200 தொகுதிகளில் வெல்லும்.. பீகாரில் என்டிஏ கூட்டணி வெற்றியை துல்லியமாக கணித்த Poll Diary!

Updated: Friday, November 14, 2025, 15:26 [IST]

Subscribe to Oneindia Tamil

பாட்னா: பீகார் சட்டசபைத் தேர்தலுக்கு பின் வெளியான கருத்துக் கணிப்புகளில் என்டிஏ கூட்டணி 184 முதல் 209 தொகுதிகள் வரை வெற்றி பெறும் என்று Poll Diary துல்லியமாக கணித்திருக்கிறது. ஏற்கனவே டெல்லி சட்டசபைத் தேர்தலின் போது இதே நிறுவனம் பாஜக 42 முதல் 50 தொகுதிகளில் வெல்லும் என்று கணித்திருந்தது. அப்போது பாஜக 48 தொகுதிகளில் வென்று ஆட்சியை கைப்பற்றியது.

பீகார் சட்டசபைத் தேர்தலில் பதிவான வாக்குகள் எண்ணப்பட்டு வருகிறது. தற்போதைய சூழலில் என்டிஏ கூட்டணி 204 தொகுதிகளிலும், இந்தியா கூட்டணி 33 தொகுதிகளிலும் முன்னிலையில் இருக்கின்றன. அதில் பாஜக 92 தொகுதிகளிலும், ஜேடியூ 82 தொகுதிகளிலும் முன்னிலையில் இருக்கிறது. என்டிஏ கூட்டணியின் இந்த வெற்றி பாஜகவினர் மத்தியில் கொண்டாட்டத்தை ஏற்படுத்தி இருக்கிறது.

Bihar Election 2025 Congress 2025 Bihar Election Results 2025

ஆர்ஜேடி வலிமையாக இருக்கும் இடங்களில் கூட என்டிஏ கூட்டணி வேட்பாளர்கள் முன்னிலையில் இருக்கின்றனர். இவ்வளவு ஏன், இந்தியா கூட்டணியின் முதல்வர் வேட்பாளரான தேஜஸ்வி யாதவ் சில சுற்றுகளில் பின் தங்கி இருக்கிறார். பீகார் தேர்தலுக்கு முன்பாக என்டிஏ கூட்டணி 160 முதல் 180 தொகுதிகள் வரை வென்று ஆட்சியை பிடிக்கும் என்று அமித்ஷா கூறி இருந்தார்.

அதற்கேற்ப தேர்தலுக்கு பின் வெளியான கருத்துக் கணிப்புகளில் என்டிஏ கூட்டணி ஆட்சி அமைக்கும் என்றே கூறப்பட்டிருந்தது. பெரும்பாலான கருத்துக் கணிப்பு நிறுவனங்கள் என்டிஏ கூட்டணி 147 முதல் 167 தொகுதிகள் வரை கைப்பற்றும் என்று கூறி இருந்தனர். அதேபோல் இந்தியா கூட்டணி 70 முதல் 100 தொகுதிகள் வரை வெல்ல வாய்ப்பு இருப்பதாகவும் கூறி இருந்தனர்.

ஆனால் Poll Diary மட்டும் என்டிஏ கூட்டணி 184 முதல் 209 தொகுதிகள் வரை என்டிஏ கூட்டணி வெல்ல வாய்ப்பு என்று கணித்திருந்தது. அதேபோல் இந்தியா கூட்டணி 32 முதல் 49 வரை வெல்லவும், மற்றவை 1-5 தொகுதிகள் வரை வெல்லவும் வாய்ப்பு இருப்பதாக தெரிவிக்கப்பட்டது. தற்போது Poll Diary கருத்துக் கணிப்பு மெய்யாகி இருக்கிறது.

ஏற்கனவே டெல்லி சட்டசபைத் தேர்தலின் போதும் Poll Diary கருத்துக் கணிப்பு மெய்யாகியது. என்டிஏ கூட்டணி 42 முதல் 50 தொகுதிகள் வரை வெல்லும் என்று கூறி இருந்த போது, பாஜக 48 தொகுதிகளில் வென்றது. ஆம் ஆத்மி கட்சி 18 முதல் 25 தொகுதிகள் வரை வெல்லும் என்று கணித்திருந்தது. அதற்கேற்ப ஆம் ஆத்மி கட்சியும் 22 தொகுதிகளில் வென்றது.