்பது சற்று நேரத்தில் தெரிந்துவிடும்.

8:17 AM, 14 Nov

பீகார் சட்டசபை தேர்தலில் பதிவான வாக்குகளில் முதலில் தபால் வாக்குகள் எண்ணப்பட்டு வருகின்றன. இதில் 32 தொகுதிகளில், 18 தொகுதிகளில் தேசிய ஜனநாயக கூட்டணி முன்னிலையில் உள்ளது. ”இந்தியா” கூட்டணி 11 இடங்களில் முன்னிலையில் உள்ளது. பிரசாந்த் கிஷோரின் ஜன் சுராஜ் 2 தொகுதியில் முன்னிலையில் உள்ளது.

8:29 AM, 14 Nov

பீகார் சட்டசபை தேர்தல்: தேசிய ஜனநாயக கூட்டணி 55 தொகுதிகளில் முன்னிலை

89 தொகுதிகளில் 55 தொகுதிகளில் என்.டி.ஏ கூட்டணியும், 29 தொகுதிகளில் ”இந்தியா” கூட்டணியும் முன்னிலை பெற்றுள்ளன

பிரசாந்த் கிஷோரின் ஜன் சுராஜ் கட்சி 2 தொகுதிகளில் முன்னிலை பெற்றுள்ளது

8:33 AM, 14 Nov

பீகாரில் வாக்கு எண்ணிக்கை தொடங்கி நடந்து வரும் நிலையில், ஆரம்பத்திலேயே தேசிய ஜனநாயக கூட்டணி முன்னிலை பெற்றுள்ளது. இந்நிலையில் தேஜஸ்வி யாதவ், இது மக்களின் வெற்றியாக இருக்கும், பீகாரில் மகாபந்தன் கூட்டணி ஆட்சி அமைக்கும் என்று நம்பிக்கை தெரிவித்துள்ளார்.

8:38 AM, 14 Nov

130 தொகுதிகளில் 75 தொகுதிகளில் நிதிஷ் குமாரின் தேசிய ஜனநாயக கூட்டணி முன்னிலை பெற்றுள்ளது. இந்தியா கூட்டணி 50 தொகுதிகளில் முன்னிலை பெற்றுள்ளது.

ரகோபூர் தொகுதியில் ஆர்ஜேடி வேட்பாளர் தேஜஸ்வி யாதவ் முன்னிலை பெற்றுள்ளார்.

8:39 AM, 14 Nov

காலை 8.35 மணி நிலவரப்படி 130 தொகுதிகளில் 75 தொகுதிகளில் நிதிஷ் குமாரின் தேசிய ஜனநாயக கூட்டணி முன்னிலை பெற்றுள்ளது. இந்தியா கூட்டணி 50 தொகுதிகளில் முன்னிலை பெற்றுள்ளது.

ரகோபூர் தொகுதியில் ஆர்ஜேடி வேட்பாளர் தேஜஸ்வி யாதவ் முன்னிலை பெற்றுள்ளார்.

8:53 AM, 14 Nov

பீகாரில் வாக்கு எண்ணிக்கை விறுவிறுப்பாக நடந்து வரும் நிலையில், காலை 8.50 மணி நிலவரப்படி என்.டி.ஏ கூட்டணி 108 தொகுதிகளில் முன்னிலை பெற்றுள்ளது. ”இந்தியா” கூட்டணி 70 தொகுதிகளில் முன்னிலை பெற்றுள்ளது. ஜன் சுராஜ் கட்சி 5 தொகுதிகளில் முன்னிலை பெற்றுள்ளது.

9:05 AM, 14 Nov

பீகாரில் தபால் ஓட்டுகள் எண்ணப்பட்டு வருகிறது. இதில் 217 தொகுதிகளில் என்.டி.ஏ கூட்டணி 128 தொகுதிகளில் முன்னிலை பெற்றுள்ளது. மகாபந்தன் கூட்டணி 68 இடங்களில் முன்னிலையில் உள்ளது.

9:16 AM, 14 Nov

பீகார் சட்டசபை தேர்தலில் பதிவான வாக்குகள் எண்ணப்பட்டு வரும் நிலையில், தேர்தல் ஆணையத்தின் ஆரம்ப நிலவரப்படி, பாஜக 5 இடங்களிலும், ஆர்ஜேடி 2 இடங்களிலும், காங்கிரஸ் 1 இடத்திலும் முன்னிலை வகிக்கிறது.

#BiharElection2025 | BJP leading on 5 seats, RJD on 2, and Congress on 1 as per the early trends of Election Commission. Counting of votes continues. pic.twitter.com/BMlkcg138C
— ANI (@ANI) November 14, 2025

9:33 AM, 14 Nov

தேர்தல் ஆணையம் வெளியிட்டுள்ள நிலவரப்படி, பீகாரில் தேசிய ஜனநாயக கூட்டணி 19 இடங்களில் முன்னிலை பெற்றுள்ளது. இதில் பாஜக 11 இடங்களிலும், ஜேடியு 5 இடங்களிலும், எல்.ஜேபி 3 இடங்களிலும் முன்னிலை வகிக்கிறது. மகாகத்பந்தன் கூட்டணி 4 இடங்களில் முன்னிலை பெற்றுள்ளது. இதில் காங்கிரஸ் மற்றும் RJD தலா 2 தொகுதிகளில் முன்னிலை வகிக்கிறது.

#BiharElection2025 | NDA leading on 19 seats (BJP 11, JD(U) 5, LJP(RV) on 3) and Mahagathbandhan leading on 4 seats (Congress and RJD 2 each) as per the early trends of Election Commission. Counting of votes continues. pic.twitter.com/ARfeaTp5DN
— ANI (@ANI) November 14, 2025

10:02 AM, 14 Nov

தேர்தல் ஆணையத்தின் நிலவரம்படி, ”தேசிய ஜனநாயக கூட்டணி 111 இடங்களில் முன்னிலை பெற்றுள்ளது. பாஜக 48 தொகுதிகளிலும், ஜேடியு 47 தொகுதிகளிலும், எல்.ஜே.பி (ஆர்வி) 13 இடங்களிலும் முன்னிலை பெற்றுள்ளன. மகாபந்தன் கூட்டணி 31 இடங்களில் முன்னிலை பெற்றுள்ளது. இதில் ஆர்ஜேடி 23 இடங்களிலும், காங்கிரஸ் 7 இடங்களிலும் முன்னிலை பெற்றுள்ளது”.

#BiharElection2025 | NDA leading on 111 seats (BJP 48, JD(U) 47, LJP(RV) 13, HAMS 3) and Mahagathbandhan leading on 31 seats (RJD 23, Congress 7, VIP 1) as per the early trends of Election Commission. Others and Independent leading on 5 seats.

Counting of votes continues. pic.twitter.com/hPcXQITWeh
— ANI (@ANI) November 14, 2025

10:04 AM, 14 Nov

தெலுங்கானாவில் ஜூபிலி ஹில்ஸ் தொகுதிக்கு நடந்த இடைத்தேர்தலில் காங்கிரஸ் வேட்பாளர் நவீன் யாதவ் முன்னிலை பெற்றுள்ளார். பாஜக சார்பில் போட்டியிட்ட லங்கா தீபக் ரெட்டி கடும் பின்னடைவை சந்தித்துள்ளார்.

Jubilee Hills (Telangana) Assembly by-election | As per early trends by the Election Commission, Congress' Naveen Yadav leading over BRS' Maganti Gopinath with a margin of 47 votes after round 1/10 of counting. pic.twitter.com/jkCKePFPiB
— ANI (@ANI) November 14, 2025

10:22 AM, 14 Nov

ஒவ்வொரு தேர்தலும் அரசியல் கட்சிகளுக்கு ஒரு ஜனநாயக பாடம் என்றும், அதை பணிவுடன் ஏற்றுக்கொள்ள வேண்டும் என்றும் பாஜக தலைவர் முக்தர் அப்பாஸ் நக்வி கூறியுள்ளார். மேலும் அவர் கூறுகையில், வெற்றியும் தோல்வியும் நாணயத்தின் இரு பக்கங்கள். இதனை சில ஏற்றுக்கொள்வதற்கு தயங்குகிறார்கள் என்று கூறியுள்ளார்.

#WATCH | Delhi: Bihar Assembly Election Results | BJP leader Mukhtar Abbas Naqvi says, "every election is a democratic lesson and public message for the political parties and should be accepted humbly... Defeat and loss are two sides of the same coin. Some people believe in… pic.twitter.com/fqnQoEuDak
— ANI (@ANI) November 14, 2025

10:31 AM, 14 Nov

பீகாரில் ஆட்சி மாற்றத்திற்கான அலை வீசியதாகவும், பல இடங்களில் பாஜக தலைவர்கள் மக்களால் விரட்டியடிக்கப்பட்டபோதிலும், அவர்கள் எப்படி வெற்றி பெற முடியும் என்று காங்கிரஸ் தலைவர் உதித் ராஜ் கடுமையான குற்றச்சாட்டுகளை முன் வைத்துள்ளார். மேலும் இது தேர்தல் ஆணையத்தின் "SIR வெற்றி" என்று விமர்சித்துள்ளார். இது பாஜக-ஜேடியூவின் வெற்றி என்று நான் கூற மாட்டேன் என்று கூறியுள்ளார்.

#WATCH | As NDA crosses the majority mark in #BiharElections, Congress leader Udit Raj says, "SIR is leading. I won't say that this victory is of the BJP-JD(U); this is a victory of the Election Commission, of SIR. After the voter list was sanitised, lakhs of discrepancies were… pic.twitter.com/bGm7GRedXj
— ANI (@ANI) November 14, 2025

11:13 AM, 14 Nov

பீகார் சட்டசபை தேர்தலில் தேஜஸ்வி யாதவ் - காங்கிரசின் மகாபந்தன் கூட்டணி பெரும் பின்னடைவை சந்தித்துள்ளது. இந்த நிலையில் மகாபந்தன் கூட்டணி முதல்வர் வேட்பாளர் தேஜஸ்வி யாதவ் ஒரு ட்வீட் ஒன்றை போட்டுள்ளார். அதில், “இன்னும் இறுதிப் போராட்டம் மீதமிருக்கிறது தோழர்களே…!” என்று கூறியதோடு கையில் தடியுடன் கூடிய புகைப்படம் ஒன்றையும் பதிவிட்டுள்ளார்.

अंतिम लड़ाई अभी बाक़ी है साथियों.....!! pic.twitter.com/BzQRZ99dHf
— Tejashwi Yadav (@TejashwiYdvRJD) November 14, 2025

11:13 AM, 14 Nov

மத்திய அமைச்சர் கிரிராஜ் சிங், ”பீகாரில் வெற்றி உறுதி. ஆனால் மேற்கு வங்கத்தில் மம்தா பானர்ஜிதான் ஆட்சியைப் பிடிப்பார். ஏனெனில் அங்கு ரோஹிங்கியா மற்றும் வங்கதேச ஊடுருவல்காரர்களை வெளியேற்ற வேண்டும்" என்று கூறினார். இவரது கருத்து தற்போது அரசியல் வட்டாரத்தில் பெரும் விவாதத்தை கிளப்பியுள்ளது. மேற்கு வங்கத்தில் உள்ள ரோஹிங்கியா மற்றும் வங்கதேச அகதிகள் பற்றி இப்படியா பேசுவது என பலரும் கண்டனங்கள் தெரிவித்து வருகிறார்கள்.

#WATCH | Delhi: #BiharElection2025 | Union Minister Giriraj Singh says, "...Bihar ki jeet hamari hai, Bengal wali Didi agli baari Bengal ki hai kyuki waha bhi Rohingya-Bangladeshi ghuspaithiyo ko nikaalna hai..." pic.twitter.com/BAUpCuXlvo
— ANI (@ANI) November 14, 2025

11:27 AM, 14 Nov

”ஆரம்பகட்ட நிலவரங்களை பார்க்கும்போது நான் கூறியது போலவே, பீகார் மக்களுக்கு எதிராக தேர்தல் ஆணையர் ஞானேஷ் குமார் வெற்றி பெற்றது தெரிகிறது. இந்த போட்டி என்பது பாஜக காங்கிரஸ் ஆர்ஜேடி ஜேடியூ கட்சிகளுக்கு இடையே ஆனது அல்ல.. மாறாக இந்திய மக்களுக்கும் ஞானேஷ் குமாருக்கும் இடையேயான போட்டியாகும்” என்று காங்கிரஸ் தலைவர் பவன் கேரா கூறியுள்ளார்.

#WATCH | #BiharElection2025 | Congress leader Pawan Khera says, "As I said, the initial trends in itself show that Gyanesh Kumar appears to be succeeding against the people of Bihar. This fight is not between the BJP, Congress, RJD, and JDU. This is a direct fight between Gyanesh… pic.twitter.com/SMF8joiXBI
— ANI (@ANI) November 14, 2025